Payares, San Isidro

Subí tres rutes mas al wikiloc.

Por orden, ye decir, según me acuerdo, comento primero la de ayer pol entornu San Isidro. No ye ni con mucho el recorríu mas equilibrau ni el mas guapu, pero como ye muy grande prefiero subir el track tal cual lu fixe, y llueu cada un que lu recorte o lu faiga mas sencillu o mas montañeru. La ruta fue, aparcando onde paren los esquiadores de montaña, o sea l´aparcamientu la Raya, dirección los Valmartinos pola “ruta alta” dirección al Collau Acebal. Yo llámola la “alta” porque pue dise mas per baxu tamién, siendo igual de guapo y con menos riesgu de avalancha: pola mi ruta hay un par de pasos onde hay que mirar el tipo de ñebe no seya que caiga to. Ya que taba pegué una escapada al Cascayón (subí sin pieles y sin quitar los esquies, pero ye que taba en per-buenes condiciones).

ENLACE AL TRAC EN WIKILOC:

http://www.wikiloc.com/wikiloc/view.do?id=787994

El siguiente oxetivu llera baxar pola pista Wamba pa dir a enllazar col Collau Pinzón. En seguida garré el valle de la izquierda (Arroyo de los Fornos), muy guapu pero que al ser cerrau hay que andar con güeyu non sea que caigamos nun pozu. Solo hay que mantenese en tornu a la cota 1600 pa allegase al collau. De aquí a Isoba to pa baxu, pero ayeri facía buen tiempu asina que entamé enllazar con otra ruta que poco tien que ver en términos d´esquí: subir pol Valle Eyarga y les mines de Talco hasta Requexines.

Cara y cruz: tras vadear el regueru pa atayar (idea absurda) atopé el senderu balizau que de Puebla de Lillo lleva a la llaguna Isoba: una calzada “romana” muy guapa, eso sí, sin ñebe. La cruz vino subiendo les mines: ya habíen retirao la ñebe y la pateada fue d´escándalu y bastante fea. En diciembre baxé per ehí y taba muy guapo. En fin, igual hay alternativa a sibir pola pista les mines (y les propies mines...) pero la próxima vez meyor paso de la Llaguna Isoba a la zona el Llagu Ausente (y les pistes de fondo que esti añu tan muy bien pisaes). Esi recorríu si que ye recomendable pa poder facelu circular, sin depender de que te vaigan buscar ni caminar.

En fin, a les 6 de la tarde ya suben les máquines a pisar, el regresu dende la estación al coche ye un momentu con esquis de fondo...

El segundu trac ye el Valle el Rio Pinzón. Atopar el camín dende el collau ye un poco complicao. Pa eso ta el Gps...

http://www.wikiloc.com/wikiloc/view.do?id=787993


En fin, l´entornu de San Isidro da pa muncho y ñebe hay abondo. Diedo preparau pa un nivel de “pista azul” pero tamién pa cruzar los llanos, o incluso pa patear como ayer non hay porqué limitase a los recorrios normales de ascensu-descensu típicos del esquí de montaña.

Por últimu tamién subí el trac correspondiente a la zona el Valle Gistreo en Payares. Prendí el Gps al llegar a Viadangos de Arbas, asina que el track que subí ye medio teóricu medio real. Pa esta ruta ye meyor llevar crampones porsi acasu ya que hay partes nortiaes. El tema ye subir pela estación, baxar pela caleya que pasa pol pinar y regresar pel camín de Santiago. Hay una zona que ye repoblao de pinos, bastante feo, pero en conxuntu la ruta ye bastante guapa. Lo que no sé ye que tal saldría fecha al revés o combinando la ruta con una ascensión a Celleros, el que tea preparau. La zona ye muncho mas modesta que otres, pero la ventaxa ye que, no mas crudo de los temporales la carretera permanez abierta. Y además, tárdase en llegar muncho menos que a otros llaos.

http://www.wikiloc.com/wikiloc/view.do?id=787991


Con estos tracks doy por despachao la zona los cuatro puertos mas accesibles desde el centru la rexón: Cubilla, Payares, San Isidro y Tarna. Eso no quier decir que con lo que fixi ya tea agotao, pero ye una muestra lo que se pue facer. Agora que hay buen tiempu y ñebe, queden los dos oxetivos principales d´esti inviernu: Puertu Piedres Lluengues y Somiedo. Tamién habrá que facer alguna ascensión curiosa, pero bueno, un añu mas les posibilidaes superen les oportunidaes d´algamales...

Esquí nórdico en la cordillera (2): Puertos de La Cubilla

Este invierno van 4 visitas y aun sigo perdiéndome. Taría bien facer un accesu (colectivu, claro, tipo telesilla) desde la autopista porque aquí ni en veranu hay mucha xente. N'imviernu podía tar guapo, eso sí, como no hay árbolao suel facer bastante viento.

Nebe hay a esgaya, pero el accesu sigue sin gustame. Ta muy malo de pasar, constantes aludes al llegar al tramu final de la carretera (si alguien sube que se fije mucho nel trac "1") o xelu, hay que dar rodeos, quitase los esquies varies veces, caminar. El otru día había un argayu na carretera.

Pero kilómetros y terren llanu, y ñebe, hay a retorcer.

Tengo dudes sobre el tipo de ñebe, esti añu ta siendo mala en tos los llaos, polo menos aquí aunque haiga costra, siempre tan los altos de la Cruz del Ciego (hay varios montes marcaos con esi nome, yo refiérome al mas altu, el de 1920 de altura al SO de los puertos de la Bachota) que tien una pala amable y constante.

Muy guapo, aunque muy solitario y algo siniestro, co esa sima que se traga varios regueros na parte asturina del puertu...

Espero seguir colgando rutes pa esquies nórdicos...

ENLACES A LOS TRACS EN WIKILOC:

http://www.wikiloc.com/wikiloc/view.do?id=768951

http://www.wikiloc.com/wikiloc/view.do?id=768954