3ª Etapa: los Arrudos pola Tabierna

Bueno, pues aquí dexo la ruta, unes tres hores calculo pero muy delicao diendo solu...

http://es.wikiloc.com/wikiloc/view.do?id=644019

¿tirar a facelo to montau como si se fuera acompañau? ¿baxar parte andando y rebaxar el nivel de la ruta?

La mañana del segundu día ye la parte mas complicada del proyectu. Habría que salir antes del amanecer, comer algo en Caliao si se quier facer la cuarta etapa a mediu día (un par de hores) pa dexar to la tarde pal postre...


Completo la descripción nos comentarios del wikiloc!!

Proyectu "Ruta les Mayaes" (etapa 2)

El tema sería facer la segunda etapa el mismu día que la primea, por la tarde. Unes cinco hores diendo suave.

http://es.wikiloc.com/wikiloc/view.do?id=624721

Les trialeres serien Les Foces del Pino y la Vallina Melera, pa dir a dormir a Cuevas. Un poco la descripción ta nel comentariu del wikiloc, nunca sé onnde lo poner.

Proyectu "Ruta les Mayaes" (etapa 1)

Abaxo dexo los enllaces al wikiloc de la primera etapa.

El motivu de la ruta ye xunir nuna traveśia de dos o mas díes les principales rutes de dificultá que suelo intentar facer tolos años. Esti añu llevaba retrasu asina que emtamé de faceles toes de golpe. Al final no pudo ser y baxaes que me parecen imprescindibles como la Vallina Melera ol puertu Piedrafita tan ehí esperando, y con l'invienu entrau no se yo...

Per otru llau, trabaxando na ruta sobre el mapa dixital (sigpac nel discu duru) empecé a recordar... na viella carpeta de cartón onde guardo los topográficos 1:50000 IGN ví que con un llapiceru la mayor parte de la ruta ya la había dibuxao fae casi 20 años, lleren rutes que diben subiendo los cordales que pola vertiente asturiana guañen na cordillera dirección a la costa, siempre pol collau mas cercanu a la propia cordillera.

Sedría como con la bici de carretera dir subiendo San Llorienzu, Cobertoria, Collaona etc siempre lo mas al sur posible, y dir enllazando una ruta con otra.

Les rutes "agraciaes" sedrien:

Dia 1
-Estrella Cuaña
-Foces del Rio Pinos
-Vallina Melera

Dia 2
-Arrudos por La Tabierna
-La Viciella
-Foz de la Escalada

Dexo el trac de la primera de les etapes.

http://es.wikiloc.com/wikiloc/view.do?id=612284

Coto Bello pero sin asfaltu

La subida a Coto Bello, que taba fai mucho nos catálogos de rutes de btt, fai unos años que ta asfaltada de manera que agora ye patrimoniu de les bicis con ruedes fines. Aquí dexo otra opción pa acceder a la zona sin pisar munchu asfaltu.

http://es.wikiloc.com/wikiloc/view.do?id=607077

Con la ruta de los corales de Carraceu y Muries y Santibañez y la siguiente (Estrella Cuaña) queda depachada la zona, me parez a mi...

"Esta ruta ye de longitú media pero bastante dura, sobre to la salida de Bello que ta formigonada al principiu. Esti cachu ye muy fácil de atopar porque coincide con un Gr (roxo y blancu), hasta la cota 850 na que me separo de les rutes usuales pa buscar otra un poco mas orixinal.

Cruzar Coto Bello y atopar la baxada pa Conforcos, sin Gps tien que ser pa xente que lo conozca muy bien, esi ye el motivu de que suba esta ruta. Na baxada, na cota 1250, nuna curva cerrada a la izda ta la desviación que se supone que da pa Casomera, lo que se ve ye una pista estrecha, poco usada y que se mete a la derecha en llano.

Casi tou la subida se fai bien montau y la baxada no ye nada trialera pero tien entretenimientu.

Desde Bello salen polo menos otres dos pistes poles pa tratores, quads y tou terrenos, seguramente se pue facer bien una ruta circular volviendo por una d'elles desde Collanzo... pero ye que me tocó la "páxara" anual..."

De visita a los collacios

[FOTO ELIMINADA]

No, no ye un rey Gaspar, ye el monarca (absolutu) de Abú Dhabi y de pasu de los Emiratos Arabes Xunios. Debíen day el premiu nobel de la paz poles sus buenes intenciones: ¿daquién dulda que les tenga ho?

El casu ye que aquí el nuestru monarca fue a facei una visita que polo visto non ye viaxe oficial sino personal ¿¿¿??? La verdá que non sé que tipu de consideración tien el estau esti exportador de petroleo en relación a otros estaos como Cuba o Venezuela pero ye como pa pensar n'ello. Hala pues allí taba Xuan Carlos "el nuestru" de visita particular charrando pola tele con "Lobato" acompañau de Botín, Ecclestone y unu con pinta xeque bastante gordu del que no ye posible establecer la su identidá. Un collaciu se supón.

Esta entrada no ye pa echar aquí una raxada ascontra la monarquia -ni siquiera de absoluta pues a fin de cuentes ¿que mas da? república, monarquia, monarquia absoluta... debe ser to apaicio- sino porque, aunque la carrera fue aburidísima, enantes de entamar taba viendolo y tras falar col monarca (el constitucional de aquí, no el constitucional de allí)manifestábase el peridista ablucau de vese metíu entre tantu "power". Probe, falloi el subconsciente. A lo que voi, lo que quiero decir ye que una vez metios nel ambiente propiu de la alta competición, parez que se escaecen conceutos que n'otru ámbitu sedríen de usu común: "soberanía popular" "democracia" "drechos humanos" y cosuques apaicíes.

Ambiente deportivu y monarquia. Premios príncipe d'asturies. Que i lu dieren a Fernando Alonso ANTES de haber sio campeón de na. Xuegos Olímpicos.

Taba yo bastante contentu colo que fixo Obama na última subasta de los xuegos. Tos pensando que había mercao un tacu papeletes y resulta que "no llebaba suelto".

Acordeme muncho de lo que había pasao con Fernando la vez que i dieren el premiu enantes de tiempu, col que i dieren a Obama pa mi dea por lo que va facer nel futuru. Veremos a ver esta vegada si gana el campeonatu el mundu, porque imperialista, lo mismo que los anteriores (pero con "talante").

Dexemos al marxen tou el perifostiu de monarcas absolutos, de premios tal y cual ya falemos de lo nuesto. Por ciertu, ta ñebando.

Pol cordal de Carracedo y pol de Muries y Santibañez

Aquí pongo esta ruta que posiblemente será de les poques que ponga que sean 100% ciclables. Se pue decir que ye una ruta "rally", pero con dos señores baxaes. Aconséyase prudencia porque sobre tou la baxá final puen atopase xente y vehículos.

Esta ruta cuelgola como acompañamientu de otra que con la misma idea de subir pol cordal de La Carisa y baxar pel cordal d'enfrete, envede facer el "transfer" baxando a les mayaes, to ciclable tal como lo atopé (facía pila años que no diba per ehí) pues pue facese tamién polo alto cordillera, con una caminata fuerte y... bueno eso ya lo cuento mañana, la ruta, que solo completé una vegada fai un añu, tendrá dos rombos...

http://es.wikiloc.com/wikiloc/view.do?id=604670

"Esta ruta circular non tien ningún tramu inéditu, ta to nos llibros de rutes y na rede, n'otres combinaciones, munches d'elles na fueya Sirgo.

Espero que al ponela non cause confusión, ye la mi manera prefería de recorrer la zona, subiendo pola Maravilla a La Cruz de Fuentes y pasando a Coto Bello baxando a les mallaes. El trac ye real, del sábado pasau, colos puntos falsos suprimios.

Salen 2.100 m de desnivel pa 55 km ciclables al 100%."

La Single-Speed del Nora

Aquí dexo l'enllaz a la fueya onde colgué la ruta, nel comentariu ta la explicación que ya ye perllarga.

http://es.wikiloc.com/wikiloc/view.do?id=591520

(recorríu teóricu)

http://es.wikiloc.com/wikiloc/view.do?id=595229

(recorríu que fixe al día siguiente colgar ésto, a modu exemplu)


Espero poder sacar esti domingo a pasear la Single-Speed de ciclocros, na carrera de Castrillón que polo visto va tener una recta rápida mas corta, así que igual ye apropiau el circuito y no se pierde tiempu coles bicis con cambios.

Espero comentarios a la ruta!!

Entre Nava e Infiestu

Ruta a pie con 35 km y 2.000 m de subida.

(Si alguien lo pide tengo el trac, lo que pasa ye que tien un par de vericuetos que habría que mejoralos)




La sierra Peñamayor, pa mi y pa muncha xente fue el primer sitiu onde facer actividaes de montaña, porque ta muy cerca. D´afechu tovía recuerdo dalgún regresu en bici dantescu, como la vez que recien estrenada la “Force 12” del mio hermanu, na seronda el '88, me agarró una tormenta con granizos como banzones de grandes tras haber intentao sin éxitu la subida a Les Praeres, que de aquella no tenía ni un solu tramu formigonau y llera tou un retu subila del tirón (bueno como faiga calor tovía lo ye). Otres veces volvimos cola pandilla del instituto (Noreña) a comprobar que la bici pola ñebe y el xelu no funciona nada bien.

La crónica de la ruta que va a continuación tien el motivu de la sorpresa agradable de haber atopao los senderos correspondientes a los “pr” navetos recién llimpiaos a desbrozadora, algo que, n´asturies, ye rarísimo y que convirtió una ruta que por improvisada taba destinada al fracasu, como me ocurrió fai una semana pala parte Llaviana, pa Fonbermeya, pues nuna ruta preciosa, de kilometraxe abundante, eso sí, fecha casi a la carrera porque los dias ya son mas cortos y pela mañana taba lloviendo.

Ba, tampoco hay que engañar al personal, la media montaña, si bien ye verdá que'l tema ye si los caminos tan o no en condiciones de pasar, pues tamien hay que decir que nesta zona tien problemas graves, ya que siempre se ven zones de monte baxu quemao, cada añu se ve alguna pista abierta a base de retroescavadora, y la verdá que entre to la zona ye un poco romería los fines de semana, cola antes pista y agora carretera de P. Miera a les Praeres casi con caravana y muchos grupos de “quads” (los que vi hoy la verdá bien agradables y prudentes). En fin, quédame la entgruga de si tendrá que ver que tean pa esa zona tan cotizaes les cabañes pa fin de semana con que tean los caminos cuidaos y si ye priemero la gallina o el güevu.

Bueno empiezo: el tema entamelu pensando sobre todo en facer kilómetros, una ruta estandar pienso que son 25 km con 1500 de desnivel. Como la parte que tenía pensao explorar llera la parte que se ve cuando se fai la subida de les Foces del Pendón, pues tracé la ruta suponiendo el iniciu en Fuensanta, y pa completar pues mirar a ver cuantos kilómetros sería pasar pala parte de Breza baxando desde la Collada Incosa hasta la carretera de Puente Miera a Les Praeres pa después dar la vuelta desde Breza poles propies Praeres y acabar faciendo les foces del Pendón, se supone que al añochecer, ya que taba a les 11 tovía al ordenador mirando el mapa.

En previsión de acabar a oscures aparqué en la aldea de La Corba, la verdá por error al agarrar el cruce en Fuensanta porque taba previsto parar en Cueva Alta. N'esti casu hubiera subido cerca ya de los pinares de la Sierra de Ques, en concreto pol camín, llanu, llamau “Camín de los Pilones”. Pero como aparqué en La Corva pues toa la subida fue mucho mas cerca el Rio Pendón, que cruzé en La Fogueraína, mucho mas guapo pero tamién mas lento porque ye un senderu de vaques, y hasta tuve que cruzar un prau cerrau de alambre, que siempre ye un poco palu andar pisando la pación... agarrando en El Collaín la pista aformigoná al acabala se ven marques del Pr creo que el 40, que sube hasta la cota 600 y llueu tuerce a la derecha pa les Foces. Así que nosotros pal llau contrariu, otra vez pa arrinba al topar otra pista aformigoná hasta Casielles y ¡la bomba! Atópase un senderu llanu a la cota 700, que se ve desde la subida de les Foces perfectamente porque a pesar de cruzar una ladera de monte baxu, casi tou cotolles, ta desbrozao un par de mentros a cada llau. Mas alante ta marcado como Pr tamién, a ver si miro como ye esti lio de Pr´s porque por lo que se ve aquí, y esto si que ye destacable, va por separao llimpiar los caminos y marcar los pr´s ¡que bien!

El senderu pr vuelve a metese pa les foces polo que toca por segunda vez cruzar una riega, y llueu subir al Picu Múa, al final con algo maleza pero bien. De aquí a la Collada Incosa ye un momento pero pa baxar a la carretera de Puente Miera a Praeres compliquelo demasiao por no dir pola pista principal y tocome la tercera riega nel llugar nomau como El Xabaliego, otra pérdida de tiempu mas que fixo baxar la media por debaxu los 5 km por hora, en total unes dos hores 40 minutos hasta Viforcos, onde hay buena fuente, y casi mil metros acumulaos de desnivel. Cruzamos la carretera y como un tiru pola caleya del Cantu Cerezaleu, pendiente de ver si hay atayu porque tengo acumulau media hora de retrasu. Pero el atayu no aparez, a pesar de tener marcao un recorridu teóricu nel Gps, así que decido facer la ruta entera y en una hora completo los 700 metros de desnivel hasta el Picu La Fuente, muy preocupau porque quedaben tres hores de luz escases, y la última parte de la subida fue lenta por culpa de les cotolles, muy molestes pero que se lleven bien porque son les primeres y últimes del día. Resten tovía tres kilómetros de cordaliar hasta Breza y llueu baxar hasta Fuensanta. El cordal por suerte diose muy bien, hay gran parte con un buen senderu y una fuente como diz el nome el picu, y ye muy guapu menos un cachu que taba quemau. El únicu error no haber fecho cumbre en el picu Tablazu y haber mantenío la altura (1050) a media ladera, pol sur, aunque aquí no perdí casi tiempu y fuí entreteníu y sin ñebla viendo el collau que separa la Sierra Peñamayor de el picu la Xamoca y el Cordal de Trapa.

Bueno pues tamos en Breza y hay que dai zapatu, hay un poco ñebla y bastante fame porque ya van casi cinco hores habiendo comío un puñau de castañes y una pera pequeña que atopé. Tampoco la baxada se me dió bien del todo, esos boscucos de acebu, al no tar bien marcao el camín, siempre se dan algo mal. Al llegar por fin la caleya no queda mas remediu que acelerar, lo que significa ya correr en serio, Les Praeres van en un plis y de ahí a Mayau Pastor exactamente un cuartu de hora, vente minutos contando la “parada” a agarrar agua, la mas llarga del día y eso porque la fuente echaba muy poco y había que rehidratase por culpa la mugor de tol día. Media hora mas hasta Collau Fornos, ya muy cansau y oscureciendo (van ya casi 30 km con dos mil de desnivel pa arriba y pa abaxu). Veo que se al coche en La Corva solo hay un kilómetro y debe haber camín porque se ve continuidá de cabañes y praos, pero ya ta oscuro y me cae media hora pa facer tres kilómetros baxando a la embotelladora y ya por la carretera, de noche pero polo menos sin pasar sed. Siete hores pa 35 kilómetros totalmente inesperaos cien por cien de montaña, onde me quedó demostrao que esta zona que solemos recorrer en bici u otros vehículos a motor, diendo “polo segao” o meyor dicho polo rozao, ye tamién muy guapo pa caminar.

Otra vez nos Arrudos

Bueno pues comentar que el sábado cumplí cola visita anual a Los Arrudos en bici, costumbre que dura ya dende 2001 con tou tipu de montures, y que, la verdá ya no ye que me ponga nerviosu cada añu, ye que directamente me da mieu, así que de aquí en adelante, y teniendo en cuenta que´l enfotu de facer una baxada "llimpia" creo que ta fuera del mio alcance, pues espero facela n´adelante pero de manera mas relaxá y poniendo los pies que faigan falta.

Eso sí, el casu ye que seguramente esta semana o la que vien me apuntaré a algún ciclocross, y la verdá ye que ye muy divertío y contradictorio que se considere de mas valor dar unes poques vueltes a un circuitu facilón de una competición (de lo que sea) que a realizar recorriu como esti. En comparación, una competición ya no ye que me ponga igual de nerviosu, ye que no tien ni gracia.

Esti añu tamién tenía pensao ser prudente así que fuí cola bici sin suspensiones (nada, ni delante ni detrás) y hasta con cubiertes moderaes y manillar baxu y adelantau, buenu pa pedalear y no tanto pa baxar. Aproveché el día que diba Fer ("Asturies Endurera") y compañía, que facía mas de un añu que no veía a varios de los habituales como Pablín o Toño.

La verdá que encontreme muy bien así que acabé faciendo una de les meyores sino la meyor de les 10 u 11 baxaes que llevo al desfiladeru: solo dos "pies" en dos de les curves clave, solventaes al segundu intentu, una "mano" mas bien que pie en un tramu muy moyau, una caída anecdótica nel piornal y lo demás a "cero" incluyendo resolver el tramu final de Puente La Calabaza a la primera y (modestia aparte) de manera bastante espectacular ya que me salió una "marcha atrás" en la última curva. La subida, ya completamente hormigonada hasta la fuente, pues unos 20 minutos mas rápido que nunca en compañía del "Especialista", en total 1h40 minutos desde la capilla de La Encrucijada hasta el Collau Acebal (collau Ubales).

En conclusión, la bici sin suspensiones pareciome por un lao que tien una facilidá enorme en trialeres, pero creo que el resultau ye ya demasiao trial y demasiao poco descensu, muchu bote y marcha atrás y velocidá muy baxa. En fin, nunca dixe que forcá sin suspensión fuera lo ideal pa un recorríu semexante, pero el casu ye que puse menos pies que nunca y los brazos no se me cargaron en absoluto. Lo malo fue el mieu que pasé nos escalones mas grandes.

Bueno, ya conté la aventura. Pues con el tramu hormigonau y el piornal desbrozau (¡por fin! esperemos que no tea sin llimpiar hasta la próxima vegada que haiga que reemplazar les señales, otros 10 años) la ruta resulta que ya dexó de ser una barbaridá pa los ciclistas pa ser símplemente una ruta muy dificil y técnica, pero totalmente apropiada. Espero que de ésta manera no empiece a haber problemas de convivencia con los caminantes.

Ah, lo que no me gustó nada de los trabayos fechos na ruta fueron les barandilles de mandera (de esa modelu "senda el oso" pero mas sencillo tovía), ya que estéticamente me parecen fatal porque compiten con los maravillosos cierres de mandera tradicionales casinos, con eses portielles de tarabiques que son de caer la baba, pero lo peor de todo ye que (como ingenieru lo digo) poner esi tipo de cierre como protección contra caídes ye una burrada, como quedó demostrao tráxicamente na sienda l´osu, y no entiendo que nel proyectu se permita proteger de caídes enormes con "cachos de madera" que ni siquiera de nueves valdríen pa asegurar la resistencia de alguien que se apoye, cuanto mas dentro de 5 o 10 años que tarán cayendo de podres, como tan cayendo por exemplu ne Ruta el Alba. Bah, la verdá ye que ni siquiera les señales de "pr" me gusten, agradezse les pintures pero los indicadores de madera por mi podien quedase nos alpes: mas tracs gps y menos llenar el monte de m...

Una de Bikeparks

Tal como dixe na entrada anterior, el tema los bikeparks merez comentariu aparte, y como esti añu dase la casualidá de que acabé visitando tos los que son referencia na península (La Pinilla, Manzaneda, La Molina, Grandvalira, Valnord y Les Gets) pues parez que me animo a valoralos, por orden cronolóxicu de les visites.

La Pinilla (Segovia).
Al tar cerca Madrid siempre va tener asegurao públicu abundante. No ye que tea mal pero creo que ye mas floju que los demás que visité. El descenso onde se faen les competiciones (copa de España etc) ta muy bien trazau y completu, por lo tanto eso ya vale pa que uno que compita vaiga entrenar, pero el restu del bikepark en cuanto se y dan un par de vueltes a cada baxada (cosa que lleva media mañana) ya no apurre gran cosa, además tien muy pocos saltos (en concreto los dos del circuito de descensu y dos mesetes al final). Que yo sepa no tien un recorriu pa facer con bici de rally, y una cosa que me preocupó ye que no hay serviciu médicu, hay un socorrista que ye muy amable pero no médicu ni ambulancia.

Manzaneda (Orense).
Aunque ta cerca pa gallegos y asturianos, lleva demasiau tiempu dir, porque de O Barco a la estación tardase tres cuartos de hora. Como estación de esquí debe ser una calamidá teniendo en cuenta la altura máxima (1700) y que no hay montañes altes alredeor. Pero como la inversión en lo que ye el complexu de la estación debió ser fuerte, pues el bikepark y restu de actividaes veraniegues se ve que tan fuertes.
Pa entrenar descensos de competición ta genial, con bastante mas variedá que el anterior, son 5 descensos bien diferenciaos: fácil, con saltos, con maderes, con curves enlazaes y dificil. Yo creo que pa cualquiera que compita dir un fin de semana polo menos al añu (nel dia no merez la pena tantu viaxe) y pa los que no compitan pero tengan o bien bici de descensu o moral alta pues polo menos dir a conocelo. El forfait ye baratu y no ye dificil atopar onde dormir sin molestar ya sea en furgoneta o vivaqueando. El hotel de la estación ye una buena opción tamién.

Hay terren pa pedalear de sobra con bici de rally (pistes anches) o de carretera. Sin embargo, el únicu circuitu que ta pensau pa bicis con 3 platos ye una sosez sin trabayar, una pista existente con alguna flecha pa orientase. Creo que ta marcau como recorriu “enduro” pero como mucho merez la pena facelu antes de la parada de la hora la xinta.

Les Gets
Les Gets en si no me pareció gran cosa pa la bici de descensu. De pasar tanta xente los circuitos tan llenos de rizaos y lo único que se mantién son los peraltes fechos con máquines, casi tos los recorrios son sucesiones de peraltes mas o menos enlazaos.
Los recorrios de rally de la propia estación, dos circuitos uno a cada lao de la carretera, son sensacionales, trabayadísimos y super-técnicos, pero lo meyor de todo no ye la estación en sí, en realidá, ninguna de les 8 o 9 estaciones que componen el dominiu me parecieron nada excepcional, sino el conjuntu de toes que ye monstruosu, como queda de relieve faciendo la super-vueltona “tour des portes du soleil” con una bici de 3 platos y pedaleando mucho, donde se puen atopar absolutamente de todo y pa tos los gustos y tipos de bici. En munches ocasiones los tramos de enlace entre estación y estación, senderos existentes independientemente de los resorts y llenos de caminantes, son de tanta calidá o mas que los descensos construíos. En total deben ser como 500 km de senderos balizaos, con una media de 2 remontes por estación. Lo dicho, monstruoso.

La Molina (Girona)
Bikepark menos conocíu de lo que se merez, ye bastante mas grande que Manzaneda y tien mas variedá que aquel: un descensu “verde” muy rápidu y uno “panorámicu” que hay que dar bastantes pedales. El descensu de competición ye también muy buenu pero eso sí muy largu. En cuestión de saltos y estructures ta muy bien trabayau. Los circuitos de rally son sin embargo muy poca cosa, por lo que val mas si se va con una bici polivalente dir a facer rutes por otros llugares de la Cerdaña (como la que narro na entrada anterior).

Grandvalira.
Esti bikepark andorranu ye sin duda el meyor de tos pa entrenar descensos, un solu día rodando y se nota la mejoría nel pilotaxe. Mejor y mayor incluso que La Molina. Un 10 al trabayu del diseñador, Oscar Saiz, por trazar unos recorrios claramente diferenciaos que faen un conjuntu completu eso sí, siempre con bici de descensu. Prácticamente con una bici que no sea específica no hay nada que facer, y además los alrededores son... en fin, no muy allá, remontes por tolos laos y poca poca naturaleza. Marmotes si que hay muches.

Valnord.
Los descensos donde se concentra la actividá a lo llargo del día, na mi opinión, no son ni con mucho merecedores del éxitu de la estación. Hasta el copa del mundo me pareció poca cosa, a pesar de los grandes escalones que tien, el desnivel ye floju y en general no ye muy buenu pa entrenar. Lo demás ye facilón y monótono. Creo que la xente que va a Valnord ye xente menos interesada en la parte deportiva del tema que en la lúdica, como se ve tando na parte de restauración, que siempre ta llena incluso aunque no sea la hora de comer. En ningún otru bikepark vi tanta xente parándose a comer sentao sin prisa (yo suelo comer subíu nel remonte pa no perder ni una baxada, si tengo el dia con paciencia igual agarro algo na furgoneta, pero parar lo mínimo).
Los circuitos de rally tan bien pero el que ye interesante tien una dureza descomunal lo que fai que casi nadie vaiga por él, no suel haber ni rodaes.
En general el bikepark tendría un suspenso de no ser por los circuitos que xunen la estación de esquí con La Massana (el Route 66 sobre todo), con sus 700 m de desnivel. Solo esi descenso merez la pena realmente, el viaje y el riesgu de mancase en Andorra, fuera del espaciu UE, una auténtica putada incluso pagando el seguro de la estación.

La mi conclusión ye que los bikeparks de España y Andorra tan bien siempre y cuando interese la competicion y/o se disponga de una bici de descensu. Pienso que al menos la mitá de los esfuerzos en facer un bikepark teníen que tar dedicaos a xente que no tenga bici de descensu pero si interés en el usu deportivu de la bici cuesta abaxu: ¿onde tan les trialeres difíciles o los single-trac técnicos? De otra manera pienso que se va detrás de la moda en lugar de delante, con lo que el éxitu futuru de la actividá pue tar en peligru.

En realidá parte de el camín que sugiero ya ta siendo andau, no hay mas que fijase en que les modernes bicis de descenso son mucho menos pesaes y mucho mas pedaleables que les de fai años. Pero pienso que hay que asumir que un usuariu no competitivu de bicicleta de montaña debería poder ir a un bikepark con la misma bici que use día a día pa dir de escursión, como mucho cambiando les cubiertes por unes de descensu, porque el casu ye que les sensaciones en sobre una bici de descenso son exactamente les mismes que sobre una menos descendedora siempre y cuando el circuito sea el apropiau pa cada una de elles, una pescadilla que se muerde la cola.

Hala y paro ya que esto parez una columna de opinión del economist.

dh nº9: Senda l'Arcediano

Ayer por fin decidime dir pala sienda L'Arcediano cola bici. El plan: aparcar en Puente Dobra, subir por carretera, facer la sienda (la parte que mayormente conocemos como la sienda o sea de Soto a Angón)y enllazar por San Román y Carbes hasta Vis y el Dobra.

Faigo namás una descripción rápida.

Debío a quel desnivel ye altu, de los 40 mts del aparcamientu a mas de 1500 de la Portiella el Tarabicu, decidí llevar la bici sin suspensiones, con cubiertes muy gordes pero de carcasa fina. Con elles pude subir muy rápido, en algo menos de dos hores taba en Soto de Sajambre. Ah, una cosa, la carretera Soto ta en obres así que o bien se pasa entre la una y las tres que tan comiendo o bien se entama desde Oseja.

Desde Soto Sajambre la pista ta señalizá por demás, y ta preparada pa todoterrenos, ciclable pero muy duro, hasta la cota 1300 onde ya entama el senderu. Mas o menos otra hora de subida.

En cuantu a la Senda en si, el dato fala por sí mesmu: hora cuarenta pa poco mas de 6 km, ye decir velocidá inferior a la de una persona. Les cubiertes no funcionaron muy bien al ser bastante dures, y lo que mas me sorprendió ye el pocu desnivel, con muchos cachos cuesta arriba, así como la cantidá de tramos con piedra suelto.

Así todo, lo mas característico son los tramos llanos de piedra que debió ser en su día la sub-base de la calzada, agora piedres del tamañu un balón muy desgastaes pol usu. Teniendo en cuenta que tan agora arreglando (plan “E”) la calzada, los tramos cuesta abaxu o en llano mas o menos se pueden trialear, a excepción de un tramu casi al final que taba humedo de la orbayá y de pasar les vaques, que pamidea baxen a beber porque taba muy pisao. Calzada gastada+humedá=nidio así que ni lo intenté, dafechu baxabase mal caminando.

En fin, ruta de mas sufrir y entrenar que de disfrutar, pero eso sí pa mi “necesaria” aparte que les vistes son como tol mundo sabe maxestuoses.

Una vez alcanzada la Collada Angón, el tramu de baxar hasta Vis y llueu hasta el Dobra no tien dificultá aparte un par de repechos de hormigón y por el contrario ye guapísimo, incluyendo el extra de un bañu en una poza del Dobra pienso que ye una ruta que con un tiempu total a partir de 6 hores (6 y media me llevó) guarda tovía mas satisfaciones que penuries.

Apúrrese trac pal gps, aunque hay dellos nel wikiloc.

Queridos Pirineos:

Cola d´esta selmana pasada ya van seis o siete visites, pa una cosa o pa otra: un par de campeonatos de bici, otru par de vegaes pa esquiar nes estaciones y otres dos en plan mas turísticu tovía. Relato ésto porque colos sitios y sobre to coles montañes ye como si fuera una relación, primero ando rondando el tema, aprendiendo los nomes de los pueblos, les principales carreteres, asumiendo el paisaxe, y ya mas tarde tratando de... en fin creo que la analoxía ya ta per-establecía, poneivos tolo poéticos que quedráis pero digamos aquí símplemente que tratando de profundizar nel conocimientu...

Dicha la tontería voy dexar aquí, pal que-i preste, nota de los 8 (ocho) díes de actividá seguíos de los que acabo de volver, si bien ye verdá que tovía ye muy pronto pa contalo puesto que tovia me acuerdo bien y non tuve tiempu escaecelo pa inventar un recuerdu menos fiel pero mas entreteníu.

El casu ye que tras viaxar con Héctor (collaciu del GM Texu) el vienres 28 de agostu pasau hasta la localidá de Plan, faciendo nuechi pol valle Biadós pa riba, al llau la ermita la Virxen Blanca y del campin El Forcallo, iniciamos l´actividá el sábado temprano, con intención de subir al picu Posets, del que (reconozco la mi ignorancia) non sabía que tuviera una altura solo superao na cordillera pol Aneto. Diose bien el picu gracies al tiempu muy buenu, sin mas novedá que el desnivel fuerte que libramos (1800 metros) y un pasu, al acceder a la cresta cimera, por una llambria descompuesta que requería a la vez precaución y decisión, que si bien en casu de apuru debe poder sortease dando un rodeo, tampoco ye pa tol mundo ni pa toes les circunstancies. Llevé eso sí una pequeña alegría ya que me permití facer un test de esfuerzu al superar los 3.000 metros -cosa que nunca había fecho, que lo mío ye mas bien la caleya y el prau que les grances cimes- y quedé bastante contentu al comprobar que pese al cansanciu y la mochila mediana el altímetro marcaba una buena velocidá de ascensu en comparación a la que suelo medir por aquí en condiciones apaicíes.

No pue acabar aquí el comentariu sin teclear que esta zona de Gistaín y Biadós tien ¡al menos por el momentu! el aislamientu suficiente como pa que se conserve el terren natural así como los usos tradicionales, no sé si ya puse alguna vez que lo que mas me presta del monte ye ver la xente per ehi ocopándose del ganao y los praos. Taben por exemplo empacando al llau el refuxu Biadós cuando baxamos pela tarde. En fin perguapo.

El día 2, domingo, fiximos Hector y el escribidor otra ascensión, esta vez al picu Neouville, de muchu menos desnivel (no llegó a mil desde el aparcamientu, que por cierto hay que pagar, nel nuestru casu 5 euros) y que tien una dificultá menor, mas o menos como Peña Ubiña y del que mas hay que destacar ye que tien unes vistes dificilmente mexorables. Hector sacó una panorámica de 360º que espero que haiga quedao bien tras el esfuerzu de haber transportao la “reflex” tamién a esti segundu “tresmil” del fin de semana. En fin creo que i prestaron estos dos sitios tantu como a mí, solo que por desgracia pa él se tuvo que volver, mientras yo esperaba pa continuar cola esploración pirenaica, que ya dexaría de ser andariega pa ser dando el rabil, el rabil pa los pies que son los pedales de la mio bici de descensos.

De manera improvisada quedeme en un campin en St. Lary esperando y suponiendo que los mios collacios bicicleteros se presentaren como habíen quedao sin novedá la tarde del lunes, como así fue a pesar del calor que soportaron pol viaxe Miguel “ el Especialista Mike” y Pablo “A.C.M.E.”, que xunto col que teclea formamos un tercetu de verdadera bizzarría de la montanbai, en dura puxa por ver cualu s´estrema de la corriente principal biker, víctima de la moda onde lo haiga, al nuestru pesar. Así como quien no quier la cosa pa entretener el ratu de lunes subí desde los 800 mts de St Lary Soulan hasta los 2200 de una cimina al llaun de un collau marcau nos mapas como Crête de Hitte Monte, que daba una baxada fenomenal pol pueblín de Ens el mismu pueblu de St Lary, pena que me quedó un cachu de GR-10 sin atopar y acabé faciendo un par de km por asfaltu, pero muy buen día.

De martes ya pasamos a lo que llera l´enfotu de los mios compañeros de la semana, que llera ni mas ni menos que practicar el ciclismu de descensu por monte nos llamaos resorts alpinos, pero non se vaigan tovía, que aparte del comentariu que a esti fenómenu novedosu de los Bike Parks yos pienso dedicar, tovía tengo pa contar tres díes de escursiones en bici tou terrenu pola Cerdaña y Andorra, ya que dividí los 5 díes de actividá a la mitá y así fixe 2,5 escursiones en solitario y el restu el tiempu dediqueme a pegar saltos y tomar peraltes, en buena compañía.

Como dixe de martes y de viernes pagué el forfai (unos 20 euros de media suel costar) así que dexé pa escursiones miércoles, jueves y sábadu.

El miércoles partí pela mañana de la estación gerundense de La Molina, sin mas mapa que unu de carreteres xeneral, pa subir acontinuación la Collada de Tosses (1800 mts), con intención de echame al monte poles pistes forestales que suel haber polos pinares y quizá llegar a la zona el “cremallera” de Nuria o bien allegame lo posible al Puigmal. El casu ye que en Tosses no atopé per ningún llau una buena pista y por asfalto fui baxando con gran disgusto hasta perder unos 400 mts dirección Ripoll, hasta por fin ver una entrada que ponía “Dorria”, momento que pensé que la escursión sería fallida y habría dar la vuelta pel mismu camín. Encima facía muchu calor y víase que per enriba los 2.000 o así taba el borrín metíu. Por suerte al llegar a Dorria atopé les marques del GR-11 y entamé seguilu dirección a Puigcerdá (o sea de regresu) resultanto una escursión preciosa a pesar de lo llarga, y de dame la oportunidá de visualizar gran parte de la Cerdaña y un poco del Ripollés. El puntu mas altu la escursión, por cota y guapura, fue el Coll de la Creu de Meians, puertu de 2.000 mts de buenos pastos y rebaños de vaques ratines, escorniaes. El GR decidí seguilu hasta la propia Puigcerdá, siendo los tramos mas altos muy técnicos en una travesera que casi no perdía altura, pa lluegu enllazar con pistes sin atractivu propiu pero con una vista perguapa. El regresu hasta la Molina fue por asfalto aunque hay munches opciones pa facelu por monte, pero ye que 16 kilos llargos de bici de descenso faense pesaos n'escursiones que superen los 1.000 mts de ascensu.

Queda por decir de les comarques del pirineo gerundense que les modalidaes nórdiques del esquí aquí tienen un sitiu de privilexu, hasta tal puntu que na Molina por haber hay hasta trampolines, así que el que pase per ehí en inviernu non esquaeza malles de correr, gorru de llana y 8 euros pa alquilar un par d´esquís de fondo.

Tovía queden les escursiones andorranes. Na zona de Envalira (dominiu agora llamau Grandvalira al concentrase les cuatro estaciones del valle) pues la verdá ye que el vranu dexa ver con toa la su crudeza lo que ye un valle cuandu se lu dedica por entero al monocultivu el telesilla. Tien de positivo eso sí que fixe actividá tol día per enriba los 2.000 metros poles pistes de mantenimientu de les estaciones, entrando un poco a ver como son los llagos que hay al pasu del GR-7 pol sur de principau. El GR-7 pela zona Grau Roig no lu atopé ciclable pero no ye feo. Bastante guapo ye la la parte que hay nel estremu contrariu del principau, subiendo por Pal hasta el Por de Cabú, así que relato la última escursión.

Saliendo del propiu Pal, que ye un pueblín que por suerte quedó al marxen de des urbanizaciones y merez el paseo a poder ser nocturnu, allegueme a la estación d´esquí. Na estación tenía pensao pagar el fortait pero tras mirar el mapa decanteme por un senderu que forma parte del Biker Park pero en modalidá cross-country (XC en abreviatura), que me llevó de la estación de Pal hasta el Coll de la Botella por senderu super-técnicu en travesera. Aquí marcaba el recorriu baxar por pista hasta Bordes de Seturia pero la carretera en subida atráxome y colé pal Port de Cabú, a 2300 mts onde acaba l´asfaltu y entama lo guapo: dexándose caer pela pista aparecen vistes de una gran porción de los Pirineos, creo que al Coma Pedrosa en primer términu aunque ni desde aquí ni desde Pal s´estrema muy bien un picu de otru, y por fin un valle muy guapu caleya abaxo, ya en terrén español. En fin, regresé al Coll y faciendo una baxá tipo Mericueria pero peor y mayor, retomé el senderu “XC-4” que se adentraba tamién en terrenu español hasta Os de Civis pa entamar una subida super-fuerte de 600 mts de desnivel (otra vez por encima de los 1.000 acumulaos...). La dichosa subida aparte de ser “amplia” tenía de malo que el últimu tramu no llera posible al menos pa mi subilu montau -y subí el Xuacu casi enteru- colo cual y un par de pasos casi de escalada ficieron merecedora a la ruta del color prietu con que taba pintá nel croquis de pistes. El día finalizó con un par de baxaes de antoloxía, una vez lliberaes les suspensiones: primero el recorríu la copa el mundo y a continuación los mas de 700 mts de desnivel entre la estación y La Massana por uno de los recorríos de descensu mas transitaos, el “ruta 66” ya en compañía de los collacios, que encima me dexaron repetir un par de vegaes mas esti descensu al prestame los forfaits (psssss).

Bueno, pues esto fue to, el domingo o sea ayer teníamos pensao facer daqué de regresu entrando a Cauterets, pero la verdá ye que tabamos molíos y dexámoslo estar, eso sí, con gran pena porque el mismu shock que recibi al trasladame de esa zona a una estación d´equí (en verano, con obres etc) lu volví a recibir al revés y les ganes de conocer el Pont d´Espagne y el refuxu Russell, o Gavernie y el Port de Boucharó ficieron que tornar tornara pero afalagau y esmordigañando les uñes.

Klunker en Alpes

Dejo un poco nota, pa quien pueda servir, de les rutuques que recorrimos esta semana pasada pola zona del Haute Savoie, tolo alpines que pudimos. Comentar que fue una cosa medio improvisá a raiz de unos díes de que dispuso el mio collaciu Miguel “Especialista Mike”. Sin munchu tiempu pa decidir el tipu actividá baraxamos desde dir con bicis de carretera a les alforxes. Con poca discusión decidimos dir coles bicis tal como taben de andar por aquí, que valieren un poco pa to, y dir a buscar sobre tou los senderos balizaos pola FCC u otres fueyes web percusioses que recopilen tantu les rutes oficiales comu otres menos ortodoxes (free-ride, travesíes etc), como www.tracegps.com o www.alpestour.com

Al final de los 7 díes que tuvismos actividá 3 fueron usando el GPS como base de les excursiones, siempre o bien combinando dos rutes o ampliando con otros tramos que mos parecieron de interés, mapa de papel en ristre, pa acumular cada día entre 1500 y 2000 m de desnivel y entre 5 y 7 hores. Eso sí, les baxaes siempre fielmente siguiendo los “tracs” ya que de otra manera hubiera sio imposible atopar semexantes senderos, que diben en dificultá del “muy difícil” al “esto no ye pa mi”. Eso sí, to muy bien balizao y prácticamente recién rozao y llimpiao. Dos dias, los primeros, gastamos cerca de Chambery (Massif des Bauges) y otru, el últimu en la localidá de Les Clusses, zona del dominiu alpinu de Les Carroz, cerca Morzine.

nota: mirando pela rede atopé esti video de una de les baxaes, la del Jueves, la que baxa pola cascada de Doriaz hasta Chambery, ye calcando nesti link (si bien imaxinaivos que nosotros baxamos sin suspensiones ni protes ni na, dafechu esa baxada ye mas fácil que la "Nivolet" que enllazamos a continuación...

http://www.zapiks.com/la-doriaz.html

La otra actividá destacable fueron los dos díes que tivimos rodando pola zona Les Gets, dominiu Vall du Soleil, que comprende tamién Morzine-Avoriaz etc hasta Champery (con “P” en Suiza), en total son 12 estaciones. Aquí el primer día, con tiempu inestable, que fue meyorando, mos dedicamos a recorrer los senderos marcaos na estación como “Xc”, sin pagar remontes. En total unos 50 km en dos bucles, antes y después de comer, muy guapo y completao tamién con baxada por un DH marcau en negro. Al día siguiente, con tiempu pa estudiar la situación, decidimos pagar el forfait -20 euros- a primera hora y tratar de facer el recorriu “Tour des Portes du Soleil” que garrando 8 remontes faense unos 80 km por casi toes les estaciones del dominiu. Nosotros aumentamos un poco el númeru remontes a 10 así como la dificultá, quitando eso sí algún km al facer descensos mas radicales como el DH WC de Champery, que por cierto tuvimos que abandonalu porque no lléremos quien a facelu montau. No tengo el datu concretu del desnivel baxau porque se me olvidó prender el GPS en buena parte, pero por el que acumulamos pola tarde debió andar claramente por enriba los 6.000, de los cuales calculo que fadriemos dando pedales unos 1.000 de ascensu y el restu con remontes mecánicos de tou pelu: dende vieyos telesilles 2 plazes, de 8, hasta el super-teleféricu de mas de 100 plazes de Champery. Un recorridu preciosu que ambos "stuntmen" fiximos con bicis tipo “rally” -la mia forcá de acero rígida- eso sí con buenes cubiertes, frenos y manillar altu –y baxando e sillín-. Comentar, que eso ye muy interesante, que la sobrada de pillar dos remontes mas fixo que tuvieramos que dir casi a tope pa garrar el últimu remonte, y eso que solo despreciamos un cuartu de hora desde la apertura en Les Gets, a les 8:45. Garramos el últimu remonte en Morzine a les 17:20, diez minutos antes de cerrar (eso sí, de Morzine a Les Gets no ye mucho, lo malo sería quedase tirau en Champéry…).

Esti relatu ye ya lo suficientemente extensu como pa dar mas detalles, pero pal que necesite información detallada será un placer daila.

Pero la excursión dio pa dos sorpreses mas, de manera totalmente imprevista. El día de transición entre el macizu los Bauges y Chamonix, el Especialista Mike tomó descansu y aquí Klunker fixo la travesía desde Albertville, a unos 400 m de altura a Chamonix, pol Col de la Joly a 1989 m. Preciosu puertu que no conocía de na y onde ví daqué que ye pa comentar, que ye como cataben les vaques no alto el puertu con una mini-sala ordeñu entamá en un remolque pal trator con comederos pa cebar el ganao, al mismu tiempu que nos pastos de la parte media de la montaña (iniciu de los siempre presentes remontes) taben a la llerba, faciendo una integración entre les pistes de esquí y el aprovechamientu los pastos percuriosa. Del puertu la Joly fixe la baxada a St Gervais Les Bains diendo a buscar el senderu de la vuelta al Mont Blanc, garrando un tramu muy técnicu hasta atopar la pista que va hasta el Puertu Ventana (Coll de la Fenetre), al que no me atreví a allegame por mieu a que me oscureciera, y fixe bien porque al llegar abaxu casi me da mal al ver el altímetro a menos de 500 m, con lo cual la subida a Chamonix por Servoz, eso sí preciosa con cubiertes mixtes que-i había mangao a la bici, totalizó una xorná de unos 2200 m y ocho hores y media, y que se yo cuantos km.

La última anécdota, al día siguiente antes de colar pa Les Gets, con muy mal tiempu, aprovechamos una ventanuca pa facer un poco trecking tranquilu, subiendo de un poco pa riba Chamonix (onde atopamos aparcamientu) en dirección a la Aguille du Buet, de 3100. No fiximos cumbre por prudencia y ñebla, solo llegamos al collau de Salentón, pero la anécdota del día fue que al baxar mos cruzamos con unu que subia corriendo, corriendo mucho… “bon jour-bon jour” “ondia como va” “meyor que los de la travesera tovía” “pues hay un rapaz catalán que va tovía mas deprisa, fíxate como irá” “na mio vida vi na igual, ni nel tour”. El casu ye que aunque debió facer cumbre, llegamos abaxu casi a la vez, y ahí mos dimos cuenta de que llera el mismísimu Killian Jornet, buena anectota pa el día mas tranquilu que fiximos, “solo” 5 hores y 1300 de desnivel acumulau…

Al final, nos 7 díes salió xorná llaboral, 40 hores de exerciciu pa unos 11000 m de desnivel ascendíu (sin contar remontes eh?) y un par de kilucos-de-mas, menos.

ESQUÍ TRAVESÍA CORDILLERA CANTABRICA (TORMALEO-CORISCAO)

(trac aquí, dejo solo el enlace porque el i-frame ocupa mucho)

http://es.wikiloc.com/wikiloc/view.do?id=655192


Tuve la oportunidá de xunime al proyecto del GM Texu de Samartín del Rei Aurelio -www.gmtexu.com- de cruzar la Cordillera con esquies. Ye un proyectu que ye muy pocu realizau. Esti añu, sin embargo, dos esquiadores vascos ficieron la ruta Alto Campoo-Leitariegos en una semana, sin enlaces en coche pero con tramos corriendo, pues llevaben apoyu diariu. Una ruta muy meritoria, en la mi opinión, al alcance solo de xente muy preparada.

El estilo determinau por el “entamador”, Javier Arienza, era sin apoyu diariu, con un estudiu cartográficu muy por encima y sin gps. (que portamos como precaución sin embargo, uno yo y otru Félix, el tercer componente de la escursión y por quien supe del proyecto).

El primer problema fue el material a transportar. Yo no tenía una mochila apropiada pa varios días así que aproveché y compré una. Escogí una con la que se pudiera esquiar bien, con capadidá de 45 l. Al poner al lao les coses que quería meter dentro, casi la mitad no cabía. ¿Qué facer? Al final, de acuerdu con los compañeros decidí llevar una de 60 litros, casi llena. Si repitiera la ruta prescindiría de varies coses. Lo decisión mas drástica, los crampones. Un sacu muy ligeru de 1 kg o menos, muy poca comida (pa un día y un poco mas) y otra decisión drástica, sin playeros de caminar. Existen unos playerucos de vestir (que me parecen feísimos) muy de moda que casi no pesen nada, son como zapatilles de velocidá o como de boxeador pero bajes. Algo así sí se pude llevar, incluso unes zapatilles de andar por casa ¿se podrán poner con la bota de esquí a modo de madreña? pero unos playeros creo que prescindiría, teniendo en cuenta que el tema de la bota de cuero fue, en la mi opinión, un aciertu. (cero problemas con los pies). Otra cosa rara que llevaba era un cachu de plástico polietileno de 2x3 y unos pequeños altavoces pa el mp3. El plastico creo que lu voy a mantener, además de la manta térmica, en excursiones con cierta posibilidá de facer noche al raso. Eso sí, igual mas pequeñu, y añadir solo la pala (Javier sí llevaba pala).

Esti ye el resumen de les diferentes jornaes que ficimos:

-Xorná del Miércoles: Conducíos por Elena a mediodía mos plantamos na Campa Tormaleo, límite entre Degaña e Ibias, pa subir, faciendomos al pesu de la mochila, al alto de Cienfuegos, ya a la vista del Picu Miravalles (unos 4 km) que xuzgamos muy tarde pa acometelu. Félix va un poco mas ligeru pero casi siempre va abriendo huella por lo que el esfuerzu se compensa. Yo voy bastante por debajo de lo que puedo, pendiente sobre todo de que alguna parte de los pies diera síntomas de ganes de dar guerra.

Así que baxámos sin mas camín de Guimara, Chano y Peranzanes a onde llegamos a eso de las cinco y por fin decidimos dormir a techu nel hotel-albergue, onde mos atendieron muy bien, y quedó bien apuntau el llugar pa facer una excursión de fin de semana onde por exemplu se-i pue dar cima al Miravalles, o bien rodealu pa baxar a Balouta pol pasu de la Colada, llegase incluso a Pelliceira, llugares conocíos tos pola travesía btt Degaña-Ibias, si bien siempre en verano… en fin recorrer lo que tea ñebao de los Ancares, que ye un sitiu que ta demasiao lejos como pa dir nel día y demasiao cerca como pa que se mos ocurra entamar varios díes, pero ¡que guapo ye! Una cosa mala: no hay cobertura “Vodafone” y el teléfono públicu no funciona. Esa sería la tónica de los 4 días: monedes al teléfono públicu. ¿el 112? Supongo que funcionará, pero no sé…

El Jueves, bien descansaos, madrugamos aunque taba nevando. Debía pasar poco de las 9 y media y ya tábamos subiendo el Puertu del Trayecto. Eso sí que ye guapo y merez la pena. Mientras subimos la nevada no molestaba creo que casi ni nevó, pero una vez en el alto, fue imposible por la ventisca llegar a les Lagunes pa pasar al “Collao de San Antón” (mas conocíu como Puerto Valdeprado, que ye una carretera privada, propiedá de la explotación minera). Así que pese a intentalo nos dexamos caer en direccion Degaña monte abajo, de manera que apenes avanzamos respecto de onde mos hubiera dexao la baxá del Trayecto (Rebollar, onde entama la subida a la Campa Tablao). Repasando la cartografía, veo que el “Pr” que indicaba una desviación a la derecha, en la cota 1100 como “Camino de Las Brañas” nos hubiera puesto mas francu el camín a les Lagunes y el Alto Valdeprado. En tou casu parez una pasu complicau (poles árgomes) y con bastantes cambios de dirección, seguramente un cachu a preparar con el Gps.

Total que de Degaña a Cerredo ficimos por carretera (jornada de 8 h), así como al día siguiente hasta el alto Cerredo, pa desgracia de los pies, y de los hombros, ya que la mochila con esquís ye demasiao. Esa noche y la siguiente fueron de acampada, usando el mejor techu que atopamos cada día tanto en Cerredo como en Leitariegos.

De Cerredo a Leitariegos salió envede la etapa de recuperación prevista una duruca, de unes 7 h o 7 y media, por culpa de la niebla que nos fizo dir buscando algún itinerariu lógicu y cambiando el criteriu: en primer lugar taba hablao llegase a un collao señalau en el mapa que teníamos, el mapa de llinies de cumbres del libru de Lueje, como “collao de La Bobia”, pa lo que calculé 3 km al sur, debiendo atravesar la Vega del Palo, que da pasu por el “Collao Alto” al valle de Monasterio de Hermo. Dao que el terreno y la niebla nos fue escorando cada vez mas en dirección oeste hasta coronar el Picu Los Chanones, y ante la advertencia de Javier de que lo mismo nos metíamos sin querer en la vertiente asturiana, retrocedimos y fuimos directamente a la Vega del Palo pa rodear esta vez en dirección Este y llegar a Leitariegos por la parte baja de la estación en lugar de por la alta por la Llaguna de Arbas, que ye lo que a mí se me había metío na cabeza. Deténgome en esta historia pa documentar como según voy esquiando me separo mas y mas de los criterios montañeros pa dai mas importancia al desplazamientu en horizontal pol terreno mas favorable posible. Humm, creo que me van a salir “escames” y no precisamente en la mi piel sino en la suela el esquí…

Al llegar al alto los Chanones vivimos una situación surrealista: con niebla densa, al llegar al alto comenzó a abir y vese como un valle lunar en dirección nor-oeste (no sospechaba que hubiera eso por aquí). Según clareaba de repente oimos un Land-Rover y vemos que el valle en realidá ye una pista minera que teníamos a dos docenes de metros. ¡la niebla no solo no deja ver sino que transforma les coses!

La noche del vienes cayó una nevadina de unos 10 cm, y amaneción con niebla que sin embargo abrió enantes de que acabáramos de desayunar, pues con el mal tiempu demoramos levantanos. Pasaba de las 10 cuando nos pusimos en marcha en la “etapa reina” que mos conduciría al Alto Somiedo. Etapa que-i tenía ganes porque coincidió casi al dedillo con la 2ª etapa de la Travesia del Asturcón-BTT, solo que esta vez con nieve: subida a “mil-ocho”, bajada suave (con un tramu onde había unos abedules que…buaa, hasta con mochila) hasta “mil cuatro” a una vega onde garramos agua n´un regueru muy pintorescu, subida a “mil-seis”, bajada al valle de Orallo, pasando por una cuadra de eses modernes de bóveda, (otra vez casi mil cuatro) y subida brutal hasta mil novecientos. Frecuentes grabaciones de video de Félix que ahí quedarán pa siempre. Tengo que mirar en esti puntu (que marqué con el GPS) la hora, pero seguro que mas de las 4. Allí llegué muy sobrau, echando tiempu pese a abrir güella pa que los compañeros me alcanzaren. El casu ye que yo taba convencíu de que de ahí a El Puerto, era to pa baxu, pero ¡no quedaba na!

Decidimos que el camín pasaba por la cumbre del Cornón. Había huella de subir y bajar, sin duda de esi día, y aparentemente sin peligru. Pa no perder altura decidimos que la ruta buena pasaba por facer cordal desde antes del Cornín al Cornón.

Ya antes de llegar al puntu onde se agarraba la cresta me separé de Javier y Félix, pa encaramame primero a la cresta sin facer tanta ladera. Posiblemente una crisis o puede ser solo poques ganes de buscar laderes que no me daben seguridá 100%, pese al criteriu de los compañeros. Quedé un poco retrasau al ser el primeru en quitar la mochila, pero muy poco pues al llegar a donde comenzó la trepada alcanzé a Javier. No i dí importancia pero yo diría que iba sin crampones. Félix me indicó que sí los pusiera con lo que al quitar por segunda vez la mochila quedé el últimu, pero no descolgau.

La trepada nunca llegó a ser peligrosa en sí. La hora y la mi inexperiencia sí que no eren muy adecuaes. Decidí tirar pa arriba pero sin dejar nada a la suerte, despacio pero sin pausa. La verdá ye que no sé cuantu tiempo tuvieron que esperar por mí en la zona complicada. Una vez la superé la zona difícil (o casi), ye decir al coronar el Cornín, los mis compañeros retomaron la marcha cobrando cierta ventaja en la bajada a causa de que una de les gomes de los crampones se soltó, con peligru de formar un zuecu. Se ve que esi día taba fuerte porque según llegábamos a la cubre del Cornón (to muy fácil aunque con crampones puestos) casi los alcancé. Ni 10 segundos en la cima, a descender, fácil al principiu siguiendo a los compañeros y con la moral recuperada, hasta que de repente veo que Javier comienza a descender cara al monte ¡sin perder velocidá!

Calculo que n´un tramu de 100 metros habré tardao un cuartu de hora mas que Javier en llegar abajo. Desconocía como colocar los pies de manera que los crampones agarraran ya que la pala estaba entre agarrar con los “pinchos de abajo” y los “pinchos grandes de delante” así que en muchos pasos tenía que hacer varies pruebes, por no hablar de el piolét que debía de clavalu al menos dos veces mas que los mis compañeros.

En fin, aunque un tantu desmoralizau y sabiendo que eren ya bastante mas de las 6, bajé la pala complicada y en cuanto vía a Javier y Félix parar a poner los esquies, quité la mochila con intención de recuperar parte del tiempu esquiando desde un poco mas arriba que ellos.

¡mierda! una de les fijaciones se me había aflojao y por culpa del hielo no se podía apretar ¡apenes sujetaba el pie! Imagino lo que taríen pensando los mis compañeros, con ganes de aprovechar les últimes luces pa dir encaminandose al final de la etapa, y yo echando tiempu con los esquís. Dos giros mas abajo, ¡caída! Jooo, la fijación no agarra nada y me quedo cada vez mas atrás mientras veo como los compañeros se desesperen. En fin. Una vez se fizo de noche de verdá, por fin nos reunimos. Félix saca el gps y no damos creditu a lo que pon ¡1800 m! y ye de noche. En fin, al menos sabemos que tenemos pala pa cavar un refugio, fae buen tiempu y por si acasu yo tovía llevo la lámina de plástico, que no me cabe duda que habría facilitao construir la bóveda de la cueva. Fae tan buen tiempu que hasta me apetez vivaquear. Aun así, tomamos nota del rumbo (la referencia a la Penouta ye clara: por el norte a La Peral por el Sur al Puerto. Frontales a la cabeza y poco a poco, ya con buen humor pasamos un colladín y comenzamos a bajar la pala con los esquies quitaos.

Simultáneamente noto que me entra nieve en la bota ¡to me llega a la vez! y la pala se acaba, alumbramos y hay un barranco. Mientras Javier, que no lleva frontal, va mirando a ver si se baja, paro a mirar la polaina, con el cable rotu, y decido que no me puedo mojar los pies, así que me pongo el pantalón largu de esquiar, que tien una buena polaina. Cuando acabo veo les luces que habíen bajao, desviándose un poco, el barranco. Sin mucha fe, sigo la huella de los compañeros y descubro por donde bajaron: una pala de unos 50 o 70 metros, con buena inclinación pero con nieve bastante blanda como pa bajar sin crampones. Poco a poco sigo la huella y pa mi sorpresa ¡no era tan difícil! Adios vivac, aunque fae tiempu que ye de noche se ve muy bien, los frontales de diodos alumbren en la nieve perfectamente y en seguida me animo a poner los esquies. La fijación vuelve a funcionar, pues el tapón de hielo se había fundio y me pongo de muy buen humor y animo a los compañeros a ponese los esquís. El problema con estes fijaciones de cable ye que al poneles en la mochila hay que dejales fijaes. Dejándoles sueltes como yo solía con el vaivén se van aflojando (o eso creo yo que pasó, veremos a ver si los cartuchos Black Diamond son fiables o no).

Tardamos casi dos hores mas en llegar a Santa María del Puerto, y la verdá ye que disfruté mucho de la esquiada nocturna. Tan mal como respondo cuando entra en juegu la altura, como bien con otros temas como mal tiempu o que se faiga de noche. Fueron unes 11 hores de actividá. Creo que los mis compañeros van rotos, aunque la capacidá de recuperación de Javier ta mostrandose tremenda. Yo encuéntrome bien, cansau pero bien aunque lógicamente la idea de que la excursión se podía haber acabao por el sobre-esfuerzu, los problemas con el material, el estrés de la pequeña aventura nocturna etc

Al llegar al Puerto, la opción cama taba clara: cena en plan y buena cama en el únicu hotel que hay, donde una vez mas nos trataron fenomenal, otru buen sitiu pa facer campamento-base.

Y el domingo pues ya nos esperaron Hector y Pablo. Yo no me esperaba que el “Texu” ficiera una labor de apoyu tan grande ni se lo tomaran tan en serio. Anúnciase mal tiempu (como se vio, hubiera sido mas de una semana perdida). Félix plantea no demorar el final mas teniendo en cuenta que el martes, día de llegada del frente, podíamos tener problemas incluso pa salir de ahí. Yo no me pronuncio. Me alivia pensar que la comodidá pue volver tan pronto, pero por otru lao me parez que llegar al “Meicín” ye un final mucho mas “exitosu” que abandonar en La Cueta, casi al lao de Somiedo, así que dejo la decisión en manes de Javier.

A La Cueta vamos de vacío, casi en llano. Esperamos un ratín por Pablo y Hector, (que llegaron primero al puntu acordau, pero siguieron de largo y en esi momento me siento muy débil a pesar de no haber fecho ningún esfuerzu. Pensé que era fatiga acumulada, pero visto lo visto era que me había resfriao, o me había agotao con el estrés de la trepada, porque días mas tarde, sin haber recuperao bien, empezé a estornudar y toser, primer catarro de esti invierno que ya lleva desde mediaos de octubre y que va camín de durar 5 meses.

En fin, dao el temporal que vino, la decisión de dejalo viose mas que acertada. Mieu da pensar que te agarre el huracán en el monte. Gran experiencia y, lo mejor de todo, la pila de idees “males” que se me ocurren justo cuando empiezo a estar fartucu de esquiar. El tema de levantase por la mañana y no tener mas que facer que poneses a esquiar, sin trasladu, y con parajes nuevos cada día, ye adictivu ¡cuidao!


************************************************************************************

2ª Parte.

Continuó la escursión pola cordillera y continúa la mio narración de esta actividá que entamamos a mediaos de enero y dexamos sin acabar, esperando que pasare un temporal de viento y ñebe que duró quince dis.

Por fin el sábado 7 de febreru se retomó la aventura onde se dexó, en La Cueta onde mos desplazamos dos vehículos. Javier, Félix y Tito con intención de continuar hasta Tarna polo menos, Hector, Javi y el que escribe pa acompañalos pola mañana. Yo tenía una cita perimportante el domingo y de llunes ya me xuniría, suponía que nel refugiu el Meicín o nel altu la Cubilla, según fuera la marcha de los compañeros.

En la Cueta el grupu tomó el camín del Lago del Valle. En realidá no teníamos claro si dir pol sur de Peña Orniz (seguramente el camín mas cortu) o bien polo llagos de Somiedo. Al final fue algo mas bien azaroso, pero parez ser que el camín pol llau asturianu diose bien y el trio llegó a dormir a Torrebarrio.

Esperaba la llamada al oscurecer del domingo, pa saber a onde iría a encontralos. No llegó la llamada de Félix sino hasta las 11 la noche: ¿onde andais ho? Tamos en Busdongo, acabamos llegar, mañana no madrugues mucho que tamos rotos… En un día se paparon dos etapes (cortes eso sí) mas el trayectu de la estación invernal a Busdongo. Al final escribo algo sobre les dos etapes que me falten por acabar.

Del “Maragato” onde tomamos tos el café, retrocedimos, empleando un un par de viajes de furgoneta, hasta el alto de Payares, pa poder subir el Cellón pola divisoria. Hasta esa cima tuvimos la compañía de mio pa (que se estrenaba en montaña invernal) y de Nico el de la Pola, colos neños. Buen día de sol y el pensamiento en que taríen recientes les güelles de la travesía entamada pola federación de montaña, de Payares a San Isidro (bueno, a Fuentes d´Inviernu). Olvidábaseme decir que esta travesía yo quería facela con los esquís normales, pa mayor seguridá, pero al dir a probalos el sábado aparecio-yos una avería, así que tuve que volver a usar el mio equipo de telemark, algo precariu pa la dificultá de la ruta. Por otru lao, toes les mochiles habíen adelgazao unos cuantos quilos. Estrenaba mochila de 45 litros ¡menudu cambiu!.

La etapa del Cellón a Piedrafita no tuvo novedá. Pa mi fue nuevo entre el Cellón y el Collau Propinde (el de la Carisa). Desde el Tres Conceyos al Bolero tengolo bien “trabayao” cola bici. El únicu incidente (que no llegó a susto) fue que tuve que quitar los esquies por querer torcer baxando el Cellón pola parte norteada antes de tiempu. El sol tovía no pega na parte nortiá, asina que abrá que andar con güeyu de aquí pa-arriba. Lo bueno ye que onde ta la ñebe duro pues ta duro pero no vimos xelu nunca. Fiximos una parada llarga nel collau Propinde, al sol. A Javier presta-i hidratase a base de sopes calientes y de te. No hicimos cumbre ni en el Tres Conceyos ni nel Robequeras (y menos nel Estorbín) pero si nel Bolero. De esti a Piedrafita muy bien, sin quitar los esquís, llegamos a les cabañes del Mesón, que son dos: una cerrada y la otra llena ñebe. Facía una noche perguapa así que estiramos les esterilles enfrente la cabaña grande (la piesyá), que llera onde estaba seco. Víase una estrellada de escándalu. ¡por fin un “vicac”!

Pola mañana onde mos habíemos echao taba encharcao: la temperatura llera de 2º sobre cero y col calor corporal habíemos fundío el xelu de la tierra. Lo bueno que facía sol y mientres desayunábamos seco todo. Decidimos remontar el alto (eso sí, no pola pista que ye casi llana sino por onde meyor víamos. La colectiva del fin de semana esbiyaría baxar algo mas pa evitar el Picu la Llaguna (1963).

Detengome un poco en esti picu, al que llegamos pola parte Norte, ya que ye un pasu malu y pue ser de interés. Hubo reunión antes de decidir si facer cumbre y pasar pola parte Sur o bien baxar dirección Este pa rodear la “Peña la Llaguna” (1942, son dos cimes diferentes). Javier tomó l´iniciativa y fixo cumbre en un plis. La pala sur tien 500 metros de desnivel y 30º de inclinación. En fin, pasamos con mas mieu que peligru (muy buena ñebe, sin necesidá de facer giros), pero ye un pasu a evitar con peor ñebe. O bien se rodea pol norte (si no ta xelao) o bien no se fai esti picu y se va pola vaguada Bucipeñas al collao Morgao.

Tampoco a partir de ahí aduvimos muy acertaos pa llegar al Picu Llanonas (tuvimos que cambiar el criteriu y acabar subiendo tras facer algo media ladera. Parada llarga pa facer sopa nel siguiente collau y continuamos dirección la Fitona. Aquí llegó pa mi el sustu de la Travesía. Supongo que en una travesía de esti tipu, lo normal ye llevar polo menos un sustu, o mancase o pasar miseria, o frío... Una llomba con inclinación cambiante (pero nunca muy alta), una ñebe con demasiau sol, una pequeña arista y la ñebe ya no tenía por mí. Al tercer quite aquello por fin quiso parar. Ye curioso, soy un esquiador de tener varies caídes por día, n´esta ocasión el golpe de adrenalina fixome manteneme sobre los esquís. En fin, sin duda el tramu mas salvaxe de la ruta. La Puerta de Faro la baxamos pola güella sin falta poner los crampones (eso sí ¡sin esquis!) hasta pasar lo mas pindio. Buena esquiada tovía hasta Vegarada, y llueu por carretera hasta la estacion de San Isidro.

El Miércoles madrugamos pa dir a desayunar a La Ralla, con tiempu de sobra pa llegar a Tarna. Abrimos les pistes de Fuentes, que sin embargo no taben muy dures ¡que díes mas buenos! Saludamos a Avelino, que-i dexó un par de esquis guapísimos a Javi (Dynastar Yeti con fijaciones Silveretta) pa reemplazar el equipo digamos algo gastau que usa Arienza. Los primeros km colos esquies nuevos llera imposible agarrarlu ¡sedríen los esquies muy buenos o los otros muy malos! Etapa fácil pero, en fin, ya sabéis como ye esto. Subiendo el Remelende la marcha del grupo empieza a acelerar, alternando les posiciones de cabeza. En los últimos kilómetros Tito y Félix tomen ventaja y reparo en que, tras cinco días de esfuerzu fuerte, son dos deportistas fortísimos. Baxando ocurrió la lesion de Tito, n´ unos de los montes que habrá subío con esquies mas veces. Menuda broma. Deseote una rápida y buena recuperación.

En fin, na cena allí en Tarna dexaron-se clares les posiciones. Tito y Félix (independientemente de la lesión) debíen volver. Javi quería seguir porsi acasu les condiciones cambiaben y no podía llegar a San Glorio. Pola mi parte, ni taba cansau ni se me facía llargo, pero tenía que optar y prefería acabar la travesía unos díes mas tarde.

Regresamos tos nel 205 de Pablo. El dia siguiente, jueves, subi pol material a Tarna. Javi ya había salio en solitario varies hores antes de llegar yo, llegaría el sábado a mediudía al Coriscao pa baxar a San Glorio y finalizar el su retu. Yo aproveché el día esquiando en San Isidro. El domingo, dia de la Alta Ruta Texu, llera el 8º día consecutivu pa Javi, lo que no fue torga pa que (ligeru de pesu) estirara el grupu de 40 y picu esquiadores.

Pero esti invierno únicu pola cantidá de ñebe también ta teniendo unes bocanes perllargues de buen tiempu, asi que la oportunidá pa retomar la ruta presentose una selmana mas tarde.

De viernes, sin prisa ninguna, el tercetu inicial, con Javi como guía, salimos de Tarna. Etapa super-relaxá pa dir a dormir antes del Pozúa. Al día siguiente espera una xorná bastante grande, que entamamos temprano con subida en ¾ de hora, pa baxar ¿esquiando? pol bosque de la cara norte al Pontón, tovía con buena ñebe. Tramín de carretera pa entamar dir garrando altura pal Gildar. Buen día, con viento, y al acabar de subir esti monte sufro un problema respiratotiu por culpa haber quedao con poca ropa, y moyá de sudor. Como un ataque de asma (no soy asmáticu pero en primavera n´estos casos sí me pasa), asústome bastante pensando que tovía queden polo menos cinco hores. Los mios compañeros me tranquilicen: ye casi todo pa baxo home. Aún así, en la pala anterior al Gabanceda la ñebe ta muy asoleyada y sufrimos un par de aludes de fusión, bastante superficales. Aquí ocurriome algo curioso, a pesar de andar físicamente muy mal (abrigau a tope y con un sobre de no-se-que pal resfriao, mas o menos podía respirar) pues entamé a atopame cómodu na ñebe, como sabiendo onde taba seguro y onde no.

En fin, noche otra vez en cabaña, y al día siguiente atópome meyor de lo que taba el día anterior, antes que me diera el “ataque”. La subida al Curiscao faigola perbién (la mochila no pesa ya casi, respiro a plenu pulmón). Al llegar arriba lo único que me apetez ye esquiar, ya que fai otru día super-guapu y al coincidir cola colectiva del Texu sigo esquiando un par de hores mas.

La verdá que no sentí que llegara a ninguna meta. Puede ser el no llegar a San Glorio (a media bajada atopé la colectiva y dí la vuelta pal Coriscao otra vez), pue ser que me falten les dos xornaes de La Cueta a Payares o también pue ser que no me tomé como retu la travesía, sino mas bien cada día, cada ascensión y cada descenso en sí, una oportunidá pa facer munches.

Ta claro que ye una actividá que da pa comentala, y que sin acabala no se pue decir “yo fixe…” ¿tien sentíu pa mi dir facer el tramu que me falta agora? ¿y que pasa col tramu San Glorio-Alto Campoo? La respuesta a la segunda ye clara: voy si van los mis compañeros. Pa la primera, no hay solución. Supongo que iré si hay con quien ir y si les condiciones son muy buenes, diré pero pescancio que la travesía ya pasó por ahí, y volver sedría pone-i un remiendu. Nota: al final no fuí, solo un día a facer una circular por Peña Orniz.

Otra cuestión espinosa ye el materal que usé, el famosu equipo de telemark. Ni se me había ocurrido acabar la travesía con esi equipo. Ya dixe que en el tramu central (Piedrafita-Vegarada) no lu quise usar si no fuera por una avería en la “Diamir”, pero ahora ¿tien un méritu especial facer la travesia “con esquí de telemark”? ¿supon eso que me aprovecho de una iniciativa que no ye la mía pa “adelantame” a los mis compañeros o bien apurre eso méritu a la actividá colectiva? ¿existió la “épica” o la “aventura” en la ruta? ¿fue eso en algún momento concretu o fue el global de la misma?

En fin, muches preguntes y muy poques respuestes. Veo nel “Desnivel” la ruta de Borja y Gaizka. En 6 díes consecutivos ficieron una ruta casi tan llarga como la nuestra -llevo-i 4+8 días en el casu de Javier y 4+5+3 días pa Félix-. Incluso la mi actividá (4+3+3) o la de Tito (etapa central de 5 días) me parez comparable a la gesta de la pareja vasca. Dado que sale en portada y que ye uno de los reportaxes grandes de la revista, aparentemente, la su ruta sí fue “épica” o “meritoria” y pregúntome si la nuestra lo habrá sido y si el méritu de Borja y Gaizca habrá tao en la ruta en sí, en lo rápido que la ficieron o en no haber parao ni un día entre medies.

Definitivamente, creo que la travesía del Texu tuvo un méritu muy comparable, ya que opino que la falta de preparación física específica, el estilo auto-suficiente, el prescindir del usu del Gps y hasta de cartografía, así como la mayor dificultá de la ruta que esbillamos, apurre unos “handicaps” a la actividá.

Tampoco m´apetez facer lliteratura cola travesía. De cara a quienes pueda interesar repetir la actividá, apurrir tos los datos necesarios, track, semeyes etc, y pa un pues aprender de esta actividá nueva pa mi, que toi seguru que me influirá nel estilu d´enfotos nel futuru.

Pero pa eso trataré d´esplicalo en entraes del blog futuros, aquí na mas que dar les gracies tanto a los compañeros de ruta como a familiares ya collacios pola sofita: munches gracies.