Friday, June 18, 2010

Seguridá: como ir en bici.

Esti tochu que va a continuación tien l´enfotu de dar coseyos pa circular con seguridá en bici. Son una serie de notes que tengo en cuenta a base de llevar muchos sustos, tanto causaos por mi mismu como por causa axena.

Ir en bici por carretera tien ciertu riesgu. Parte desti riesgu solo se puede evitar dexando de salir por carreteres, otra parte depende de la carretera que se esbille y por último hay una parte que depende de como vaigamos pola carretera. El principiu xeneral ye que si topamos con un automovil siempre saldremos perdiendo. Cuestiones de xusticia y llegales aparte, no ye mala idea tar pendiente además de lo que facemos nosotros, de lo que pueda facer mal cada automovilista que mos atopemos.

ESCOYER LA CALEYA
La antigua rede de caleyes, güei asfaltaes o aformigonaes, ofrez miles de kilómetros pa rodar cola bici. Sea esta de carretera o montaña ye una cuestión de gustos: a la mayoría de ciclistas de montaña no yos gusta dir por terrenu asfaltao pero los ciclistas de “carretera” escoyen principalmente carreteres en perfectu estau, sin grandes rampes. Tampoco les bicis modernes son afayadizes pa rodar por tramos bacheaos, con gravilla o incluso aformigonaos. Yo creo que se pue equipar les bicis de carretera con desarroyos ligeros (triple platu o similar) y ruedes robustes. Evitar los cuadros demasiao ríxidos y disfrutar de les caleyes asfaltaes. Polo menos ye lo que yo faigo.

En tou casu, hay que evitar los tramos con munchu tráfico y sin arcén, o que sirvan de enlace pa tramos d´autopista como ye el casu de la carretera carbonera.

Por supuesto tamién hay que evitar los túneles (tan prohibíos si vamos sin luz) y los tramos n´obres.

Aparte de haber carreteres peligroses, tamién hay horarios peligrosos. Evidéntemente de noche ye mas peligroso pero además hay días malos: domingos muy temprano, días de fiesta como nochebuena o nochevieja son días propicios pa atopar xente que no vaiga en condiciones.

TÉCNIQUES

Tengo selecionaes varies técniques concretes. Esta selección fíxela a base de reflexionar después de llevar sobresaltos y sustos. Por tanto el primer trucu ye salir siempre “santiguandose” -o lo que cada uno crea conveniente, pero teniendo una actitú previa de prevención- y reflexionando sobre lo que se pue facer pa evitar los sustos si ye que estos dan opción a rectificar lo que haigamos fecho mal. Les dos fuentes de que disponemos pa analizar los riesgos son les estadístiques, que xeneralmente son sobre muertes, y los "sustos" o incidentes que presenciemos, que ye una fuente muy valiosa de estudiu, personalizau además. En otru artículu voy resumir informes que hay en inglés. Los que hay en español son del tipo "pon cascu" o "cumple les normes", cosa que aquí doy por evidente. El estau de la bici y el tipo de cascu tampoco ye cosa que vaiga tratar aquí, pero ye importante.

1-Rotondes.
Les rotondes non tan feches pa les bicis, polo tanto son difíciles, y poco mas hay que decir ¡empezamos bien!
En realidá, identificales como puntu peligrosu pue ser suficiente, llegando con atención y dispuestu a parar a la derecha si no se ve claro, tampoco tien por que dar sustos: hay que ponderar un poco los riesgos, a saber, que te alcancen por detrás o por la izquierda, o que te salgan por la derecha. Y tamién meter la pata nosotros mismos. A mas pericia conduciendo la bici, mas compensa entrar con suficiente velocidá y al contrario.
Siempre ye conveniente antes de llegar a la rotonda mirar hacia atrás pa ver si mos sigue algún vehículo. Además, y esto vale pa todo, al facer el gestu de mirar somos mas visibles.
Yo diría que en les rotondas ámplies, que tienen continuidá en el arcén, compensar ir por dichu arcén, concretamente justo por el interior de la linea blanca, y si se va acompañau, de uno en uno.
En algunes rotondas pequeñes compensa salir del acén antes de llegar a la rotonda (mirando primero), pa tener algo mas de sitiu y mejor trayectoria.
Mucha xente experimenta trazando la rotonda por el interior, pero aunque en algún casu puede no ser mala idea, en general tien mas inconvenientes que beneficios.

2-dir en “paralelo”. Los ciclistas vamos en “paralelo” pa charlar. Muchos ciclistas salen en bici pa charlar polo que si no tuviera permitío salir en “paralelo” no saldríen. Por tanto permitir dir en “paralelo” lleva a mas ventes y esto a desconfiar de les recomendaciones, ya que puen tar influíes pola industria. Presumiblemente existen estudios que demuestren que dir en “paralelo” ye mas seguro que dir en fila o solu. Yo los estudios no los ví y dudo de los resultaos. En tou casu, un mínimo ye conocer la norma y alegrase de que polo menos no mos multen por dir charrando onde hay arcén ámpliu.

La norma diz que ta permitío dir en paralelo cuando el arcén ye anchu como pa dir por él dos fileres de ciclistas (el arcén de metro y mediu) y tamién cuando “no se interrumpe el tráficu” o sea, en carreterines muy secundaries. En ésti últimu casu hay que tener en cuenta que, en carreteres de montaña, hoy en día los coches no faen nada de ruidu y nos puen dar alcance sin danos cuenta.

No ta autorizao (y además ye muy peligroso) dir uno por el arcén y otru por la calzada-a la izquierda de la llinia- o dir en paralelo donde no haiga arcén, parando el tráfico o a la salida de curves. La cosa empeora a medida que la velocidá se reduz y aumenta la charla, cosa que va aparexao a dir en paralelo. Tamién ta prohibío dir en fila de a tres. Muches “grupetes” ciclistas no obedecen ni la norma ni el sentíu común, y algunos automovilistas tienen además poca consideración hacia la seguridá del ciclista.

Dau que en realidá en lo que para la norma ye que no se multa a nadie, ye cosa d´elección personal. La mia ye que cada añu voy mas por la derecha, hasta el puntu de que de vez en cuando adelanto a ciclistas que van por la “raya blanca” y al no poder o querer pasalos por la izda los acabo pasando por la gravilla, por la derecha. Voy con cubiertes muy dures (les de menos gama o de cicloturísta), pa evitar pinchazos, con lo que pierdo uno o dos km x hora. Casi siempre solu, pero, yo hablo poco cuando pedaleo o pedaleo poco cuando voy falando.

Lo que ye verdá ye que dienso acompañaos somos mas visibles, pero tamién menos maniobrables, polo cual yo creo que no ye cosa de qué ye meyor sino de adaptar ciertos vezos a dir solu o acompañau.

3-”ir a rueda”. Ir “a rueda” muy cerca tampoco ye la manera mas segura de circular. Antes la norma obligaba a dir separaos como metro y mediu. En tou casu, ahora que ta permitio, polo menos el que vaiga “a rueda” tien que saber como se fai. Pa dir a rueda faen falta una serie de requisitos:

-el que vaiga delante tien que tar avezau y dir a velocidá constante, avisar etc. Cuanto mas deprisa se va menos tirones y polo tanto mas cerca se pue dir, y ye mas útil.
-el que vaiga detrás tien que llevar un deu en cada freno. Los frenos actuales se accionen bien desde “arriba”. A mas velocidá mas fácil perder rueda y mas seguro ir cerca.
-hay que tener cierta técnica pa evitar “facer el afilador”: saber retrasar la bici desplazando el sillín hacia atrás rápidamente.
-lo meyor ye pillar rueda un poco de lao, una distancia inversamente proporcional a la velocidá, sin alcanzar la bici que va delante. Eso da mas vista adelante y marxen pa evitar el afilador. Con un poco de práctica, como siempre hay algo de viento lateral, el efectu sinérgicu de dir a rueda no se ve mermau pero la seguridá aumenta mucho.

4-Interferencies con coches.

Ye el accidente mas común, en toes les sus variantes. Pa un conductor que no sea cicista, una bici no la suel identificar como obstáculo. No ye algo "criminal" sino un efectu psicológicu. Pa un conductor tipo somos un obxetu que no se mueve y polo tanto no despertamos atención. Insistiré varies vegaes en volvese pa ser "visibles" (no se trata de una chulería, sino de causar una llamada de atención y romper el efectu de tar "paraos") polo que hay que aprender a circular seguru volviendo la cabeza manteniendo la trayectoria segura (recta generalmente).

Si vamos pol arcén, y un coche que mos ta adelantando se detién con intención de girar a la izda, hay que pensar que puede haber otru coche que vaiga detrás que trate de adelantar pola derecha, por onde vamos nosotros. Por tanto hay que considerar que mirar y/o apartase disminuirá la posibilidá de ser alcanzaos por un coche o moto que no mos vea.

Casi lo mismo: si nos adelante un coche y da la impresión de que ta perdiendo velocidá, y existe la posibilidá de que pare a la derecha o gire pa esi lao, aunque no ponga el intermitente ye fácil que pare o gire sin venos. Varies vegaes al añu lo normal ye que un ciclista tome una desviación involuntaria pa evitar ser atropeyau.

Si vemos un coche de frente que se para y pue girar a la izquierda, aunque no lleve intermitente seguramente cruce. Ye mas dificil que no mos vea pero a veces pasa, por tanto deu al freno por si acasu.

Si en una carretera sin arcén pero con llinia discontínua vemos que de frente lleguen mas de un coche ye meyor no perdelos de vista. Si ye un camión o vehículo anchu seguíu de coche, entós hay que examinar los márxenes de la carretera. Lo normal ye acabar fuera de la carretera sin tener ganes de mexar varies vegaes por temporada.

Siempre que arranquemos de un semáforo y queramos seguir de frente, se puede mirar el intermitente de los que vaigan detrás, pues munches veces no mos ven y giren por onde tamos nosotros.

Uno de los casos en que mas extremu propongo el comportamientu ye en los carriles de "deceleración" o como se llamen (entraes a gasolineres o similar). Aquí si voy solu "entro" en la gasolinera y luego faigo un cruce, mirando por supuesto, en lugar de seguir la trayectoria recta. Diendo acompañau suelo limitame a mirar hacia atrás (eso siempre) y en poner el grupo en fila, si de deja, claro.

5-Ciudá.
En ciudá lo suyo sedría ir por carril bici. Como no ponen porque no yos da la gana, tenemos que convivir colos coches, lo cual ye muy dificil y ye en sí peligroso, igual que les rotondes, polo que lo meyor ye elegir bien el recorríu y dir bien a la defensiva. Ye fundamental llevar bien el ritmo, y acelerar fuertemente en tramos onde podemos ir guardando metros col vehículo de delante, evitando ser adelantaos. Cuando los coches lleguen a un semáforo en roxu, se puede adelantar polos furacos, pero siempre esperando pa adelantar a que los coches paren y diendo mucho mas despacio, lo que aparte da marxen pa descansar y acelerar nos tramos rápidos.

Da seguridá saber la programación del semáforo y arrancar un par de segundos antes. Pa no adelantase mucho, esi tiempu se emplea en poner los pedales. El procesu de calzar los pedales faelo mucha xente mal: traten de meter el pedal del pie de apoyase en plena aceleración y puestos de pie. En concreto, facer ésto con el pie derechu ye muy peligroso porque se puede escapar el pie y metelu debaxo les catalines (a mi pasome, no fue grave pero la herida tardó en curar). Ye meyor poner el pedal tranquilamente, meyor sentau y después de la primera pedalada (o sea muy pronto) y acelerar luego progresivamente, con mas ímpetu cuanto mas deprisa, dexando unes pedalaes en “vacío” al cambiar de marcha. Y meyor acostrumbrase a arrancar col pie derechu, dexando el izdu, que no tien peligru pa después. Por otru lao desgastase en los primeros 50 metros después de les paraes no ye efectivo en ningun entrenamientu o ruta.

Onde hayga coches aparcaos, o bien guardamos una separación equivalente a una puerta abierta de coche o bien miramos el interior. Ye muy normal que los coches abran (abramos, los que tengamos coche) la puerta sin mirar, pero casualmente nunca yos da el camión de la basura sino un ciclista.

6-Baxaes.
Ser atropeyau ye el mayor riesgu que hay. Diendo solu tamién te pues mancar, claro. Con cierta técnica nes baxaes la seguridá aumenta. Se puede baxar coles menes nel “pisu de arriba” (frenando coles manes sobre la maneta del freno), pero el control ye menor que desde abaxo. Hubo una moda de colocar los frenos de tal manera que desde abaxo no se llegaba a frenar. Por suerte fue una moda pasaxera, aunque tovía se puede ver. Agarrau abaxo, mirando lo mas lejos posible, con los brazos un poco flexionaos y sentaos en posición normal, pero con algo de presión nos pedales, levantando alternativamente el pie del interior de la curva y presionando nel que queda abaxu (meyor si se cambia el pie siempre pedaleando hacia adelante, aunque no ye imprescindible) ye la manera como hay mas marxen de error. Mirar lexos pero pendiente de la gravilla, baches, fueya, rames, boñiques, animales muertos, animales vivos, carretillos...

En tou casu, baxar a ritmo de competición disminuye la seguridá, en algunos casos mucho, mientres que baxar mas o menos como se baxa en coche auménta la seguridá, evita adelantamientos etc. Dir demasiao despacio tampoco ye seguro.

Monday, June 14, 2010

Camín Primitivu en bici.

TRAC AQUÍ!!

http://es.wikiloc.com/wikiloc/view.do?id=960643

El recorríu que describo a continuación, colos sus 350 km, 6000 m de desnivel y 17 hores (15 de pedaleo), no ye en términos absulutos de dureza extrema, aunque personalmente supón una esperiencia de muchu interés, ya que anduve ámpliamente por terrenos desconocíos en términos de actividá ininterrumpida.

Esti y otros itinerarios de ciclismo que toy subiendo tienen tos el denominador común de necesitar equipamientu y mentalidá un poco abierto a les rampes y pavimentos que normalmente queden fuera del ámbitu del “ciclismo de carretera”. Pienso que la rede de caminos asfaltaos, aformigonaos e incluso alguna pista tradicional, son un terrenu amplísimu que, siendo de pocu interés pala bici todo terreno, ofrecen unes condiciones de seguridá favorables debio a la ausencia de tráficu, así como una actividá mucho mas aventurera y exigente desde el puntu de vista de la preparación y orientación.

Pa no ser todavía las seis de la mañana, el desayuno ta prestándome. Llevo varios días faciendo dieta porque había ganao pesu, polo que parez que´l cuerpu, aunque y hubiere dao de cenar fai poco mas de siete hores, ya agadecía otra ración d´arroz integral con salchiches. Ta no amaneció, pero algo no va bien. Hay algo mas de humedá nel “velux” del salón. Acércame y, sí, contra lo que decía el “tiempu” ayer, ta orbayando. Prendo la tele pa ver el parte: ayer no daben agua, pero hoy, evidéntemente, sí lo dan ¡que listos!.

La ruta entamada ye ni mas ni menos que´l “caminu primitivu”, camín de Santiago que Sal de Uvieu pasando por Allande, el Palo etc. Pensé nel preparando la ruta pal mi primu, mio tiu y la nuera d´esti (Jorge, Xuacu y Vanesa). Dempués de mirar la xenerosa altimetría, casi 8000 metros pa trescientos y picu kilómetos hasta Santiago, la duda taba entre dir en varios días (igual dos) en bici todo terreno o bien llevar la mi bici de “carretera”-en realidá ciclocross con cubierta 28 mm- e intentalo nel día, eso sí, simplificando algo la ruta.

En principiu, no se puede o yo no puedo atacar una ruta de quince hores y salir lloviendo. Pero metí pal cuerpu tal cantidá de caloríes, toy tan recuperau de anteriores entrenamientos que me apetez salir a rodar. Pienso probar suerte hasta Tineo y si veo que aumenta la lluvia doy la vuelta. En verano, seis hores aunque llueva un poco no ye forzar demasiao. Además, salir sin presión ye una ventaxa en una actividá d´esti tipo.

6:40 de la mañana, domingo 5 de junio. Ta amaneciendo por fin, a pesar del orbayu. Lleguen tovía coches, pocos pero de seguío. Van tranquilos polo que pienso que no atoparé ningún conductor bebíu. Momento críticu: pienso en qué puede emburriar a una persona sola a salir prácticamente de noche, orbayando, con intención de rodar durante tol día. Retu personal o ganes de luego contalo, el casu ye que con tantu sueñu si das la vuelta luego te puedes arrepentir, así que porqué no empezar y a ver que tal...

Según orbayaba o paraba, chiscaba la carretera o secabase, así diba el mio estau d´animu. Préstame que tea fresco, y pasar frío pa mi ye meyor que´l calor. La verdá que voy sin ningún esfuerzu y solo un poco mas despacio que nun entrenamientu normal. Pasu obligau por Tineo, carreterína pa Allande por Borres, muy cerca de Obona. Puertu Palu ya conocíu, con calma, y subida al Acebo no tan dura. Lo peor subir a Grandas, onde la semaya el Ferreiru taba prendía de los balcones igual que´l “euskal presoak” de los de algunes aldees vasques. Feu asuntu. Contra tou pronóstico, llego a Lugo casi col horariu recuperau a pesar de los 40 min perdíos por culpa de que no amanecía. Y mas raro tovía: atópame Xuacu xusto al salir del recintu amurayau, según pasaba, sin haber quedao por teléfono, ni contar conmigo ni nada ¿?.


El tramu posterior a Lugo teníalu muy poco trabayau, un poco el mapa de carreteres y la intención de seguir mas o menos el camín por carreteres locales o incluso algo sin asfaltar, o bien sobre la marcha cambiar a Friol y acabar pol camín del Norte. Avanzar por la nacional no taba considerao, y aunque en realidá el camín primitivu se acaba en Melide, yo quería llegar... y eso significaba hasta les puertes de Santiago, ye decir el llugar llamau “O Monte do Gozo”.

Queden 100 km, llevo 240 y tengo cuatro hores y media. No sé porqué me parez fácil. No lo fue, d´afechu, debía haber parao a las 10. Pero a las 10, a pesar de haber forzao mas de lo recomendable, fáltenme 20 km pa O Monte do Gozo. A mi se me había metido na cabeza llegar aunque a esa hora ya había pasao l´oxetivu de los 300km con mucho mas de 5000 m de desnivel.

Hasta Palas de Rey fue lo mas interesante de la ruta. Dao que en principiu tenía tiempu, pretendía facer una ruta bastante fiel al camín. El casu ye que entré en Lugo a las cinco y media y a las ocho y media taba saliendo de Palas de Rey, a unos cuarente kilómetros, lo cual implica haber perdido casi hora y media. Se podía haber fecho meyor, pero lo interesante de la experiencia mereció la pena. Pude comprobar el efectu de no haber preparao la ruta sobre mapa topográficu, el tiempu que se pierde teniendo que mirar el mapa y el gps -que viajaba na mochila- en cada cruce, el efecto de pasame de los kilómetros y desnivel previstos. Sobre todo lo mas importante, ver como funciona la cabeza en condiciones de cansanciu y como funcionen les pates.

Salgo de Palas de Rey enrabietau, dispuestu a dalo todo en dos hores pa facer los 60 kilómetros que falten. Voy contando los repechos y el espacio entre cada repecho. Hay uno cada kilómetro y mediu, y en cada uno necesito facer cuatro o cinco cambios de marcha y avanzar de pie a velocidá ridícula. Creo que pedaleo con fuerza, pero en realidá no lo sé. Tengo la lucidez de seguir por la senda envede pola xeneral. Aquí la senda, comun a tos los caminos, ye ancha y muy pisada, pero entre los árboles casi no se ve, polo que sería facil pinchar una rueda. Sigo tres cuartos de hora, sin prisa, hasta las 11, que ya no se ve.

De ocho y media a diez y vente fice cincuenta kilómetros, en terreno horrible de repechos, onde quedó registrada una altimetría mas que generosa y una diferencia entre la velocidá de subida y baxada muy grande. Eso quier decir que pedaleé con mucha fuerza cuando ya taba por encima del oxetivu que taba marcau. Por tanto la alimentación, que fue muy sencilla y no muy abundante (arroz, nocilla, quesu con miel) veo que ye secundaria en relación a la hidratación, que fue en cambiu muy buena y favorecía por el tiempu frescu, y también por haber reservao fuerces tol día.

Toy nel Aeropuerto de Santiago y sigo poles aceres, o caminando. Paro en una gasolinera a poner “el pijama” (un traje de bici llargu que llevé con doble propósito). Ye tarde, con muy pocos coches y bien iluminao, faigo los útimos 3 km, apartándome si lleguen coches por si no se ve. Voy confusu porque llegar llegaré, pero esti tramu está claro que no me lu puedo anotar como excursión de día. Voy un poco pensativu sobre esa necesidá de “llegar”. En principiu la ruta entamela como un exerciciu de llibertá individual, y taba confusu con eso de tener que llegar a ningún lao, total pa facer un vivac en un cachu de yerba sin segar. Debío al cansanciu, confundo una pequeña hermita col albergue del Monte Do Gozo. Esti tien el tamañu mas o menos del cuartel “Cabo Noval” y ta dentro de un recintu cerrau. No conozco el funcionamientu ni si tien sitios pa vivaquear por libre. Yo puse el sacu sobre la manta térmica y a los diez minutos taba dormiendo baxo les estrelles. A las 3 de la mañana empezaron a caeme gotes de la castañal que tenía encima: ta orpinando un puquiñín, pero entre la ñebla vense tovía estrelles, polo que únicamente tengo que envolveme na manta térmica y resigname a dormir cola manta sujeta con una mano y la mochila y restu de ropa molestando bastante. Un vivac apurau pero que si acasu no tenía mas consecuencies que dir a poneme a techu aunque quedare sin dormir.

El regresu taba sin definir. De momento volver a buscar a Xurde, Xuacu y Vanesa y luego ya vería. Taba bien seguir buscando el buen tiempu en dirección a León, aunque luego pillara el tren pa dir p´Asturies. La ruta pa llegar a A Retorta debía ser pol camín del Norte: Boimorto, Sobrado dos Monxes -sitiu preciosu- Friol y parada en A Retorta, nel albergue. Pa acabar, paseo hasta Sarria por carreteres locales baxando al Rio Miño por Lousada y Proba de San Xulian. Al llega a Sarria ya empezó a llover polo que, al haber tren, paré a considerar opciones. Así llegué a Monforte, faciendo un vivac surrealista ya que al ponese a orbayar tenía que tar cerca del tren.

De martes fixe trampa porque diba llover y garré tren de Monforte a Ponferrada, contando pasar el Puertu Payares a cambiu de no subir a Piedrafita do Cebreiro. Al final llovió mucho, nel puertu la Cruz de Ferro. Esti ye un puertu durísimu que exige tolos desarrollos que llevaba y poneme de pies también. Tien un tramín empedrau. Atopo cientos, yo que sé, miles, de peregrinos y, baxo la lluvia, parando a pedir indicaciones sobre como taba arriba, o bien dándoles a xente que les pedía n´inglés, a unos italianos col italianu de ver a Rossi, acabes entrando nel ambiente, sobre tou nel de los ciclistas. En León dí por terminada la escursión, entrando na plaza la catedral pola entrada del Oeste (calle Ancha) tal como me había imaxinao. Porque pa mi, no sé porqué, el puntu característicu de una ruta xacobea y e entrar a la Plaza la Catedral leonesa, y en sentíu contrariu.