Esti ye unos de los temes que mas galbana da facer, que ye axustar bien la bici. Ye dalgo que dificilemente vos van facer curioso n´una tienda, pero mirao pol llau buenu, los que non tengáis una gran máquina, aquí podéis poneivos a la altura de cualquiera porque ¡ye gratis!. Asina que, hala, estudiai esto, y a ponese curiosu en la bici que non quiero ver a nadie paeciendo un pato encima la bici.
Vamos pa ya, hay dos maneres de atopar la postura afayadiza enriba la bici: una midiendo ya sean longitudes o ángulos y la otra mirando qué efectos tien la posición después de tar montaos.
Atopar la posición xusta ye un procesu llargu, que en realidá va cambiando así cambiamos de manera de andar y según cambia el nuestru físicu cola edá.
Falábamos de dos métodos: el primer métodu tenemos dos variantes, por un lao fórmules y tables que relacionen longitudes morfológiques con les medíes de la bici; y por otru lau tenemos medíes de ángulos puestos ya encima de la bici. El segundu método pa aplicalu tenemos que probar la bici, analizar los efectos y ser sensibles a los mismos.
Por tantu, lo que vamos facer ye aproximamos con el primer métodu les medíes, probar en marcha (faciendo cambios graduales si ye que ya somos ciclistes avezaos) y volver a medir y entós apuntar nuna llibreta, normalmente onde ten los entrenamientos o excursiones apuntaes.
A partir de aquí vamos entamar axustar les diferentes partes de la bici, pero primero hay que atopar una bici afayadiza pal nuestru tamañu. Güei casi toes les bicis son de gran serie, polo que lo meyor ye, siempre que seya un tipu de bici que tovía no tenemos una propia, pedir prestao aunque sea una vueltuca, así como la opinión de alguien que sepa del tema. Los errores de talla con constantes, pero la verdá ye que si no ye un error muy grande, pue solucionase en parte cambiando algún elemento, sobre tou el tamañu y ángulu de la potencia que suxeta el manillar. Hay que decir que agora falar de talla afayadiza no conduz a nada, ya que cada marca mide la bici como i-parez, tener en cuenta que la forma de los cuadros agora ye diferente que fai años.
Entamamos, lo primero ye…
L´ALTO EL SILLÍN
Va depender de la modalidá que vaigamos a facer. Si vamos dir solo cuesta abaxo o blincar, el sillin va tar baxu. Pero si somos de modalidá de pedalear, ya sea carretera, ciclo-cross o montanbai, el alto el sillín va ser idénticu. Repito, ni un milímetro de diferencia entre carretera y ciclo-cross o mountain bike. Casu especial son les bicis tipu, “enduro” onde subimos pedaleando pa facer descensos intensos. En esti casu, hay que marcar el tubu del sillín (tija) con un cutter (o similar) pa devolver el sillín al su sitiu cada vez. Tamién ye bueno tener una marca o dos pa baxar, pues ye muy cansao baxar con el sillín abaxo el to.
Vamos centramos n´el alto de bicis de pedalear. Hay que recordar aquí que los pedales, zapatilles y bieles puen ser diferentes, pudiendo haber diferencies de mas de un centímetru. Incluso entre pedales de la misma modalidá, según la marca unos son mas altos que otros. (Algunes veces también cambia el ancho).
El método pa colocar la altura ye, sentau en la bici en llano, coles zapatilles puestes enos pedales, puestu el pedal en horizontal (o en el ángulo en el que pedaleemos, que hay quien pedalea de puntilles o col talón baxu, pero bueno, en principiu colos pedales llanos), y les bieles verticales, vamos midir cola sofita un compañeru, el ángulu que formen la pantorrilla y el muslo, tomando como referencies el centru de les articulaciones de les carriles, rodiella y tobillu. Xuniendo esos tres puntos, l´angulu tien que tar entre 25º y 30º (o 150 y 155). (del llibru de Z. Zani, ed Dorleta).
La comprobación en marcha ye que si el sillín ta baxu, non vamos poder pedalear bien cuesta arriba sentaos. Si ta muy altu, no vamos poder pedalear cuesta abaxu sentaos a altes revoluciones por minutu: baxando a tope de revoluciones empezaremos a pegar botes encima el sillín.
Esta ye la midía mas exacta de toes, aquí el marxen ye de menos de mediu centímetro.
Facer mención aquí al llargo de bieles. Esta medía tien munchos estudios (que enllazo en un comentariu) pero aquí solo vos recuerdo que si no sois muy altos pongáis la mas corta de les que son usuales (170 mm) y pa los que seáis muy altos recordar que seguramente con bieles super-llargues (hasta 180) ganéis bastante.
SILLÍN PA LANTE O P´ATRÁS
Pa eso hay que usar la plomada, en un sitiu llanu, coles zapatilles puestes nos pedales, y les bieles horizontales, la plomada tien que quedar enrasá col borde la rodilla y el borde la biela. Tamién se pue medir debaxo la rótula y a enrasar col eje el pedal. Sale lo mismo pero lo primero mídese mas fácil (Z. Zani).
Esta medía ya no ye tan precisa como la anterior, va un poco en gustos y ye normal que si sois mas de subir cuestes vaigais un poco adelantaos pa compensar. Hasta 1,5 cm de diferencia pue tar bien.
Pa comprobar en marcha qué tal vamos, lo que hay que mirar ye si al pedalear fuerte vamos cayendo p´alante ( que mos va pasar diendo en llano) o si caémos p´atrás (esto pasa subiendo sentau). Si cayemos p´alantre ye que tamos adelantaos, y si cayemos pa tras que tamos atrasaos.
LARGO EL MANILLAR
Después de haber puesto curiosu el sillín, pa axustar el largo el manillar hay que cambiar la potencia. Por eso ye bueno al mercar la bici, dexar pa poner unos días una potencia vieya y llueu poner la definitiva de la midía xusta, que toes les marques venden en diferentes llargos con diferencies de 5mm.
Pa manillares curvos, de carretera, la norma ye muy fácil: agarraos na parte abaxo el manillar, mirando pa de frente, colos deos espurrios como pa frenar y los brazos doblaos un poco, al pedalear el codu “roza” cola rodilla.
Un axuste finu del llargo ye girando el manillar p´riba o p´baxo. Al levantalu, la bici crez y al baxalu mengua. Pa compensar el alto el manillar, agora faise con arandeles debaxo la potencia, que van pasando de abaxo a arriba (y viceversa) hasta que atopamos la midía definitiva. Ye bueno dexar un par d´elles arriba por si acasu.
El efectu en marcha de un manillar puestu cerca ye que vamos tener que facer un poco fuerza como si levantáramos les manes, y al final va doler la parte abaxo del llombu (lumbares). Cola bici llarga, va ser al revés, hay que facer fuercia como pa baxar les manes así que acabará doliendo la parte el llombu de cerca el piscuezu (cervicales). Si vamos munchu tiempu coles manes ena parte plana el manillar girando les muñeques pa riba (como pa escribir en el ordenador o tocar el piano, pero esaxerao) van dormise les manes (y duele mucho).
Hay que señalar aquí que el largo el manillar vien en función de la velocidá que vamos llevar, porque en llano y por carretera el viento emburriamos pa tras con bastante fuerza, polo que si sois muy de llanear va ver de ir un poco mas llargos, pero si sois mas de ciclo-cross o subir puertos, con un poco mas corto vamos dir meyor (y baxar meyor).
Cola bici de montaña, con manillar planu no hay mas remediu que probar. Si ya tenéis bici de carretera, la de montaña tien que quedar entre 3 y 5 cm mas llarga. De otra manera, mirar que en marcha los brazos queden mas o menos perpendiculares al truncu y non haiga que facer fuerza en los brazos pa mantener la postura. Aquí no hay mas remediu que dir probando, y comparar con otros ciclistas de igual talla y envergadura. Eso sí, al acabar, ye muy recomendable que el llargo de la potencia no sea de mas de 110 o como mucho 120, pues quita estabilidad baxando y aumenta la tendencia a volcar en los escalones. Pa la modalidá mas endurera, tien que quedar una potencia casi de descenso, de entre 50 y 80 mm, por lo que curiosamente pa eso hay que escoyer una bici una talla mas grande de lo normal.
Decir pa acabar que hay munches anchures de manillar (van cada 2cm) así como tipos de curva. Pa manes pequeñes hay curves mas cerraes, incluso con la curva “redonda” como en los manillares antiguos. Pa manones, curva amplia y profunda. El ancho va un poco en gusto, pero tienen que quedavos los brazos paralelos mas o menos. Un manillar de 40 sería pa xente de hombros estrechos y unu de 44 pa hombros anchos.
ALTO EL MANILLAR
Pa esta regulación no hay conseyu alguno. Vamos dir poniéndolu tan baxu como seyamos capaces de pedalear cómodos en la parte abaxu si ye un manillar curvu. Va depender de lo flexible que tengamos la espalda, pero siempre recordar que la parte abaxo hay que poder usala un ratu grande. Hay quien baxa y esprinta agarrau arriba, eso sí, llevando el manillar muy abaxo, pero esto no ye nada recomendable. La parte abaxo ta pa algo.
En montaña, la variedá del compromiso entre la altura buena pa baxar (muy alta) y la buena pa pedalear (como en carretera) ye tan grande que no se puen dar conseyos. Hay que probar, pero, eso sí, sin prejuicios porque nos solemos llevar por como van los demás y a veces no ye lo bueno pa nosotros.
PIES
Recordar primero que hay que verificar que el ancho del conjuntu bieles-pedales ye afayadizu. Por motivos comerciales véndense bieles de carretera muy estreches y bieles de montaña muy anches. Diferencies de un centímetro por biela ye habitual, pero muncho pa poder pedalear bien. Hay que atopar el puntu bueno.
Esti tema ta meyorando, pero el mi conseyu ye, si tenemos bici de carretera y mtb. mirar unes bieles triples de carretera y unes dobles (doble platu) de montaña, que suele medir parecío, aproximadamente 7,5 cm desde el centro la bici a la cara exterior de la biela. La sensación de ir “cowboy” o ir coles pates demasiao xuntes ye muy característica y no fai falta explícala.
Pa colocar les “cales” de los pedales, el tacu de fierro o plástico que engancha en el pedal, diz la norma que tien que quedar el eje el pedal debaxo el centro de la articulación del deu gordu el pie. En montaña aunque lo pongáis adelante del todo va quedar mas atrás. Si sois de descenso, un poco mas atrás tovía. La posición atrasada del todo en una zapatilla de montaña o la mas adelantada en zapatos de carretera no tienen utilidá. En marcha, con el pedal demasiao adelante va dolemos la zona el tendón de aquiles (y cansar baxando de pie en mtb). Si facemos al contrario, perdemos toa la capacidá pa pedalear redondo.
El ángulo de la cala tien que ser el que necesitemos pa que la posición natural coincida cola parte onde queda la cala mas suelta, no en los estremos del ángulo que da el pedal de libertá sino en el centro justo. Recordar que no hay un ángulo teóricu, sino que tien que ser el natural del pie. En neños, hay que tener mas cuidao, porque podemos day el ángulo nosotros al pie con el pedal envede al revés. La verdá ye que esta regulación en zapatilles de montaña ye muy liosa porque los pinchos de la cala marquen la zapatilla y difícil de rectificar una vez ta apretao. Si tenéis oportunidá, empezar regulando unes zapatilles de carretera y luego ya teniendo idea unes de montaña. Les zapatilles de carretera regulen muy bien.
Pa medir como ta la cala, con la zapatilla quitada del pie y puesta nel pedal, la biela horizontal y atrasada, miramos a ver cuanto falta pa pegar con les “vaines” de la bici, que ye el tubu que va de la zona del pedalier a la rueda trasera. Esti método ye muy exactu, y muy útil pa cuando estrenamos zapatilles si no son les primeres que usamos (mas que probar en marcha tovía).
Les cales del zapatu tienen otra regulación: la separación del pie a la bici. Solo lo tienen algunes marques y no ye muy útil. Solo que no te pegue la zapatilla cola biela y vaiga mas o menos centrao y les dos iguales.
MENETES EL FRENO
Va dir un poco en gustos. Les de carretera siempre se pusieron con un mangu, enrasando la parte plana del final del manillar con el estremu de la maneta. Luego subieron les manetes un cm, y luego subieron mucho mas, así como el manillar. Ahora cada uno lo pon a su manera, pero siempre hay que recordar que desde la parde de abaxo del manillar, hay que llegar a frenar. Pa poneles horizontales, ya que agora no enrasamos como dixe antes, lo meyor ye poner el listón horizontal sobre les manetes y comparar con el manillar, así queda muy bien.
Aunque no ye de posición, pa poner el manillar derechu solemos mirar del manillar a la rueda. Ye mas exacto mirar de la rueda al manillar, levantando al bici y comparando con los cierres de la rueda el manillar. Supongo que exacto del todo será con una varilla y la rueda quitada, mirando la bici del revés, pero tampoco fai falta ser tan exactu.
Pa manetes de montain-bike, lo normal ye poneles en linea con los brazos, a mediu camín entre la línea que facemos diendo sentaos (seríen les manetes mas levantaes) y diendo de pie (mas baxes). Colos frenos de agora tan potentes, les manetes hay que axustales pa llegar on uno-dos deos, ye decir, bastante al centro del manillar. También hay que mirar el giru del manillar, que aunque se llame planu suel tener un poco de curva. Con les puntes muy levantaes ye bueno pa facer curves, pero cansao a la llarga y viceversa.
UN COMETARIU PA LOS QUE ANDAMOS CON DIFERENTES BICIS
Güei casi tos los ciclistas tenemos varies bicis. Ye de decir que pa dalgunos preparaores, ye malo entrenar con bicis diferentes. Eso ye por exémplu lo que piensen los ciclistes profesionales de la modalidá de ruta. Tamién hay quien recomienda poneyos cubiertes lises a la bici de montaña pa poder entrenar cola misma bici.
Por to lo contrario, la prautica enséñamos que camudar a diariu de bici supón un seguro a escotra les lesiones tantu de rodiella, llombu o piscuezu. Hay algunos que mos presta hasta camudad el llargo les bieles según el tipu bici que vamos usar: descenso corta, carretera media y montaña largo.
El conseyu que vos doy que que na mas sentir cualquier molestia, lo primero ye proba a ver si con “la otra” bici tamién se siente lo mismo. Lo mismo se pude decir de les botes, sillín etc. El método sedría intentar dir camudando piezes de una bici pa otra hasta atopar enonde ta el problema, y en teniéndolu localizau, arreglalu en toes les bicis.
Ye bastante recomendable tener una bici pa entrenar, que aunque non se use d´afechu, siempre ta bien tenela pa cuando ta el tiempu malu, pa dir acabando gastar les piezes que tan pa andar pero ya non pa competir…
Eso sí, hay que acordase de usar la bici de les carreres con tiempu pa que cuando llegue la carrera te perfecta, esbillando pa eso los díes que non hay que da-i tratu muy fuerte, pero lo suficente como pa dir axustándola.
Un conseyu ya muy particular ye, pa los que non se faigan mucho a pedalear en la montanbai, ye armala una temporadina con bieles estreches (tipo carretera, dos platos “compact” por ejemplo), pedales de carretera, horquilla rígida y manillar baxu, hasta conseguir tener exactamente les mismes sensaciones que cola bici de carretera, pa ir llueu trasladando poco a poco la posición de esa bici, copiada de la de carretera, a la bici de montaña “de verdad”. Pa esti esperimentu ye la cuenta una bici vieya.
Espero que sirva a muncha xente.
