Tuesday, June 28, 2011

"V" ya´l pexe.

¡Vustedes me van perdonar! Yo pal 15 M ta non taba indignau porque como non tengo “feisbu” llegome fai pocu el mail col pdf correspondiente al escaneau del llibru “reacciona”. Agora ya casi lu leí enteru pero a fin de cuentes ya toi bastante indignau, y supongo que empezaré a dir a los conceyos del pueblu, o donde “se” decida facelos.

Toi tratando informame per ehí pelos blogs, pel wikipedia y demás. Eso sí, sin apuntame al “carallibru” porque pa eso pienso que tendría que tar apuntau a una tarifa plana pa que la conversación seya un pocu fluida, y asina tener éxitu nes redes sociales, y asina me admitan y asina enterame d´algo. N´otres entraes d´esti blog ya venía comentando que los 40 euracos universales de la conexión continua non se corresponden coles necesidaes comunicatives, polo menos de les mies, que me conformaría con una fracción mínima de tou lo que ufierten (y que non toi dispuestu a pagar lo que non quiero usar).

El non tar permanentemente conectau tien desventaxes. Tamién tien que obliga a dai cierta estructura al caudal d´información tan desproporcionau que manexamos güei. Tamién a cuestionase les coses con mas tiempu. Entrúgome por exemplu ¿un movimientu socialmente críticu pue a la vez partir de un soporte que necesita los comentaos 40 €/mes y la firma del contratu de privacidá?. Pero también mas coses, como: a) la relacion ente l´ambitu territorial físicu y el virtual, y b) l´idioloxía de fondo.

El ámbitu d´usu del español ye tan grande que fai que les iniciatives de usu colectivu se vean desbordaes por excesu relativu ente el soporte técnicu y el númberu d´usuarios. En cambiu, l´ambitu de l´asturianu ye pequeñu como pa que les iniciatives que guañen darreu esporpoyen. Sin embargu, igual que´l agricultor non se dedica a semar paniegues en base a que se dean bien, estos nuevos revolucionarios podíen non conformase con seguir la corriente. La barrera idiomática existe en si misma, pero segregar a la parte mayoritaria de los hispanofalantes non ye serio, y dexar pa barbechu l´usu de les otres llíngues de l´estau, oficiales o non, filtraes polos servicios d´intelixencia o no, pues poco menos serio.

Nos actos reivindicativos surxios últimamente suel aparecer xente cola mázcara de V. El símbolu son pexes pequeños que tos xuntos formen un pexe grandón, como na película. La peli ta perbién fecha, pero nel comic-book orixinal, solo Evey se llega a poner la mázcara, y solo esti cambiu, que camuda l´sentiu de la novela, fue suficiente como pa que Alan Moore renegara del film . Non hay d´escaecer que´l movimientu 15-M se ta definiendo dientro del paradigma del sieglu XX: el crecimientu continu-u de la economía enes sus diferentes modalidaes de liberalismu, por muy sostenible que lu vendan. Vien dao pola supremacía económica y técnica anglosajona, olvidando que ye un sistema que´sporpolló n´un contextu onde el límite territorial era desplazable: primero pa les colonies, pal oeste americanu y por último pa la versión actualizada del colonialismu: l´imperialismu. Ye la edá del motor, simbolizada, como no, pol automovil.

Como no podía ser d´otru modu, nésti blog fálase de bicis... ¿non habría que dir pensando en dir faciendo carriles bicis? Si tenemos paro y problemas col preciu el combustible ¿por qué non se fala de la bici? Los materiales no son caros ni externos. No será l´paradigma americanu pero dir en bici non tien porqué ser tan malo.

Los movimientos que surxan de los nuevos médios de cominicación son experimentales ¿quien hubiera predicho por exemplu l´exitu la wikipedia?. Pero, hasta el momentu, los llamamientos históricos que llamaron a convertise en un pexe nacional que forme parte de otru pexe suena mas a “gobiernu de concentración” o “Nueva España” que a una democracia con muchos tipos de “pexes”. El rechazu al “perroflautismo” podía ser un indicador, así que yo toi poniéndome les piles, pa dir proponiendo nuevos eslóganes, como “Democracia Unversal Ya” “Daros de BajaYa” o “Dir en Bici Ya”.

Wednesday, June 08, 2011

Allgäuer Alpen y Zugspitze

De Garmisch


Como resultao de dir a acompañar y sofitar la participación de cuatro coyacios ena Trans Germany 2011, pude tener tres xornaes pa dir viendo esta parte ya bien alexá de los Alpes.

La actividá quedome dividia en dos llugares: alrededores de Oberstdorf y la zona del Zugspitze, con dos días cada uno. Por el medio llovió a cántaros, así que con mantener la ropa seca y mas o menos límpia fue suficiente.
La ruta mas importante fue la primera, de lunes. Tras calentar por los alrededores de Sonthofen, subí a Oberstdorf por una senda ciclo-turista fluvial de gran anchura y muchísimes bicis, también alguna eléctrica que cuesta mantener a raya. Tras fotografiar el trampolín de saltos d'esquí, seguí subiendo pol mismu riu hasta Spielmansau, por una carreterina cuyu usu ta limitau, donde atopamos la “marca” del pasu de caballos. Mas adelante ya vi que el responsable era el noble bruto que tiraba de un carro tradicional, turisticu por supuesto, que baxaba del chalé de Spielmansau cargau de xente. Tras cargar agua en la fuente al pie de les diferentes terrazes del chalé, continué ruta por la pista que al poco se acabó, pa dar pasu a un senderu prácticamente inciclable, pero balizau con les marques de “Via Alpina”, ruta que figuraba en el mapa 200000 general del tirol que me servia de orientación. Esti senderu era previsible que no tuviera autorizau pa baxalu en bici, así que dao que había recientes marques de mantenimientu (fesoria), traté de ir recordando como se decía “non ví que hubiera señales que prohibieran dir en bici” o bien “en realidá la bici la llevo tol ratu a llombu” en inglés, por si el guarda tenía a bien aceptar explicaciones, encima en llingua foriata.
En fin, la subida a la cabaña (cabañona, ye mayor quel refuxu Urriellu) Kempter, o sea Kempter Hutte, ye espectacular, con algunos pasos protexios con cable y con bastantes lápides y recuerdos a montañeros fallecios, aunque sospecho que por causes diverses relacionanes o no cola montaña. De la Hutte al collau que da la parte austriaca ye un plis: el collau Mädalejoch a 1973. Cinco la tarde, bocata de atún, ropa a secar y reflexión meta-física sobre la situación, tiempos y posibles dificultaes. La suma de factores a tener en cuenta sale positiva, mas que nada porque en Sonthofen me esperen provistos de furgo con GPS y mantengo cobertura, así que voy baxando, trialeando a veces y otres muches cargando con la ligera montura de material orgánicu que me acompaña en esta ocasión. La verdá que portar una bici de 9 kilos, en especial si como la mia tien muchu sitiu pa apoyar l'hombru y encima redondeao, ye muy diferente y apenes dificulta la marcha. La parte austriaca no parez estar tan “refalfiada” en cuanto a mantenimientu, por lo que no me preocupo mucho de que la ruta estea “verboten”. Finalmente la senda se convierte en pista, con una garganta espectacular que se ve en les fotos. La pista lleva a Holzgau (Folgau pa memorizar), y dao que el regresu en sentidu horariu no lu vi asegurau, y que amenazaba tormenta, lu fixe en sentidu inversu, unos buenos 80 km, que la bici de carreres de devoró sin contemplaciones, pasando aunque por carretera por llugares perguapos como la estación nórdica de Tannheim, donte atopé la carretera empapada por la nube que había caído poco antes, o el propiu Bad Oberdorf. Hora de llegada, casi las 9.

Al día siguiente, a las 11 otra vez encima la bici, objetivo, Rohrmoos, a poder ser en travesía circular . Rohrmoss ye un montaje parecíu a Spielmansau, están marcaes multitú de rutes tanto de bici como pa andar. Esí día no libré la tormenta y me tuve que atechar casi dos hores baxo l´aleru de una casería (donde no había nadie, no sé porqué). De la casería (en la carretera del pasu de Riedbergpass) fixe algo de escursión pel monte, d´afechu casi subo un monte muy balizau llamau Piesenkopf, pero la lluvia volvió a arreciar y tuve que buscar la baxada en una mayá que me vi obligau a atravesar pisando la pación, -en terrenu de llamuerga, por cierto-, ya que el senderu no había manera atopalu. Allí, aunque allí tamos nel Allgäu, taba paisano segando paniegues cola máquina segar, vestiu de tirolés hasta el sombreru. Curiosamente taba un neñu ayudando cola gadaña. Dao que yos estaba pisando el pastu, no fixe muncho por buscar conversación ni techu, y me conformé con que non me dixeren na. A partir de la mayada, atopé otra trialera preciosa (trac pendiente de colgar) que pensé que me llevaría ya a Rohrmoss, pero en cambiu me devolvió a la misma carretera, pero pasando por una casería de vaques pardes (Braunvieh), increíblemente seleccionaes ya que vi separaos dos rebaños de xates y nuvilles exactamente del mismu tamañu. Les ratines d'esta parte de Baviera, el Allgäu, son vaques hoy en día muy evolucionaes, tanto ye así que, de no ser pol pelu del color de la estraza, pensaría un que son vaques pintes, pues tienen el pelo corto y la cabeza, descornada en tos los casos, mas pequeña y casi sin pelu nes oreyes. Tampoco son tan simpátiques como les nueses o les llioneses, pero taben prácticamente toes al pastiu, incluso esi día que llovió a cantaraes, y vese buen nivel de vida. La maquinaria ye bastante ruina aunque bien conservada, posiblemente l'afayadiza, lo que contribuye a dar a les caseríes un aspeutu como de llibru infantil. Ena que aparé, s'ufierta venta directa de diferentes productos llacteos. Al igual que n'otros lugares de alpes o pirineos, tampoco se podría decir que exista una simbiosis perfecta ente el mundu del campu y la industria turistica, pero vese que lo intenten: Esquí en Oberstdorf onde tan balizaes rutes de branu que pasen por una casería que ufierta productos en venta direuta. Son dos tipos de baliza. Una, la de la senda fluvial, ye de tipu mas urbanu y consiste en una felecha mas llarga. La de les rutes de montaña ye mas pequeña pero, en xeneral, en ambes destaca el llugar o localidá al que mos dirixe, dexando en llugar secundariu la numeración al que pertenez el senderu. Ena ruta fluvial, siempre atopamos señales que te manden pa Oberstdorf o pa Sonthofen, destinos finales, pero en les del monte el topónimo corresponde al llugar inmediatu, no al de destino. Esto fai que seya mas dificil orientase, si solo disponemos de un mapa xeneral, pero a la vez fai que tomen importancia les caseríes y llugares de la ruta, aparte de que la señalización, tanto pola su forma como por el contenidu, forma parte tantu de la señalización llocal como de la orientada a los montañeros.

Una vez mas, tomé la opción asfaltada antes que la corta pa pasar por fin por Rohrmoos. Desde Austria, ye una carretera de usu limitau que envede ser un coyau ye una especie de brecha con un pasillín llanu en la parte superior, todo muy turístico ello.

Tocáronmos unos días con sol picantón pela mañana, darreu de ñublu y a vegaes tormenta pela tarde. El miercoles orbayó tol día, y taba ente fresco y frio.

El xueves pela tarde otra vez tiempu llibre. Leermos, ena parte austriaca, al pie del Zugspitze que tuvo la boina puesta tol día. Ruta de media montaña por tanto. Justo al sur del techu de Germania, subiendo por una estación d´esquí, se pasa por un coyau que separa de la montaña que corresponde a Telfs, en la carretera de Innsbruck. Ruta por tanto circular alredeor de esta montaña. El pasu, super-turísticu, en la parte de Leermos (Ehrwald en realidá) la xente sube en remonte y ena contraria en coche hasta Tillfuss. Todo eso ye el accesu por la cara facil del Zugspitze, la cara del glaciar. Pero el día deparaba mas sorpreses que un monótonu regresu por carretera: llegando a Telfs, hay que baxar bastante, unos 500 mts, y envede por carretera, ta balizao un senderu que se mente por un barranco, faciendo zetas. Posiblemente tea regulao pa les bicis, pero a partir de media baxada está muy rodao, y con multitú de variantes. Telfs no ye un sitiu turísticu ni muy guapu, pero desconozco a que se dediquen. Queda el Fernpass, donde me atopé con un tramu de la Via Claudia Augusta, incluida una venta en plena subida, tremenda. La ruta tien varies variantes y a mi tocome una con subida casi trialera, tremenda y recomendada enes balizes pa la bici. El Fernpass ye un pasu importante, al menos viendo los túneles que tienen montaos, y en la parte superior hay un montón de variantes por ambos laos, con un par de llagos (-see pa ellos) y variedá de senderos donde se ven permanentemente marques de bicis. Forzando un poco (acabé otra vez al oscurecer) atopé algún senderu buenu, alrededor del llagu, así como una baxada excesivamente dificil incluso caminando y algún tramu que tuve que conectar pola carretera xeneral, muy peligrosa pal ciclista.

El Zugspitze ye un monte muy guapu, que apenes se dexó ver, únicamente el viernes pela mañana. Sobreesplotau como ta de teleféricos y trenes cremallera, no se me arregló ni siguiera acercame a ver el glaciar, teniendo que conformame en Garmish con visitar el pueblu y subir corriendo al monte que teníamos encima el camping-aparcamientu, que tamién tien remonte. Dao que allí me agarró una nueva tormenta (descargó justo al bajar), se ve que forzar mas aún hubieran sido ganes de armala.

Dexo pendiente enllazar la crónica de los compañeros en la Trans-Germany “zweitausend elf” una gran carrera, así como les sus fotos.

Pa los que quieran saber mas, n'esti foru hay una descripción del Allgäuer Alpen
http://www.sistemacentral.net/foro/viewtopic.php?t=6180

La mi Trek 970 Singletrack, 1992

De Mi Trek 970


Déxovos cola pequeña galería (tenéis que calcar) de la mi Trek 970, en el su estau mas o menos orixinal. Ta mercada nun "trocatlón", a donde llegó muy mal mantenida pero con mucho menos usu del que aparentaba, estando impecables los rodamientos principales, que desmonté a fondo.

Esta bici destacaba pola su relación calidá-preciu (unes 130 mil pesetes), pero no era apreciada pa competición debido no tanto a que objetivamente fuera una bici lenta como a que, de serie, la bici ta preparada pa un usu ciclo-turista, pues cuenta con toes les rosques necesaries y alguna no necesaria también. En cuanto a geometría, pa competicion sobra-i mediu centímetro de vaines (mide 43), pero, en contra de lo que predicaben les revistes de la época, el restu ye correcto, en especial la angulación de dirección y asientu (71º y 73º). La potencia Matrix (que monto actualmente, una vez restaurada), ta angulada hacia arriba, pero debido a lo corto de la forcá la posición ye idéntica a la de la mi bici de carreres.

El principal motivu pol que aprecio la bici ye pola construcción del cuadru en base a tubos de acero cromoly True Temper, xunios con unos racores sobrios pero muy bien diseñaos, en especial el de sillín que ye espectacular. Ignoro el pesu del cuadru sueltu, pero evidéntemente, viendo el de la bici completa (sub-12 con forcá ríxida y los pedales de la foto), está mas que bien.

La bici considérola una semi-clásica debido a que cuenta ya con dirección 1 1/8", mandos Rapid Fire plus y de serie venía con SPD. Yo soy usuariu de Time y a falta de un pedal de la época monté el mas cásicu de los pares que tengo.

Capítulo aparte merez la forcá: esta bici ye reconocía por venir de serie con una Tange Big Fork. Sin embargo yo diría que esa forcá ye excesiva tanto en rigidez como en medides. No tuve oportunidá de medir dicha forća, pero toi casi seguru de que-i sobra al menos un centímetro pa que la bici recobre la geometría cola que fue diseñada, y que consta el el catálogo.

En cuanto a funcionamientu, forcá aparte, ye perfectu. No ye una bici agresiva baxando, pero, salvo porque ye excesivamente ríxida, defiéndese. En cambiu, pa tiraes llargues, de 4 o mas hores, ye mucho mas cómoda que lo que sería una bici de competición, ya que la estabilidá de la bici ye mas propia de una bici con rueda 28" que de 26". El triple platu solo ye posible facelu funcioar correctamente con un eje mas llargu del que admiten les mis rodilles. Pa colmo, cuando el cambiu a platu pequeñu funciona correctamente, tien una exagerada tendencia a "chupar cadena". Esi ye el motivu por el cual, al mercar una bici d'esta época, ye fundamental revisar el puntu onde el cuadru pue llegar a tar dañau polos sucesivos chupazos.


Actualmente, la forcá ta camudada por una Spinner Fork ríxida de 40 cm, colo cual la bici sube infinitamente meyor y, lo que ye mas sorprendente, baja mas rápido y segura ya que la Mogul, a pesar de tar como nueva y bien ajustada, símplemente dificulta bajar. La otra modificación grave ye el cambiu del exe orixinal por un UN42 de cartuchu, de 118 mm (6-8 mas cortu que'l orixinal). Comentar que la caxa pedalier ye americana, de 72 mm, lo que no fue problema pa instalar un cartuchu estandar de 68, debio a la redundancia del diseñu del mismu, símplemente eliminando con un esmeril rotativu (5 minutos) el reborde de acero que fai tope nel llau derechu. La "cazoleta izda" que uso ye de pĺástico, y ella misma evita que se mueva el cartuchu, sin necesidá de fija-rosques. El sillín de la foto ye Avocet, ya que la bici la compré con un Flite. Los cierres de ruedes y sillín también los cambié por otros, lo más claśico que pude, ya que son un peligru y se abren bajando fuerte.

La bici la toi usando intensivamente, hasta 7 hores, únicamente procuro que no se moje ni embarre mucho. El cambiu 3x7 funciona estupendamente (salvo lo comentao de poner platu pequeñu), frena como un camión gracies al potenciador de maneta y zapates XTR y sobre todo ye agradable y rápida de usar. Quizá la única limitación ye que pese a la reducción de eje pedalier, el factor Q sigue siendo un pelo altu pa mi (160 mm), lo que xunio a que la bici trae 175 mm de biela ¡en una talla S! me limiten un poco en salides realmente llargues, pues temo lesioname. Desde el mi puntu de vista, ye una bici de funcionamientu modernu, y sin embargo una auténtica clásica.