Wednesday, November 24, 2010

9 Puntos

Güei esquié tan bien tan bien que me dieron un 9. ¡9 puntos de sutura.1 Na, chapa y pintura, en realidá toy muy contentu porque ye la primer avería esquiando y ye bien poco, teniendo en cuenta la ida de pinza que causó l´incidente. Ta claro que el mayor pelligru na motaña ye unu mismu: ¡pues no taba baxando, coles mangues arremangaes, pola pista aformigonada que ta onde la Hermita Trobaniellu, en Teverga, con tan poca ñebe que les rodaes d´un todo-terreno ya dexaben ver el formigón debaxo la ñebe! Un poco rabia si que me da porque según el gps llegué xusto a onde ta l´hermita, y porque de no habeme entrao´l pánico seguro que hubiera llegao a la campera onde podía símplemente esperar a que la velocidá baxare con sitiu de sobra. Sin embargo ataqué la cuesta y al no querer mantener la cuña sobre tan poca ñebe, puse los esquies en paralelo y al ver que la velocidá aumentaba mas de lo deseable en casu de caida, en llugar de aguantar decidí perder velocidá metiéndome pol talud (táctica que había funcionao bastantes veces anteriormente), pero había tan poca ñebe que volví a cambiar d´opinión y al tratar de regresar a lo ñebao caí palante, mientres pola cabeza se me pasaba l´idea de “esquiar ye creer” (Arnold Lunn) y tamién la manera mas apropiada pa tirame yo voluntariamente, poyando los antebrazos al caer cola mala suerte de atopar una piedra cola forma apropiá como pa llevantar tol peyellu faciendome una “u” del tamañu un mordiscu, con bastante mala pinta y por desgracia (y humillación) causandome mareos un buen cachu.

En fin, una sensación extraña, y eso que n´esta ocasión solo había cuatro o cinco kilómetros hasta la furgoneta, y de aquí solo media hora al centro de salú de Teverga, onde me atendieron estupendamente y de pasu no se rieron de mi por mareame. Bueeeno: próxima salida con esquies de fondo pol monte, botiquín con vendes, manta térmica por si hay que tar to la noche nel monte, avisu de recorrido y, sobre todo, pensamelo dos veces antes d´entamar una baxada, por mucho que´esti tipo esquies dexen pasar del modu ascensu al descensu sin tener que parar a nada!!

Tarifa plana de rock&roll

Fai algunos meses recibí una factura imprevista del mi proveedor de telefonía (y circunstancialmente d´interné, de onde provenía el “regalín”). Nada relevante pero fíxome repasar un poco la mi estratexa comunicativa, en relación a les necesidaes que suelo tener y la ufierta esistente. Resulta que la cantidá de informacion que transfiero ye tan pequeña que cualquiera de les modalidaes actuales me resulta poco rentable, mientres que parez ser que les modalidaes basaes na red de telefonía movil tienen series torgues pa que valgan pa trasferir datos al ordenador. Refierome a torgues que no son técniques sino de les normes de les compañíes, que parez que no yos interesa, como el tema el skipe o lo que pasó colos mensaxes SMS. Por un lao ufiertente una cantidá enorme de megas por segundu y por otru lao la comunicación básica sigue con un preciu desproporcionau... eso me recuerda el principal ganchu de les compañíes pa que la xente pase pol aru la tarifa plana: les descargues.

Na mi opinión les descargues tan aseguraes porque el lobby que puedan facer los autores ye inferior al que puedan facer les compañíes que ufierten tarifa plana al invariable preciu de 40 euros (curiosa consecuencia de la llibre competencia: el preciu únicu!). Y eso faime falar de la relación que tien la ufierta musical en relación a los avances técnicos, primero singles, llueu la FM por un llau y los vinilos y CD´s, agora el MP3... como pa escribir un tema aparte. Tener accesu a cantidaes masives de música fai que la percibas de diferente manera. Bueno, mas que diferente peor, existe una decepción bastante grande cuando tienes la oportunidá de comparar la música que ya te conoces coles referencies anteriores, la que pudiste mercar cola que te hubiera prestao. Tiendes a relativizar la bondá de les composiciones en relación a la música culta, al jazz y la tradicional y también a tener consciencia del volumen real de discos asoleyaos na época del “rock” ¡también con preciu únicu!

L´esitu la música rock fixo que se montara´l so rodiu una industria que al final dexó de tener relación col tema cultural, pero cuyos miembros se restisten a volver a la situación natural argumentando ser un sector estratéxicu cual la enerxía autóctona, pero cuya verdadera fuerzia ye mas bien fáctica que otra cosa.

Agora el negociu no ta nes discográfiques sino na provisión de comunicación, siendo la postrera aportación del rock ser el sustentu necrófilu a la necesidá creada en cada casa de sufragar los 40 famosos euros mensuales. Claro que polo menos esta vez el dudosu honor ye compartiu col porno y coles famoses redes sociales (el feisbu o cara-llibru), que apurre a la sociedá la necesidá de tar apegau mas tiempu del necesariu al ordenador pa intercambiar una cantidá d´información menor, y a les que ye poco práctico xunise prescindiendo de “tarifa plana”, ya sea en movil o nel ordenador....