Friday, May 07, 2010

Klunker (y el GM Texu) x Sierra Nevada

(Si a naide-i importa, voy dexar d´enbeber los mapas del wikiloc nel blog ¡que me lu peta!)

Estos son los tracs (leer tamién los comentarios el/la que tea interesau). Los integrantes de la expedición fuimos Hector (entamador), Pablo, Gabi y Vitorino, además del que escribe (Klunker).
http://es.wikiloc.com/wikiloc/view.do?id=887730
http://es.wikiloc.com/wikiloc/view.do?id=887727

El viaxe escomenzó en Jeres (o Jérez) del Marquesado con intención de dir siguiendo la llamada "integral de los tresmiles". Dicha ruta yo pienso que ta meyor pa facela en verano que con esquies, ya que les buenes esquiaes no tienen por que dir pola llinia de cumbres. Personalmente, yera cita poco eludible la cumbre´l Mulhacén. Y conocer la zona... y esquiar to lo que pudiera.

Decidimos facer el viaxe dende´l pueblu a la ñebe en 4x4(refuxu Posteru Altu www.refugioposteroalto.com, cuando furrula la fueya). Salir salió bien porque´l desnivel ye fuerte, la distancia mas y entre cinco el preciu non fue altu (a diez euros-viaxe). Lo malo ye que te pon, tras el viaxe etc a buena altura, casi a 2000, y dao que echamos a andar de sábado a les dos de la tarde, coincidió pa facer el vivac bastante altos, a 3000 m. Arriba empezó a tapase con ñubes d´evolución. Solo que no ye como aquí y aunque se metió la ñebla non se formaron tormentes nin llovió. Dao les condiciones insistí en perder algo altura, pero pronto atopamos unes terraces de piedra con escaloninos afayadizos pa tornar l´aire. Altura 2850. Pronto despexó el tiempu ya quedó estrellao.

Pela mañana a primera hora, con ganes, subí del "vivac" al altu la "Atalaya", de 3138 desde onde, efectivamente, se vía perbién el camin a seguir hasta el mismiísimu Veleta. De vuelta al Vivac, un poco tarde en mi opinión, el grupu comenzó la xonrá propiamente dicha con ruta directa a La Alzazaba. Pa ello decidimos, dao que el puntu de pasu obligau llera el "Yunque" cien metros de cota mas abaxo, abreviar y salir sin pieles. Por desgracia, al llegar a la citada Piedra el Yunque, a onde mos encaramábamos a la Llomba l´Alcazaba, dímonos cuenta de que casi pol mismu preciu hubieramos pasao pol Puntal de Vacares y que acabábamos de evitar la meyor esquiada de la ruta... bueno, bien pensao hubiera sio algo mas duro y ¿quien lo sabía?.

Remontar hasta el puntu onde el camín pal Mulhacen y l´Alcazaba se separen fue duro ¡que calor! ahí dexé la mochila y, en viendo que Pablo que iba detrás se había parao a comer y esperar pol restu, y que los demás dificilmente llegaríen con ganes de subir a la tercera de les cumbres interesantes de la Sierra, tiré pa riba solu, faciendo cima en algo mas de media hora y regresando en otros diez minutos.

De ahí al Mulhacén, subiendo pola vía directa. En viendo los tiepos de subida, diría que tampoco fue buena idea ya que la ñebe, ya reblandecía, fixo la subida lenta y dura, hasta el puntu de que se fixo tarde y se metió la ñebla, aunque una vez na cima volvió a escamplar. Agrupamietu, fotos de rigor y baxada pal Refuxu la Caldera, situau a 3.065 m, sin agua a la vista.

Dau que me había sobrao tol día, decidí prestame voluntariu a baxar pol agua, 6 litros mas que suficientes pa rehidratamos tos. Guapa esquiada al atardecer, col contratiempu de quel agua, a pesar de dir a buscalo a "casa Dios" taba muy poco mineralizada y de poco sirvió a efectos de hidratación. Crasu error habeme confiao col tema el agua "Lanjarón" y no llevar sales como suelo pa disolver nel agua de fusión. Contra. Fue un día duru teniendo en cuenta la disminución de rendimientu cola altura (media mas de 3000), el calor, la mochila... y les casi 12 hores d´actividá, sin apenes descansu.

El llunes sí que madrugamos bien, y mos allegamos, faciendo unes medies-laderes interesantes y bien dures (como tienen que tar pa eso), al Veleta en tres hores. Menos mal porque nel collau la "Carihuela" (puntu onde se alcancen les pistes d´esquí) taba malísimo, pero malo malo de ventisca, ñebla y de to y por suerte a mediu día tábemos en Pradollano disfrutando del sol... que volvió a salir pola tarde enes cumes del "Caballo", enfotu d´Hector y de la integral de cumbres. Y ye que acostumbraos a les perreríes del tiempu na Cordillera y en Pirineos, este ye bastante mas permisivo, polo que se ve.

Pese a ello, una actividá per-interesante na que se descubrio gran parte de los secretos que escuende la Sierra Nevá.