¿a que suena guapo en francés? Le ski de rando nordique o esquí de travesía nórdica parez que fai referencia a la actividá envede a los apareyos. N´inglés llámenlo "back country" pero por suerte ye una denominación ambigua así que no hay pánico: travesía nórdica, o aquella actividá que consiste en facer recorríos pel monte con esquies, sin que seya obligao algamar cumbre alguna ni facer baxaes de meter mieu. Si salen, bien, sino la escursión ye un éxitu de igual modu.
L´ultimu gritu en esquí, en realidá, lo de to la vida, una vuelta a los tiempos en que los esquies non taven tovía estremanos en "nórdicos" y "alpinos", o bien a los tiempos en que nes zones de montaña los esquies los facíen artesanos igual que se fai una madreña.
¿apareyos? cualquier mecigaya entre los usaos pa "fondo" y "telemark" o combinaciones con "travesía". Xeneralmente ta to comercializao cola etiqueta "BC" de back country. Dependen totalmente del gustu y preferencies del usuariu (en realidá todo vale). En cuantu a técniques, faen falta ¡toes! pa defendese con esquis de fondo pol monte hay que dominar les propies del equi de fondo pa progresar y les de montaña pa evitar los sustos y superar dificultaes. Y pa baxar, tantu el "paralelo" en zones con ñebe dura como el "telemark" pa cuando ta blando, aparte de los pasos divergentes y tos aquellos trucos y pasos intermedios y avanzaos que se ocurran ¡tos son necesarios y ningunu accesoriu!
Dexo un enllaz...
http://www.skirandonnenordique.com
y la primera de les rutes que subí al wikiloc, una vuelta bastante grande pela zona Tarna, que taría al límite ente lo que ye una actividá propia del "rando" alpinu y el nóricu.
http://es.wikiloc.com/wikiloc/view.do?id=752562
Subscribe to:
Post Comments (Atom)
No comments:
Post a Comment