Friday, January 02, 2015

German Punks







German Punks

Toi un pocu esmolecíu, non me presta esto de la política. Por definición, hay d´engarrase pa salir elegíu col collaciu o collacia que tea mas próximu. Yo non soy d´engarrame muncho, soy, de facelo lo meyor posible. Eso sí, préstame debatir les idees de comu camudar les coses en llibertá, ye, el mio pasatiempu preferíu.

Taba fai no tanto sentau tomando un cafetín, falando en que pa facer funcionar una asociación, valía mas meter les ideer en una caxa prieta, y luegu votales ensin que la xente supiera quien ye el propietariu la idea.

Normalmente, non pienso muncho en España, en realidá, tampoco la conozco muy bien, pero yo creo que toos o casi tos los asturianos tenemos una visión, cuando tamos pel estranxeru, de axuntanos colos españoles pa facemos un pocu compañía. N´eso ye diferente los catalanes (en xeneral). N´estos díes tamos un pocu n´emerxencia nacional, aprieten les potencies económiques coles condiciones d´axuste económicu, amenacen con piesyar el créditu internacional... a min siempre me paició quel presidente que tenemos fai un llabor pocu prestosu, y que p´arreglase cola Merkel fai falta sofita humana y divina.

La meyor sofita que se-i pue dar a España ye facer un partiu políticu que dei un pocu mieu a la Merkel, non vaiga pensar que vamos dir, comu diz el otru, a llimpiar váteres a Londres y a la vuelta diez años dexayos el nuesu paraisu a preciu saldu pa especular colos terrenos meyores d´Asturies (si, onde agora ta el ocalito).

La verdá, esto de la economía trasnacional ye muy esotérico, pero, ta claro, que calteniendo un pocu el sentiu unitariu, pue negociase perbién pa re-estructurar la deuda, que ye decir, pa reindustrializase un pocu, que mos compren los nuesos productos industriales y que vengan facer turismu. Non hay porqué llevase mal, pero, firmes, y tos a una.

Acuérdome muncho estos díes de los mios collacios los punks alemanes, de les sus manifestaciones ascontra les centrales nucleares enos años 80, de lo bien que lo fixeron y de lo fuerte que ye el partiu verde alemán. El capitalismu non tien mas salida que les atómiques, y, por suerte, esi camín ta piesyau n´Alemania. De otra manera, hay que pensar en una economía d´aforru, y el capitalismu, por definición, enxamás pue aforrar. Pue consumir, pero, aforrar, xamás. Xuntos, ta fecho.

Fixéronlo bien los collacios y collacies alemanes. Pa munchos, d´aquella fue como cruciar una puerta, como seguir al conexu nel so viaxe a través del espeyu cola pastiella roxa y la azul tamién. Munchos la pagaron cara (el capitalismu non perdona), y, quien sabe, igual nosotros decimos "pa lantre" y tenemos tamién consecuencies. Yo quisiera tamién cruciar la puerta los suaños y quedame a vivir allí colos collacios y collacies que, como yo, piensen que na vida hay que ayudase y ser solidariu.

No comments: