Leon, Coto.

Esta Klunkería que escribo hoy, envede pone-i una semeya, voy pedivos que vos la imaxineis. Ye la semeya de persones, homes y muyeres de diferentes edaes, con teléfono movil, desos intelixentes. Estos homes (y muyeres) son persones navarres, o sea, de Navarra, y carlistes, o sea, influyies pol pensamientu d´esti ultra tradicionalista partiu, con independencia de les sus intenciones de votu. Ye casi la semeya de un fechu real, pero tovía me prestaba xugar daqué más pa imaxinar un grupu d´aldeanos (y aldeanes) menonitas-amish del lexanu Ohio.  Con teléfonu intelixente, chateando, eso sí, a escondíes col Whatsapp. Tou s´andará, pero lo cierto ye que nel raigañu lexanu del ideariu Amish ta la llectura de llibros. De llibros imprimios cola imprenta, siendo esti el segundu inventu mas influyente de la historia de la cultura. Por detrás del teléfono intelixente, que ta poniendo pates arriba vezos e ideoloxíes en menos tiempu del que lleva preparar una campaña ellectoral.

Ye tamién esta Klunquería una pequeña terapia pol disgustu que tengo por non habeme inscrito, simbólicamente y nel últimu puestu, pa les eleciones. Ye como tar en Palos de la Frontera y quedase dormíu la mañana que parten les tres carabeles, rumbo a Canarias. ¡una tragedia! ¡daqué nuevo na vida y non salgo na semeya!  [..] Creo que fue l´otru viernes, escuchando la intervención de Milio Leon, cuando me di cuenta quel mensaxe d´una estructura política muncho meyor a to lo conocío taba en buenes manes, circulando a velocidá casi instantánea y poniendose en práctica tan prontu comu ye entendía y considerada en valor. Esta estructura, a falta de otru significante a rellenar, prestaríame llamala "LA PALANCONA", que sedría como un bipartidismu fechu en Xixón, onde ye to grandono (o grandona).

En modu indicativu, veo yo la Palancona como un cambiu de aguya, un cambiu de vies opcional onde la sociedá pue escoyer, sin muchu dramatismu, ente que facer según el momentu en que s´afaye el ciclo económicu, pa tornar ente los enfotos del beneficiu empresarial (lexítimu y necesariu) de los momentos buenos, a actividaes de interés común que si bien non dean plusvalíes inmediates valgan pa dir tirando, quizá pa dir faciendo daqué cosa guapa. Ye decir faciendo empleu públicu, no destruyendolu lo cual ye un sinsentíu que cualquiera puede ver, y si no lo ve pues se fae un esquema.

Seguramente non habrá pasao inadvertío, pa quien lea esto, el puxu centraliegu que se oponía a que La Palancona quedase finxá. Non quedó, al menos, inadvertíu pa Cristina Coto, nueva cara visible de Foro, que nos propón el nuevu significante de "Sucursal", igual que yo propongo el de Palancona, pa dar que pensar en un momentu históricu p´Asturies. Güei.