Saturday, April 04, 2015

Esti non ye un blog n´asturianu






Esti non ye un blog n´asturianu, y enxamás lo quiso ser. Hubo un tiempu en que prestábame pensar que llera l´unicu blog onde l´asturianu se usaba pa falar daqué non fuera la propia esencia l´asturianu, la auténtica identidá asturianista o la epistemoloxía nacionaliega. Esti llera un blog radical, onde na mas se falaba de bicis.

Como fai tiempu l´asturianu ye una llingua como cualquier otra (comu l´occitán, comu el suizu-alemán, casi comu el gallegu) voy romper la norma que me auto-impuse de non falar enxamás de nacionalismos, igual que si fuera una moza independiente que-i dea apuru falar de feminismos.

Ye muy curtio: equí reivindícase el drechu a sacar l´asturianu del ghetto, de non pedir permisu nin subvenciones igual que non se pide permisu nin subvenciones por respirar o por dir a la playa. Los asturianos tienen tol drechu del mundo a decidir la llingua na que falen, incluyíu el drechu a dexar de falar l´asturianu ¡faltaría mas!. Otra cosa ye, profesionalizase na reivindicación de lo impopular, col enfotu de sacar réditu particular: si fai falta, escríbese de manera que non te entienda nin to güela: "yo ye que soy nacionalista profesional, como Xuan Xosé".

Y pa ser nacionalista profesional, que meyor que seguir l´exemplu el 34, ye decir, pactar la revolución colos catalanes y esperar a que mos tarazen pa demostrar l´estoicismu del pueblu asturianu.

Equí, falo n´asturianu, pero, en realidá, escribiría n´alemán o en griego si pensare que n´estos idiomas se pue meyorar lo fecho por Goethe u Homero. Falar de bicis n´asturiano non ye "La Iliada" pero bueno, ye la mio vida y aquí non gasto ni papel.

Pa acabar, facer mención al logo que, como ye norma n´esti blog, robé de la rede fai un momento: el logo del CSOA  LA MADREÑA, asociación muy risible en dellos medios de comunicación, rises que no fueron torga pa que lu eliminaren físicamente, nin pa que determinaos suxetos políticos llocales lo mismo sacaren réditu políticu que pactaren a continuación col que había tirao l´edificiu abaxo. Paradoxes de l´historia: n´estos xuegos de política, anda un tol día nel filu la navaxa, lo malo ye, que el únicu equilibriu que se pue atopar, ye l´equilibriu de Nash.





1 comment:

Anonymous said...

Taba bien escribir asturiano ensin faltes.
Otra manera, ye fácil dar mamporrazos al seutor más débil, precisamente al nacionalismu asturianu.