Chones Antropomórficos

Dende Homero, toes les histories que se cuenten son la misma historia. Y les de enantes, tamién, como pretendo demostrar a continuación.

Ye el antropomorfismu, un recursu muy pocu usau nos comics asturianos y españoles. N´esti últimu casu, el mi personaxe y a la vez autor de referencia ye Vázquez, el de la película, que, pal que no la viera, ye´l morosu que vive nel áticu de 13, Rue del Percebe, cuya ocupación ye sablear a colegas y familiares. Perxonaxe curiosu, esti Vázquez.

Nel casu asturianu, ye Pinín, que de Pinón ye sobrin, y que tampoco ye una historia nueva: sedría como el "Adiós Cordera" de Clarín con humor y finál feliz, gracies al meyor inventu d´Asturies de tos los tiempos. La Madreña.

L´antropomorfismu, como recursu lliterariu, ye neutru. O meyor, ambivalente. Por exemplu, los gochos del Fielato puen tomase pol llau del antropomorfismu no antropocéntricu, lo que vendría a ser una caricatura de aquellos/as a los que yos gusta l´esllaba. Pero muncho mas interesante ye el llau antropocéntricu. Ilustrémoslo con exemplos.

Pel llau menos antropocéntricu del antropomorfismu tendríamos a la Oveya Shaun, que ye, como Rebelion na Granxa d´Orwell en versión utopía oveya xalda (estrénase la selmana que vien).

N´un puntu intermediu taría el coneyu Usagi, un comic que a pesar de l´apariencia manga pertenez al xeneru western como Lucky Luck onde se puen atopar la mayor parte de les histories de Kurosawa y munches mas versiones d´histories de la cultura popular y les leyendes de la tradición xaponesa, ye decir, una de les ayalgues del comic mundial de tos los tiempos... bueno, pa lo que nos interesa, Usagi vien a ser como la metáfora del camín del samurai o Bushido que (nunca podremos tar suficientemente agradecios y agradecies) emprendimos tos y toes les leyendes urbanes asturianes gracies a la enorme visión de futuru que tuvieron los nuestros gobernantes y, no por ello, amigos.

Y, por fin, nel cabu contrariu tenemos el antropomorfismu antropocéntricu, que ye, el mas interesante de tos, y por tanto, dignu d´un análisis filosóficu pormenorizau. El coríu Donald.

Y ye que, siendo l´antropocentrismu anterior al teocentrismu, col enfotu sin dulda alguna de facer, delles sucursales de la deidá correspondiente ensin presencia esplicita nin directa de la misma, ye aquí pertinente señalar, la rellación del tratu de les persones humanes col entornu animal  vexetal y mineral, onde, de un cabu a otru, podemos fender les tendencies del humanu/a recollector-cazador, pasando pol humanu/a que emplega la ciencia y tecnoloxía lo meyor que pue (tamién llamaos biólogos), y, por último, aquellos humanos que proyecten los vezos propios de los humanos y los personaxes de Disney enos animales, plantes y otres fuercies de la naturaleza, buena xente aunque dellos tengan cierta tendencia al maltusianismo.

Y, ye curioso, porque, aunque la gran mayoría de persones conserven la su Fe n´el coríu Donald, y aunque tampoco esté demostrao que el visinau repetitivu del documental de Al Gore dañe el cortex cerebral, y (muy importante) aunque Mahoma, por cuestiones cronolóxiques enxamás llegó a les mismes conclusiones que Nietzsche polo que se consideren apócrifes les referencies porcines no culinaries del Profeta, hay que tener cuidao con lo que se yos dexa ver a los neños pela tele, y, en casu de que, como se aprecia na pirámide que encabeza esti textu de güei, dea la impresión, a xuzgar por el decrecimientu vexetativu 1,5 superior al de la Guerra Civil, que alguien se pasó col Super Cinexín del Tio Gilito, cosa que, pesa a no tener pizca de gracia, ye motivu, me parez a mi, pa non los votar mas, y, enved´eso, votar polos Chones.