Esperanza

El mayor imán de votos conocíu n´España llámase así: Esperanza. Les sus idees como política, no les comparto mayormente, pero cualquier aspirante elegiría otru rival n´una campaña o n´un hipotéticu debate televisivu.

Hoy, si non hay novedá, colaré pa la Corredoria a ver a Ana Taboada, Emilio León y Pablo Iglesias. (A les 5). Al últimu non lu conozco en persona, pero toi seguru que si presta atención a lo que dicen los otros dos, n´unos meses tará preparau pa ser un buen representante de tos los descontentos col desbaraxuste económicu que tienen entamau los señores (y señoras) políticos.

Non pude evitar sentir "esperanza", como si pol fechu de que saquen un conceyal o diputau arriba o abaxo fueren camudar toes les coses n´Asturies el día 25 de mayu. Pero, Esperanza, non se presenta pa alcaldesa Oviedo sinon de Madrid, supongo que pa ver si dexen-i facer el Madrid-Las Vegas o Eurovegas o como se llame, pa ya (de perdios al rio) echar el restu na ruleta.

Lo bueno de los de Podemos ye que, como non son esactamente políticos, de momento polo menos, non faen mítines al usu, en cambiu faen unos encuentros con una dirección artística escepcional y collaborativa pa indica-i a la xente que pa facer una democracia y non delegala en xente que, a fin de cuentes, non ye nin mas ni menos que cualquiera de vosotros, fai falta facer una pila reuniones, campañes y mítines.