Saturday, December 13, 2014

Asturies: del "Chiringuismo" a la "Frikicracia"





¿textu de política? ¡que va! Primero prestábame pedir disculpes a esos pocos llectores que me presten antención, por el estilo que uso. Decir que, en esti mundu donde la información brilla pol su excesu, considero que un blog tien que ser un espaciu de creación. Y faigo lo que puedo, empezando a escribir donde acaben les mis búsquedes, usando un estilo un poco punk, faltes de ortografía incluíes, pa dar sensación de escribir de corrido y partiendo de conceptos originales o símplemente erroneos como base pa la creación: recurso que me parez muy importante. Yo pretendo facer una serie de escritos que tean a mediu camín ente un escritu técnicu y el nivel habitual que se-i ufierta al ciudadanu y a la ciudadana enos medios xenerales. Y protestar un pocu porque esto pa mi ye un hobbie y corresponde-i a otros transmitir les idees mas técniques a la xente, no a los bloggers. Dicho esto voy ponelo una vez mas en práctica, no sin antes anotar un par de coses sobre lo que escribí la pasada semana, como lo del oso Yogi... je je

*1: Si el Oso Yogi y el su compadre Bubu vivíen en Jellystone, que ye como un Yellowstone pero de tebeo, y esti últimu el primer parque declarau Nacional en America, supongo que ta bastante claro que el spot televisivu ye una referencia al conceptu románticu de la naturaleza, a esi tipo de saberes ubicaos ena memoria profunda de la xente a partir del visionau de la TV. Así, pola vía fácil, transmitese una idea del cultu al bosque muy diferente del cultu al roble y al texu que forma parte de la etnografía asturiana. Esto ye importante porque tan transmitiéndose términos cambiaos: ena zona rural, ye un error idealizar el campu. Aquí el campu ye una cosa que hay que tocala coles manes. Pa facer figuraciones de tipu románticu, tenemos los Picos y Cuadonga (pero no mos adelantemos, de Cuadonga falamos mas p´abaxu del textu esti).

*2: Taramundi. La autora que me abrió los güeyos llámase Matilde Córdova Azcárate, y tien un trabayu preciosu n´un llibru onde se xunten tres estudios sobre l´Occidente Astur. Pa saber mas... en toes les biblioteques asturianes.

*3: Les fragües y mazos de Oscos y Taramundi: ¡non lleren artesanía sinon, técnicamente, "pre-industriales"!. En tiempu, les necesidaes de carbón vexetal pa facer fierru y aceru lleren muncho mayores que les de mineral de fierru. Pa Oscos y Taramundi transportabase el fierru en barcu. El tipu de organizacion social de la época, debe tar estudiao en daquellau, pero inda non lo topé y de xuru ye interesante y muy importante transmitilo pa que se vea como se puen facer coses bastante complexes incluso con tecnoloxía básica, ¡como pa no poder ahora! Así que, reducir la industria del fierru a "cuchillería" yo creo que se fai con una intención determinada.

Y *4: Permacultura: lo importante a saber de la permacultura ye que ye una filosofía de collaboración, de saber aprovechar lo bueno de toles plantes y animales, por tanto practicar permacultura ye una manera de acercase a filosofíes de tolerancia y collaboración, en tolos órdenes.

Ok, con esti prólogo que muy bien vos podíeis haber saltao, vamos contar alguna historieta sobre comunidaes alternatives, que, esta vez, no son el mi modelu sino el modelu de otros.

Por ejemplu, ya que va de fragües la cosa, ye muy interesante estudiar la industria férrea en cada pais: en cada uno fue diferente, y uno donde fue muy importante y muy interesante fue en Francia, estudios que, por lo que veo, no están en xeneral traducios a otros idiomas que no sea el francés. Hay muchísimes pa visitar, casi cada una cuenta con un museo y allí se explica en detalle la vida en les sociedaes que se construien alredeor de la empresa, con diferentes variantes de paternalismo. Yo visité una que se llama Forge de Baudín, donde el patrón montó una sociedá autárquica muy original, con unos 400 empleaos y hasta dineru propiu. Normalmente no dejo enlaces externos, pero esta vez si porque me costó mucho encontrar esti.

http://www.certiferme.com/blog/article-983-70342-perso-les-forges-de-baudin-jura.html

Y pa seguir col mi "crazy" enllace de idees, facer mención del paternalismu industrial enes cuenques mineres, con esa estructura xerárquica que, al igual que´l Oso Yogi, permanez ena memoria profunda de los ideologos d´esta Asturies que vivimos, sin ánimu de descalificar, ni mucho menos, sino de comprender. Con riesgu d´enllazar idees de manera falsa, atreveíame a señalar la Güelga de la mina La Camocha en 1957, en particular, y al sindicalismu en la clandestinidá, como referencia pa esti réximen paternalista que, digo yo, habrá que actualizar: la dependencia de les subvenciones, como elementu que distorsiona, casi podiemos decir que anula, la libre competencia, pa les iniciatives privaes, y el chiringuitismu, pa les públiques. Siento que esto ye un poco de bla-bla-bla, pero así, una proyección de lo que fue la estructura de mandu del sindicalismu en el franquismu, lo veo y razono esta cultura protestona y güelguera, y faigo un llamamientu a dexar atrás l´infantilismu social, y adaptar los tiempos a la repúblic... ah, no, que esa ye otra ¡que no tamos n´una república! ¡cagonrosss!

Pola su parte, la Friquicracia sería un movimientu que actualizaría aquello que se llamó la Tecnocracia, a los nuevos tiempos, d´esta xeneración mia que non t´avezada, que non se siente obligada a la "llucha" ni vemos contra que debemos lluchar, una especie fatalismu del que entono el "mea culpa", si hay llugar, pero que, por otru llau, allégrome de haber optao por formes de protesta y resistencia diferentes al güelguismu, el 15-EMEismu y por supuestu a formes violentes de boicot. Ena memoria profunda de la mi xeneración tan otru tipo de personaxes que tienen daqué mas que ven cola "bola de cristal": los Electroduendes.

Y ya, pa terminar esti escritu de manera gloriosa, voy despotricar un poco, sin lóxica apartente, contra los Premios Principiegos, el teatru de los teatros n´Asturies, pa decir que non me presta nada nada la obra que se representa, y que mos ta causando por un llau una pérdida de identidá per-grave, porque mos fai sentir como un "apéndice", y, lo peor de todo, que de la manera que se representa la obra, escenifícase lo que yo llamo "EL PROBLEMA", que ye, esta vez si, lo que hay ena memoria profunda de la otra parte, de la derecha, el cercu Uvieu y el anticlericalismu, y así, ente una izquierda protestona y güelguera y una derechona un pocu alloriada, ye comu veo yo la explicación a los disparates megalómanos que observamos y observaremos por eres, una confrontación ena que la xeneración de los Electroduendes non tien nada que ver y que ta causando una dualidá asturiana de la que no me da la gana de facer tabú. Una dualidá ena que la gran mayoría de la población asume como vergonzante los símbolos espirituales mientres que una minoría usa esos símbolos comu vinagre ena ferida, creando ente tos una sociedá de falsu, falsísimu laicismu onde lo mismo mos vien un alcalde l´Opus que escaicemos Cuadonga y decimos "Los Lagos". En fin, un cuadru apocalípticu el que acabo pintar, tou ello pa decir que, n´Asturies non hay mas problema que los que queramos tener, que ta casi tou fechu, hay un nivel cultural y profesional envidiable, hay que char esto andar.

No comments: