Hoy vamos falar un pocu de Asturies y la permacultura ¿quien non oyó falar del "Campesín Rebelde" (The Agro Rebel)? Hay asgaya información, el video, fueyes güeb... per interesante tou. Aquí voy dexar la mi visión subjetiva pa tratar de comprender como ye posible que algo tan auténtico y tan nuestro, que hasta ye posible que pa entendelo mos baste a la mayoría con salir a dar un paseo y mirar (con otros güeyos) pa alredeor, haiga acabao nel saber popular por ser "esos que tiren la semilla na güerta pa ver si sal o no".
Permacultura surdió como un términu comercial pa tratar de dar una evolución al términu "biológicu-ecológicu" ¿por qué? Teoría Klunker: agricultura ecológica terminó siendo un listao de instrucciones a chequear a cambiu del drechu a poner el sellu correspondiente nel envase y con ello ocupar puestu na estantería mas cara del supermercao, la que mas mola. Muy mercadotécnico too. Dicho aquí suena raro, pero n´Europa el porcentaxe de productos bio ye muy altu, los precios casi pareyos y no tan exclusivo, polo cual pue vese la permacultura como la nueva oleada fashion de productos "bio" ¿seguro? Va ser que no ;). Aunque Sepp Holtzer ye austriacu, voy facer aquí un incisu sobre el calter de los germano-falantes. Un alemán, cuando compra una tele ¡llee les instrucciones! ¡Ye increible! (enxamás se me ocurrió lleer unes instrucciones de na ¿pa que?). Alemania, y mas, la mi zona, ye zona de güertes antroposófiques, de preparaos biodinámicos enterraos en un cuernu de vaca pa favorecer la fertilizacion ena primavera.
Ena Permacultura, non hay llibru de instrucciones y, peor tovía, non hay sellu nin certificación. La mercadotécnia cola permacultura vien por el llau de les xornaes, cursillos y cursos, pero la cosa quedó ahí bloqueada ena parte el márquetin, n´aquel llibru Fukuoka y el su granu paya. Hasta que atoparon a Sepp Holtzer. Y ¿que ye Sepp Holtzer? Pues un paisano. Eso sí, uno con munchu caracter: The Agro Rebel, el campesín rebelde. Y ye que, pa esplicar a un asturianu onde ta el puntu onde la ciencia atopa la espiritualidá y el tar contentu, solo hay que recordar que...
"Dios y el cuchu pueden munchu, sobre too'l cuchu".
La próxima vez que alguien vos diga que la permacultura ye tirar una semiella a la guerta y marchar, bien podeis decir que aquí n´Aturies permacultura ye lo de to la vida, y que los paisanos y paisanes que saben xuncir una pareya o cabruñar una guadaña, tienen un tesoru, y que ye aquí onde hay que xenerar una sinergia entel mundu el campu y el turismu.
No comments:
Post a Comment