Mamá, papá, tengo algo que contaivos: veréis, soy... ¡biker! Si, si, fae tantu tiempu que abandoné les carreres que la xente m´entruga, pero asina ye la realidá, un Mountain Biker un poco mas "mountain" que "biker". Seguramente, si estuviera aquí, Sigmund Freud tuviera algo que decir, pero ¡no ye grave!. No solo no ye grave sino que ye perguapo, el meyor deporte enxamás inventau.
Facer Montanbai no solo ye bueno por aquello de facer exerciciu, ye tamién per-interesante pa la tiesta, pa caltener altos los niveles dopamínicos y el sentiu de la orientación espacio-temporal. Eso si, ye bastante puerco, en comparación a la bici de carreres.
Non se pue separar el montanbai como deporte del su desendolcu como productu de consumu. Tantu ye asina que, na industria bicicletera del vieyu continente, foi necesario primero entender ya darreu entamar departamentos de desendolcu de productos: falamos de una época cuando la obsolescencia d´una bici tenía mas que ver col ferruñu que cola mercadotecnia.
El tiempu foi pasando y, entre tires y afloxes ente les leyes del mercau, les de la Union Ciclista Internacional, y les de la naturaleza, pedalada a pedalada, llegamos al puntu de partida, que pa eso falamos de un deporte cíclicu. Maravillosu futuru que non se escirbe col teclao del ordenador, sino ahí fuera. ¿me segúis?
No comments:
Post a Comment