Arrudos: dellos inventos, daqué aventura

17 Mayo, 2004
Arrudos: dellos inventos, daqué aventura.
El sábadu saliome la oportunidá de facer la ruta po la que taba naguando cuantayá. Panriba llavabenme hata la aldea de la Infiesta. Por ciertu, non me alcordaba de lo malo que ye el camín pa subir pa la Infiesta. Si vais facer la ruta, ye meyor dir pa la Felguerina y facer un par de kilombetros en bici hasta la Infiesta, que ta enfrente y non ye feu nin pesau el camín. Además, así faceis más parte de un camín que dicen que ye de la época Romana, que va hasta S. Isidro pol pol Collau les Aguyes y el valle de Wanba.
El plan yera baxar po los Arrudos con la bici de descensos un poco tranformá. Pa ello púsei dos platos, (de 22 y 32). Pa poner el desviador, non fai falta ponei tope al cable, que pue quedar colgado pol extremu del desviador, y asina funciona muy suave. Tamien hay que ponei una tija sillín llarga. Como la mía taba cortá pa descensu, lo que fice ye cortai un cachu y metei una que casualmente tenía per ehí, más delgá, y pegala con resina epoxi. Pa ganar tiempu púsela nel fogón hasta unos 90ºC, un par de vegaes y en 10 minutos taba pegada. Una cosa, hay que cortala muy bien de llargo porque estes bicis tienen na mas que 7 cm de marxen pa subila-baxala. Yo cortela muy llarga y llueu non la pudi baxar na mas que 1 cm.Otru inventu que se me ocurrió fue llevar una cuerdina pa comprimir la forcá, ya que llevé la JR T de descensu (17 cm de recorriu).Llegamos a la Infiesta a les 5 de la tarde, o sella, con solo una hora y picu de marxen pa que non me oscureciera. Na mas llegar tuvimos charrando un pocu con un paisanu que nos desanimó “un pocu”:-pa onde dices que vas ho. Non pues pasar, hay muncha ñeve, non te tien. ¿Baxar po los Arrudos en bici? Non lu espereis, meyor mañana temprano mandais buscalu per les foces.Otra paisana tampoco mos auguraba éxitu:-Que vas pa los Arrudos ¿hoy?. Non te va dar tiempu.Asina y to tiré pa ya. Les primeres cuestes enriba la bici, que con to lo que pesaba la ruea lante non se levantaba. Lleren les rampes mas dures y subiles en bici.Un poco más pa riba ya la tuvi que emburriala burrina, mas que na pol miu lamentable estau de forma.Al llegar al primer collau, una hora dempués, había ñebe. Taba medio líquida pero pa enfriar los pies yera de sobra. Pensé que había que dar la vuelta pues Llagu Ubales ta bastante más pa riba. Sin embargo un ratu dempues mejoró y ya se podía rodar.Otra hora dempues ya había pasao, con la bici a llombu, el neveru que da al collau Ubales, y taba mandando un mensaxe col mobil, que non llegó por falta cobertura. Taba to ñebao, con vistes pa munches montañes: el Cantu l´Osu, la Peña l´Vientu , al mi llau la llomba el Cascallón, completamente ñebá... Taba a unos 1700 metros de altura, lleren las 7 de la tarde y enfrente mi tenía una baxá que diba llebame, pintando bien una hora.Entamé de dir baxando: tras un iniciu lentu, enllenu ñebe, empezába la diversión, tragando piedres cada vez mas grandes. Asina fui baxando por un senderu casi tou ciclable, pasando arrollos, piornales y mallaos, diba prestándome, pero más pa bajo ya sabía yo que igual non me prestaba tantu.Yera la tercera vegá que pasaba per ellí, y aun asína les pintaes del PR non fueron suficientes, que tuvi que dir fijándome enos “jitos” que pon la xente montañero. Ye fácil perdese.Pasaben los kilómetros por los senderos: cuando pa baxo, cuando en llano, cruzando per un fayeu perguapu. Diba jadiando, yera prestoso dir depriesa per ellí.Sin dame cuenta, ya taba nos escalones.Molestabame el sillín tan altu, pero non tenía pensao baxame de la bici asina que tiré pa lante.El camín tien unes curves tan cerraes que la forcá facia tope con el cuadru. Estes forcaes de dos pletines non son na afayadices pa andar pel monte, molesten pa subir y pa baxar. Sobra recorriu y faltayos precisión. En una de les curves tuvi que dey vuelta a la bici a mano.Al llegar a los escalones definitivos taba agotau. En una trialera cuesta arriba fallaronme les fuerzes y non pudi subila, estrapayándome pa un llau pero sin consecuencies. Llera xusto el tramu final, en plenes foces. Una malla metálica toa oxidá, de mediu metro de alto, separa el senderu del fondo la foz, onde l´agua facía un ruiu con muy mala pinta. Miro pa lante: les vetes de piedra que formen los escalones fundense en la dirección del escalón superior, de mediu metro ca un. Non paecen escalones, paecen más el dentau de un tronzón.
Si te fijes bien , vense los restos de los Arrudos, unes tables de Acebu que servien a los pastores pa subir, y que-i dan el su nome a les foces. Pregúntome per ondi subíen les vaques.
Total, que eché la bici al llombu y baxela los 20 metros que faltaben. Ya había tao bien.
Solo me faltaben unos kilómetros prestosos pa tar, 3 hores y 10 minutos dempues de empezar, en Caliao.
Munches gracies a los que llegareis hasta equí. Sobre to a los que non entendáis muy bien el mi asturianu, que de xuru que non ye el más correutu.
Sin vais facer la ruta y non entendísteis daqué, non teneis más que entrugalo equí o na fueya piedreybarro.com