Cúntame como pasó, ho (2)

AÑOS 1989 Y 1990
Nel ´89 usábemos les bicis tantu pa dir pa clase, comu pa facer cicloturismu con los coyacios con bicis de carretera (pa la playa, pa Cuadonga, pal Naranco…), comu pa entrenar la técnica: to valía.
¿competiciones? Aunque el primer campeonatu de España lu ficieren en Majadahonda (Madrid) nel ´88, y el segundu en Ponferrada, al añu siguiente, llera imposible que mos enteráramos, ya que entovía non había revistes. Equí les referencies seguíen siendo aquel rally Cactus (ya nomau nel capítulu 1) , que nel ´89 andaba ya pola 6ª edición, y que llegó a salir pol telediariu. Aquella aventura, que tenía muncho que ver col rally Paris Dakar de motos (navegación, dormiendo en tiendes etc) llegó a tener ediciones de 400 Km en cuatro etapes, aunque de esto será meyor dexar falar a la xente de Madrid (queda pendiente).
Lo que tábemos esperando ye que el montain se desarrollara, que llegaren les competiciones o po lo menos tener la posibilidá de dir a una. Lo de dir al Kactus fue un suañu que quedó en sin cumplir.Pero de lo que nadie se podía imaxinar nel añu ´89 ye que la montanbai se convirtiere en una moda, comu el “Acid Jaus” o los “Jula-Jos”. De eso yo non llera consciente y cuando me dixeron que n´Uvieu taba enlleno pijos en montanbai casi me da mal, ya per entonces tenía yo la vena “anti-modes” bastante desarrollada. Creo que tovía agora, nel 2005, tamos pagando un poco el preciu de haber tao de moda desde esa perspectiva tan consumista, ye decir, haber sío daqué comu el “Código Da Vinci” de los deportes, un subidón brutal siguíu de una resaca llarga y la reconversion como consecuencia.
En cuantu a comu se desarrollaben les carreres, non tengo muncha información de les del añu ´88 ni ´89, pero sí del campeonatu de España del ´90, en Munguía (Euskadi), onde hubo tres pruebes: descensu, circuito y rally en linea (40 Km.).
Si tenéis interés, pongo debaxu el palmarés de los primeros años (que debe tar per ehi n´interné tamién).
Si que tenemos noticies, sobraes, de los primeros campenonatos del mundu, los dixebraos de la UCI, anteriores al ´90, y a partir de ehí, del primeru de Purgatory (Colorado) y del segundu en Il Ciocco (Italia).Pa entonces, los americanos habíen decidío que los campeonatos del mundu sedría posible cubrilos po la tele, pa lo que llera necesario que fueren en circuitu.
Esti añu ´90 ye nel que empecipia a haber munches carreres, incluso el primer campeonatu d´Asturies, (del que non me enteré hasta bastantes años dempués), creo que entamau por Manzanillo na Morgal (Llanera) y creo que lu ganó Chechu Rubiera, que llera junior esi añu. Tampocu se debió enterar muncha xente. La mi primer carrera sedría un añu dempués, nel cristo l´agua (Lieres), en setiembre del ´91, circuitu al que había que dai 4 vueltes.
Recuedu perfectamente el desconciertu (y tamién la desilusión), que mos causába el saber que diben a facer les carreres en circuitu, ya que paicíamos que pa eso non facía falta inventar nada: ya taba el ciclo-cross.
Una cosa que diba resultar crucial nel discurrir de los fechos, ye que n´Europa acetamos que el montain se desarrollare dientro de les estrutures del ciclismu comu una especialidá mas, de manera que nunca llegó a formase una estrutura comu la NORBA Europea (hasta el momentu). En concretu, la federación española debió dase por enterada de que había montanbai nel ´91, fecha de la primera selección Española, pa los mundiales de Il Ciocco.Entonces, el que les federaciones de ciclismu acetaren el montanbai, paicionos a tos una buena noticia. Prubinos.
Paralelamente a la actividá competitiva, los montañeros tamién taben dafechu llanzaos a la aventura bicicletera: la vuelta al mundo de Juanjo Alonso (del 89 al 91) o les aventures de Juan Carlos Nájera son buen exémplu. A nivel asturianu, la travesía integral a la cordillera cantábrica (Pablo Bueno y Victor Guerra, entre otros), cola organización, en septiembre de 1990, de la primera colectiva en la cordillera cantábrica, que, tomando como nome la actividád anterior realizada por aquellos pioneros, llamose I Tavesía a la Cordillera Cantábrica, contando cola organización del G.M. Torreblanca. El llugar onde se realizó la colectiva fue S. Isidro-Vegarada. Non pude dir nesa ocasión, por motivos de edá, mas que nada, pero de les maravilles que me volvieron cuntando algunos collacios que facíen escalada y montaña, non dexé la oportunidá de dir al añu siguiente a la II travesía, lo que supuso pa mi la primera experiencia de alta montaña cola bici.
Ye decir, en solo dos años, del ´88 al ´90 ya teníamos n´Asturies desarrollao casi completamente les dos visiones de la montain-bike, la ciclo-montañera y la competitiva: una que había salío al cayer la montain bike en manes de los corredores de carretera y ciclo-cross y la otra al llegar a los grupos de montaña.
A los que non tábemos tovía definios, mas que nada pola edá, presentósemos la disyuntiva de siguir faciendo actividá montañera o centramos na competición, pues pronto mos dimos cuenta de que lleren coses que quitaben un poco una de la otra.
Polo que toca la información, la revista “Bicisport” enpecipió a salir na primavera del ´89, al par de les bicis americanes y los cambios Shimano llegaben a Asturies. Esta revista, del grupu MPIB (Luike, por entonces) heredó munchos esquemes de la revista “motociclismo”, además de al su meyor fotógrafo, Emilio Jimenez.
Siempre se destacó por una llínea de la su editorial (Chico Pérez) muy “popular”, sin metese en asuntos polémicos. Tamién por ser descará favoretible al consumu de material ciclista.
Los primeros números lleren casi solo de carretera, pero (ventes mandaben), ya nel su primer añu de andar per ehí la montain pasó al primer planu, con riesgu de marxinar a les “flaques”. De esti modu, tuvieron que fichar dos redatores que supieren de montanbai y atoparon a Julio Vicioso y Miguel Lorenzo.
Esta revista, xunto a la “BTT” (que creo que llera de la editorial vasca “Dorleta”) sedría la que marcare un poco les tendencies estos dos años ´89 y ´90.
(Una nota de lo que pasó dempués coles revistes, cosa que taba pendiente dende fai tiempu:
Nel añu ´91 saldría la revista de la editorial “Alesport”, el Solo-Bici. Un añu mas tarde, el nº1 de la revista bike como dixebra de la anterior “ciclosport”, que sin embargu siguiría falando de montanbai varios años mas (a veces, repitiendo pruebes). Los redactores lleren Miguel Lorenzo, Julio Vicioso y Juan Manuel Montero. Curiosa carauterística llera la doble editorial: una firmada pol xefazu de la revista de carretera y otra firmada por “bike”escrita polos redatores.
Prauticamente a la vez de la primera “Bike”, formose l´equipu “Coronas”, el G.P. del mismu nome y la empresa que xestionó ambes: Last Lap, y que dio orixe a la meyor serie de actividaes competitives y al mas veteranu equipu de las curtia hestoria del montain nesti pais. Y que sea pa siguir.
Precisamente, el orixe de esta revista, así como el de la revista “Solo Bici”, paralelamente desde el grupo catalán de “Solo Moto” (Alesport), sedría lo que daría al mountain que conocemos el su aspeutu comercial, en el sentíu del cultu a les novedaes técniques. Un pocu al marxen quedaríen, durante años, les carreres tipu aventura, la filosofía Biker de la época de les Clunkers (mas bien poco comercial), y tamién la visión montañera de la actividá.)
La evolución téunica:
Habíemos dexáolo en que la mayor parte los que mercamos montanbai nel ´88 en Asturies pillamos la Bh force 12, que llera una bici de unes 45.000 pts lanzá en plan masivu, pal que non les conociera, tenía estos componentes:
-Llantes Weinnmann, bujes Bh de tueca, cambios Sachs, pedales de plataforma y dirección Bh, cuadru y forcá de fierro soldau a tope con forcá unicrown y manillar doble altor con potencia pa riba, casi vertical.El cuadru medía mas o menos 54x54 con ángulos muy suaves y trasera de 44cm, pa una longitú total de 107 cm o así. Notable (y peligrosa) tendencia al subviraje y muy apropiá para caballitos, invertidos y trialeres en subia. Pesaba sobre 14,5 kg.
Pues bien, si esta bici taba en les tiendes durante el añu ´88, nel añu ´89 sorprendíenmos en les meyores tiendes d´Uvieu (Fuente) con bicis americanes como la Scott y la MsRacing, y, lo mas sorprendente, una nueva marca de componentes y cambios: Shimano, nada menos que con la gama “Deore” (que luego pasó a llamarse “Deore Dx” sin cambiar na mas que el nome), y con un peso de algu mas de 12 kg.
Ye decir, aquella primera remesa malpenes la habíemos estrenao y ya había quedao desfasada por otres bicis colos manillares planos y baxos, que dicíen que lleren mas “racing” ¿de onde había guañao esti cambiu? Lo que había pasao ye que, al andar nosotros con un pocu retrasu, la 2ª remesa de montain bikes había llegao casi a la vez que la primera. Analicemos de onde salieron estes bicis.
Como ellos mismos cuenten, los fabricantes norteamiericanos pegáronse varios viaxes a la vieya Europa y a Xapón a principios de los ´80 a la gueta los materiales afayadizos pa la producción en serie de les bicis.Ritchey tiró mas pa Europa y Sinyard, de Specialiced, tiró mas pa Xapón. Al par, taba cociéndose tol tinglau de les carreres profesionales de fondo n´América (como ya diximos, les primeres carreres fueron en descensu).
Esta segunda remesa de bicicletes, como decimos, el tipu “racing”, tenía el manillar baxu, la longitud total y parte tras mas curtia y ángulos mas cerraos. En realidá, lo que habíen fecho ye copiar gran parte de la xeometría de les bicis de ciclo-cross, ya que supongo que a un americanu non i pasaría desapercibiu la velocidá a la que circulaben xente como Liboton y compañía en les carreres de ciclo-cross de Centroeuropa.
¿quereis exemplos?. Pues hay un modelu de Alan, que non fuen muy vendíu pero que lu podeis ver na tienda que tien esta fueya ehí arriba, a la derecha, que ye prauticamente un modelu de cliclo-cross con rueda de 26 y manillar planu, (y que me encataría probar, a ver que tal va). Pero la mas conocía ye, sin dulda, el modelu P-24 de Ritchey, campeón del mundo con el danés Djernis (92, 93 y 94…), con la su réplica de cross de manillar planu, subcampeona del mundu con Thomas Frischktnecht: dos bicis prauticamente idéntiques.
De toes maneres, les bicis americanes de competición dende´l principiu buscaron diferenciase de les bicis de cross (Ritchey aparte), mediante les forcaes rectes, tubos inclinaos y gordos, y tubos supreriores mas llargos.
Además estes bicis ya teníen unos componentes muncho meyores, además que los precios lleren muy baxos (un cambiu Xt, de mucha meyor calidá que cualquier Campagnolo de la época, costaba 5.000 pts, menos de la mitá que el “Campa”.)Que dicir de la calidá de aquelles series de Shimano del ´89…coles palanques “Top Mount” de 7x3 velocidaes sincronizaes, de funcionamientu impecable con camises y cable de la propia marca, cambios eternos (algún Xt de la época sigue per ehí…), bujes y dirección muy estancos (non asína los ejes de pedalier, que yos entraba l´agua). En definitiva, unes bicis que tovía hoy podíen tar pa facer coses en competición, incluso a altu nivel si les alixeráramos.
El aparecer estes bicis que rodaben igual de bien que una de ciclo cross, baxaben bastante bien pero yeren muy males pa trialear y pa pegar saltos y caballitos o invertíos, fixo que gran parte de los ciclistes d´aquella época tornaremos a facer mas fondu y menos el pijo, que ye con lo que habíemos empecipiao.
Prauticamente ye cola llegada de les suspensiones cuandu los mundos del cross y el mountain se separen definitivamente, esto ye, nel añu ´90 ¿que vos parez, en dos años, los cambios? Esta tercera remesa ya llegó a la vez equí que al restu del mundu, pues en solo dos años pasamos de non esistir a ponemos al par del restu el mundu (por exémplu, la Alpinestars lanzose a la vez equí que n´américa, igual que la forcá “Rock Sokxs” y los pedales automáticos, to ello del ´90).
Falando de bicis polivalentes, la antigua xeometría con potencies curties, quedó nel olvidu durante dalgunos años, fasta que Ficher saco la su geometría GENESIS (¿Cómo atoparía esti nome?), que demostró que, aparte de recuperar la su capacidá bajadora, llera además capaz de dir muy rápido en competición, como demostró PAOLA PEZZO ganando la prueba de les olimpiaes de Sidney, con esta geometría y además con amortiguación (muy cúrtia) na parte tras.
Por ciertu, ¿Qué opinais de sean les bicis que agora mismo mas se venden les derivaes de les de dual, o sea, bicis mas bajadores que escaladores?.
Bueno, pues esto ye to lo que tenía que falar de lo que aconteció polos años del ´87 al ´90 n´asturies.
Creo que a partir del ´91 hay per ehí dalgún resumen fechu de clasificaciones, fotos etc, que esperemos que dalgún día seya asoleyau, así como queda pentiente un comentariu sobre dalgún de l@s corredor@s "míticos", como Ramos, el Cárcaba, Prado o Cristina Roza etc... lo que sedría el "Llar de la Fame" del montain Asturianu.
Un saludu pa tos.