estrapayé el gochín y non me llega pa la X- BIKE

22 Octubre, 2004
Hola, un saludu pa tos ya pa toes (en especial pal SUPERHEVIENSE, que debe ser el home del “sidrón” d´hevia):
Aunque esti añu peme que el que non tenga una RIDLEY full carbon van llamalu de to menos elegante, la tradición ye apaicer en les carreres de ciclo cross con cualquier chisme rodante que se pueda iguar.
Algunes maneres de iguase una bici de X son afayadices y otren peligroses, porque puen romper:
En el primer grupu:
-bici de montanbai mas o menos transformada. Lo primero, quitar la forcá de suspensión, luego poner ruedes de 700 (comprobar que entren con holgura pal barru) y llueu, si procede, poner manillar curvu. Pa poner los frenos, lo mas simple ye poner unos cantilever con dos furacos (por exemplu sh xt). La zapata diría pa el furacu de arriba. También valen los ONZA o unos especiales pa el casu. Si poneis discos, pues non fai falta na, pero el manillar curvu ye problemáticu, por culpa de les manetes, que non valen pa los discos.Pa poner un manillar curvu, fai falta poner un avance de unos 6 o 7 cm menos que con el manillar planu. Por otru llau, hay que escoger cuadros que se puedan echar al llombu.
Nota: el añu pasau, a escontra lo que pon el bike, pedíase manillar curvu pal campeonatu de España, pero valía con rueda de 26”)-bici de carretera: Con una bici antigua, onde cojan bien les cubiertes de cross, na más que hay que pone-i desarrollos un poco grandes y, si acasu, soldai los pivotes pal cantilever. Muy recomentabel pone-i una forcá de híbrida, porque la de carretera pue romper. Por algún motivu, estes bicis no suelen dar tan buen resultau como les anteriores.
-transformar una bici híbrida: lo único que fadría falta ye pone-i un manillar curvu. Lo que pasa ye que estes bicis non suelen dar buen resultau por culpa de que son muy llargues y suelen ser pesaes. Aunque parezca mentira, van más rápido los cuadros de mtb transformaos ¿?.
Soluciones peligroses:
-forcaes de carretera: cuidadín, porque puen partir.
-forcaes de rosca transformaes a ahead: hay que poner un canutu de refuerzu, porque sino rompe al estar debilitao el tubu po la rosca.
-trasformacioes de 1” a 1 ¼” y viceversa: con los casquillos y demás inventos hay que saber lo que se fai, porque se pueden crear tensiones localizaes que son muy peligroses. En una ocasión, usé un cachu manillar de montaña y una cuña pa unir una forcá 1 ¼ “a una potencia 1” (y no rompió). N´otra ocasión, con unes botelles de JUDY, fize unos casquillos pa poner una forcá de 1” en un cuadru de 1 ¼” (y tampoco rompió).
-frenos que non frenen nada: la solución que solemos usar ye la tela asfáltica de los del trial bici.
- pero el recor, pa mi, yera el chisme que tenía sobre el 97, un chisme bh de carretera con manetes de cambui al cuadru, forcá de force 12 y, lo peor, una potencia “ad hoc” con el canutu de solo 2 cm rebajao a paique, que non se como aguantaba baxando po la tenderina (de milagru). La llanta de atrás taba desdoblada poniéndome de pies encima della, los frenos de pinza amarraos con cuarda fardu naranja (el de atras vueltu del revés, detalle “pro”)...en fin, como agora.
En resumen, Animaivos, equí val to. Y pa finar una adivinanza:
¿en que dos sonaes y polémiques ocasiones se yos negó a ciclistas asturianos participar en un ciclo-x por non tener bicis afayacices?
Ayuda: una vegada fue en la temporada 93-94, en la Tenderina, y la otra en la 2001-2002, en el cto. de Asturies de Llanera.