Sofites “ergoxéniques”

17 Febrero, 2005
Ye un tema controvertíu esti de les ayudes ergoxéniques, así que valdrá mas cerrar el tema los llibros y abrir unu nuevu:
Tuvi estos díes pensando en facer un llabor ehí de documentación, pa poner un comentariu desos llargos. Non lo voi facer, na mas que esto que equí abaxu va, que ye to de memoria y sin preocupame de si me equivoco una, dos o mas veces.
Apuntar que hay buenísimos trabayos asoleyaos ( Dr. X.Leibar+ Dr.N. Terrados) sobre el tema.
Lo que equí va ye na mas que el mi planteamientu sobre el tema.
1.-Deportistes ocasionales.
El deportista ocasional non fai mas de una hora de media de deporte al día. 7 hores semanales, 30 mensuales... Con esta carga de trabayu ta claro que la alimentación apenes tendría que tar modificada.El deporte entiéndolu como una búsqueda de la mejora, po lo tanto, pa meyorar nel tema la alimentación lo primero sedría comparar la nuestra dieta con una que consideremos la ideal e ir puliendo errores:Ej:-excesu de azúcares, nada de azúcar, excesu proteínes, excesu de grases saturaes, poca fruta etc.Dependiendo del nivel de actividá que tengamos previu a empezar con el deporte en cuestión, habrá que ajustar el aporte enerxéticu: si tamos avezaos a folgar, habrá que aportar algo mas de enerxía. Si tamos avezaos a trabayar muncho, igual non fai falta cambiar el aporte de caloríes.
Tener una dieta poco equilibrada y tratar de meyorala a base de mercar productos “dietéticos” sin ton ni son non ye el camín. Pa recurrir a un determinau productu “dietéticu” mercau en “parafarmacies” tendrá que ser analizando la necesidá concreta (por exemplu, una atrofia muscular, articulaciones problemátiques etc.) El médicu de cabecera va aconseyavos de buena gana en esti sentíu.
Por ciertu, si vos salís de les marques mas habituales, tamién vos aconseyo que i pregunteis al vuestru médicu, porque, sobre todo en productos vendíos en gimnasios, hay marques que non tienen nin siquiera el registru sanitariu, po lo que no ofrecen denguna garantía.
Fueron sonaos los casos de resultaos analíticos positivos causaos (y demostraos) por productos “diéteticos” que veníen de EEUU, onde la legislación ta muncho mas atrasada en esti tema. Aunque nunca vos vaigan a facer un control, supongo que vos gustará saber qué ye lo que tomais en realidá.
2.-Deportistes aficionaos:
Facemos entre 1 y dos hores de media al día (8 a 15 hores semana...). Normalmente, la dieta normal va ser suficiente, agora bien, en determinaos momentos de la temporada, la nuesa afición llevamos a contraer oxetivos de nivel un poco subíu: por exemplu, ver que podemos quedar campeones de Asturias, ir de lider de un campeonatu etc.Si la carga de trabayu empieza a ser seria, en unes condiciones de alimentación que, por causes laborales o lo que sea, igual nos entren duldes, y la inversión en tiempu y esfuerciu merez la pena, entós, puestu que no tenemos médicu que mos diga cuala va a ser la sustancia que pue tar faltándomos, la decisión coreuta ye mercar un complexu vitamínicu-mineral, que trae prauticamente de to. Ya dije, eso ye pa una vez o dos a añu, con cargues de trabayu de po lo menos 15 hores semanales.
De estes sustancies, les que haigamos tomau en excesu, serán eliminaes salvo que tengamos algún problema previu y mos atengamos a lo que pon el prospectu como muncho ( suelen ser 30 pastilles pa tomales en 15 díes, pero se pue tomar la mitá). Ya sabeis que en la publicidá de estes MEDICINES, pon que son pa estudiantes, trabayadores, ames de casa etc, lo que da idea de lo poco peligroso que son. Nunca noté que valieren pa na, por otru llau.
¿otros complementos? Veamos: los llamaos productos “dietéticos” (Soria Natural, Santivieri...) tienen el inconveniente de que ye imposible que cuantifiquen concretamente cuanta vitamina “x” o mineral “y” contien el productu “z”. Por otru llau, si teneis intención de mejorar la vuestra alimentación a base de ingerir les menos sustancies artificiales posibles, decir que el 99% de les mismes irán en los alimentos normales (aditivos), así que por ehí deberíen de dir los vuestros esfuercios.
Bebides y comides pa consumir durante el entrenamientu y/o la competición:Creo que la mayoría de la xente recurre a estos productos en excesu: enantes de plantease usar habitualmente, por exemplu, “isostar” en los entrenamientos, deberíeis aprender a beber la contidad adecuada d´agua en los entrenamientos.Particularmente, tengo comprobao que tener el agua disponible sin esfuerciu y sin parar (camelback) ayuda a beber la contidá d´agua necesaria. Además, aprender a entrenar solo con agua faemos aprender a diferenciar la sensación que da la deshidratación de la fame, que a veces confúndese.
A naide se-i ocurre dir a la Degaña-Ibias, con calor, y facela a bloque solo con agua, porque la pérdida de sales será muy grande, pero de ehí a salir to los díes con el bote enllenu de sales hay un mundo. Además, si solo llevamos un bote, y queremos llevar sales, al final lo que se suel facer ye beber poco pa que dure hasta el final del entrenamientu.
3.-Altu nivel:
Normalmente, los deportistes de altu nivel ya tienen accesu a la consulta con médicu deportivu. Incluso agora ye posible pa simples aficionaos, por mediu de convenios.
¿que ye lo que vos van a dar los médicos? En primer llugar, todos los médicos deportivos van a controlar, por mediu de análisis, los niveles de fierru. No quiero nin oir falar de deportistes que tomen fierru sin el conseyu d´un médicu: si tais en esi casu, aconséyovos que pidais una tercera (o cuarta si fai falta) opinión. Pa que el fierru seya asorbíu, según indica la revista de la unidá de medicina del P.A., son necesarios tamién el ácidu fólicu, la B12 y la V-C.
En segundu llugar, el médicu deportivu va tratar de evitar la fatiga incontrolada, pa lo cual el reglamentu actual sólo permite regular la fatiga por mediu del control de les cargues de entenamientu y de la recuperación. El médicu deportivu, por mediu de analítiques, ye el que puede determinar si estamos cerca, por debajo o por encima del nivel de cargues de entrenamientu que el organismu ye quien a asimilar.
CAFEÍNA Y CARNITINA: ambes son usaes pa aumentar el porcentaxe de lípidos que pueden ser metabolizaos, o sea, pa “tar finu”. Son dos ferramientes que tan ehí, que tienen sus pros y sus contras y tan permitios por reglamentu actual.
Personalmente, non lo uso, mas que nada por imitación, ya que non sabría justificar porqué los “contras” superen a los “pros”
4.-Zona roxa: non ta permitío pero ta “tolerao”:
Esiste una zona nebulosa onde un deportista que quiera dir “mas allá” , con la sofita d´un médicu, puede , si me permitis la metáfora “circualar por autopista de 121 a 139,5 km/h, que ye una velicidá a la que i pues pasar por delantre al radar sin que te multen”.
En esta zona nebulosa tenemos:
a-Broncodilatadores: si el tu médicu diz que tienes asma, podríes usar un broncodilatador y non ser sancionau.Po lo visto, el 80% de los deportistas profesioales son “asmáticos crónicos”.
b-Corticoides: sirven pa aumentar la tolerancia a la fatiga y facilitar la recuperación. Si el tu médicu te da un certificau que ponga que tomes corticoides porque, por exémplu, tienes fatiga patolóxica, podríes argumentalo pa poder pasar los controles.Ante la falta de un desmentíu al respectu, dase por fecho que en el añu 2004 hubo una cantidá no determinada, pero que po lo visto son varies decenes, de resultaos analíticos positivos en la categoría élite-s/23 de ciclismo de ruta con conticoides que no serán sancionaos tras presentar (a posteriori del positivo) un certificau médicu justificando la toma del medicamentu por causes de enfermedá o lesión. El medicamentu usau parez ser que era el famosu “TRIGÓN”.
c-Hormones: po lo visto ye imposible saber cuales hormones son les creaes pol organismu y cuales non, ya que son iguales. El control lo único que va a determinar ye si la cantidá de hormones de un@ deportista ye posible que sea la normal o ye tan grande que ye imposible (como parez que ye el casu del fubolista del Bilbao). Si non me equivoco, en la NBA tan permitíes sin mas.
Si un médicu ye capaz a paliar la bajada de hormones de un deportista que ta sometíu a un gran esfuerzu (por exémplu un vuelta de 3 semanes), pero sin que esi nivel hormonal pase del límite, pues non sedría sancionau, daría negativo.
Los métodos que emplee pa que los niveles de homones estén altos non tienen por que ser necesariamente que te les de pa tomar, sino que un buen médicu puede controlar los factores que faen que ten altes, como por exémplu, la mentalización, pues ta comprobao que el sistema hormonal ta directamente relacionau con ciertes funciones nervioses.
d-Concentraciones en altura y cámares hipobáriques: estes tán permitíes sin límite algún, con la única limitación de lo caro que resulta, a no ser que vivas en el himalaya.El que ten permitíes non quier dicir que sean sanes al 100%, ya que la altura excesiva tien un efectu negativu.

En la mi opinión, cualquier deportista profesional que se mueva en esta zona “colorada” con responsabilidá ye equiparable a un profesinal de volante que circule habitualmente po la autopista con un buen coche a 139 km ¿permitido? NO ¿tolerado? Pues depende. Cada cual tendrá que facer lo que vea mejor pa los sus intereses.
Lo que opino de que la llei de "tolerancia 0 (en números redondos) pretenda hacer de esti tema un objeto del código penal déxolo pa otru comentariu. Ye un pasu atras parecíu a lo que ye penar la marihuana.

5.-Zona negra: vamos “full”.
De esta zona podeis leer to lo que querais en los 5 evangelios del apóstol “Jesús” (editorial “as”). Solo pa los que, como los Who, quieran morrer enantes de vieyos.Opino que, a no ser que teais dispuestos a correr grandes riesgos y que la cantidá económica a ganar tenga muchos “00´s”, o sea, que seais un profesional que va a ganar un carrau de millones con un riesgu calculau, o, n´otra hipótesis, non tengais nin conocimientos nin sentíu común, non tendríeis nin que pensar en pasar a la “zona negra”.
En el casu de deportistes en formación, o sea s-23 o junior, si el vuestru rendimientu ye tal que non teneis accesu a un buen médicu deportivu que vos faiga un SEGUIMIENTU, ye decir, que avale los vuestros resultaos ante el posible interés de un firma comercial pa ser profesionales del deporte (o sea, ganar mas pasta que currando en otra cosa), solo se explica que los chavales piensen en salise de les pautes que teneis ehí arriba por FALTA DE INFORMACIÓN, ye decir, si un deportista xoben non ta en la órbita de un equipu profesional sin falta andar nin con EPO nin con ANFETES nin burraes semexantes, el problema ye que NON VALE PA PROFESIONAL, y lo que tenía que facer que metese a competición de baxu nivel y seguir currando o estudiando.
Por últimu, si tais metíos en un ambiente onde les tesis que se defienden non son estes, tendríeis que entamar de pensar que tais metíos en un “submundo”, el cualu se pued detectar fácilmente tantu desde el interior del mismu comu dende el entornu próximu (padres, hermanos...)
Factor 1: Aparez la “xíriga”: el recurso recurrente a pallabres de argot suele ser un indicador de la esistencia de un “submundo” . Ver “la naranja mecánica”, onde los protagonistas tienen una “xíriga” carautirística.
Factor 2: Trivializar el tema de los medicamentos. Sin mas comentarios. Si percibís que en un determinau ambiente se trivializa el tema, se niega la gravedá del mismu... blanco y en botella ¡buscai sofita!.
Un saludu.